Onte a la nuite houbo ua sesson de sclarecimento subre la fuson de l Agrupamento de Scuolas de Sendin cun l’Agrupamento de Scuolas de Miranda. L que l’ HOIJE dixo hai dous meses afinal parece que ye berdade, las scuolas de Sendin ban a ser gobernadas por Miranda, apuis se berá l que mais bai acuntecer.
Presidentes de la Câmara , de la Junta i de la Associaçon de Pais
La sesson decorriu cun todo mundo einerbado i cun buntade de lutar por la defesa de la nuossa scuola, mas naide quier tomar la delantreira de la luta i naide quier la culpa, agora mándan la respunsabilidade para la Assamblé de Freguesie, que quíeren que dun die pal outro, faga l que eilhes nun son capazes.
La giente era bastante
Mas para resolber ls ampregos ne l Ciclo i ls lugares ne l Cunseilho Scuolar, l’Assamblé nun fui tida nin achada. Para utelizar las bias legales, que l goberno nun seguiu, pul que mos anformórun, nada fazírun. Tamien hai ls que solo ándan por fuora a saber de arranjáren un modo de poner ls sendineses uns acontra ls outros, mas apuis aparécen a saber de ls ampregos pals filhos.
Todos quíeren saber
Onde stán ls sendineses que conhécen todo mundo, que arránjan ampregos, que mándan, que ténen ls buns lugares i gánhan bien? Mas bai a haber fiesta quando habie de haber un die de luto. Bai a haber cundecorados pula Câmara i Sendineses d’Honra, a nós, ls que tols dies trabalhamos para Sendin ser grande, naide mos conhece.
Apuis de la sesson habie muito antendido
Será que ban a fazer l que dízen? Nó, mándan ls outros… Agora sáben todo, mas durante meses stubírun calhadicos…
Pul que bimos, inda bai a ser Geraldes a pagar cun la culpa…
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
