PORJETO “SELF-PREVENTION”
L Agrupamiento Ouropeu de Cooperaçon Territorial Douro/Duero (AECT) abriu nuobe delegaçones para refuorço de la cooperaçon trasfronteiriça al nible de la prebençon de fuogos florestales atrabeç de l Porjeto "Self-Prebention".
Cun esta rede de delegaçones quier-se oumentar l fomiento de la cooperaçon trasfronteiriça an bários porjetos yá an curso, l mais amblemático de ls quales ye l "Self-Prevention".
PIDDAC PARA 2011
Ne l çtrito de Bergáncia, l PIDDAC abaixou de pouco mais de quatro milhones i duzientos i sessenta mil euros, an 2010, para 656 mil euros an 2011.
Tal cumo sucediu ne l'anho passado, solo quatro de ls 12 cunceilhos de l çtrito de Bergáncia ténen dreito a ambestimientos: Bergáncia, Macedo de Cabalheiros, Miranda de l Douro i Mogadouro.
An Miranda de l Douro buolta a merecer ambestimiento l'arranjo ourbanístico sterior a la muralha, desta beç cun 50 mil euros.
An Mogadouro la renobaçon de l tribunal de la comarca ten prebista ua berba de cerca de 150 mil euros.
RANKING DE LAS SCUOLAS SECUNDÁRIAS
Segundo l ranking de l’Ansino Secundário, la scuola mais bien colocada ne l çtrito de Bergáncia ye l Sternato Liceal de Torre de Dona Chama (Mirandela), que quedou na 229ª posiçon a nible nacional. Mesmo assi, ls 103 alunos que fazírun las pruobas nun cunseguírun ir para alhá dua média d'eisame de 10,82. Solo seis scuolas ténen média positiba, bariando antre 10,82 i 10,01. A la scuola de la Torre Dona Chama júntan-se las Secundárias de Miranda de l Douro; Abade Baçal (Bergáncia); La EB 23/ S de Bila Flor; i las Secundária Miguel Torga (Bergáncia) i Mirandela.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
