Demingo teneremos un momiento amportante. An Miranda de l Douro, la lhéngua mirandesa bai a ser reina, porque ls alunos de l curso de lhéngua mirandesa de las scuolas de Miranda, ban a fazer un teatro an mirandés. Todos ls que podirdes ir, débeis fazé-lo porque hai que apoiar las nuobas geraçones a gustar de la nuossa lhéngua i a promobé-la. La lhéngua solo ten sentido se fur assi i nó para ser solo pieça de museu, ancerrada an lhibros, que poucos léien.
Mais amportante que pormober pessonas ye amportante que las nuobas geraçones ámen la lhéngua de sous pais, que la béian cumo sue i nó de uns poucos anteletuales.
“Un die un porsor lhebou ls alunos a ber l mar i quando chegou a la praia passou l tiempo a tirar retratos del i de un barco que se bie al lhargo. Quando chegou a la scuola, mandou fazer un trabalho subre l mar. Todos falában ne l porsor i ne l retratos cun el i l barco, naide soube l que era l mar”.
