“L BURRO i l GUEITEIRO” nun ye solo un festibal de danças i arraiales a las nuites, ye muito mais, son 5 dies an que la cultura ye la reina i durante todos ls dies, zde manhana a la nuite, hai carradas de atebidades. Passeios de burro cun bárias caminadas puls sítios mais turísticos. Bejitas als locales stóricos, a las paisaiges mais guapas de las arribas i de la prainada. Stúdan-se las árboles, ls animales. Daprende-se música i dança. Aprecia-se la comida regional. Conhéçan-se las pessonas i ls lhugares. Daprende-se la lhéngua mirandesa. Las pessonas que bénen ua beç, búolben mais bezes.
Estes dous pequeinhos bideos son de la caminada antre Atanor i Picuote.
