FERIADO?
Esta ye ua ambora, mas para nós mirandeses ye mais un zabafo que ambora, por esso l scribo solo an mirandés.
Tengo yá mais de metade de l tiempo que tem la República i nunca se me lhembra de ls mirandeses guardáren este feriado. Nun ye por séren acontra ó a fabor, mas porque este ye un de ls feriados que a nada mais ampórtan que als políticos i als trabalhadores de l stado, para tenéren mais un die de çcanso pago cul denheiro de todos.
Quando la crise ye tan grande i custa tanto achar adonde fazer cortes, ó arranjar receitas, ende stá un sitio buono, poner essa gente a trabalhar mais un die i poupar nas comemoraçones.
