Aporbeitando l die de ls Grazes, l G.D.Sendin ourganizou un jogo an que l recinto de trás de la Junta foi debidido an 1000 quadrados a que fui dado un númaro. Sorteórun ls númaros puls associados de l clube i metírun ne l recinto ua burra a andar de un lhado para l’outro até que cagasse. Ne l quadrado adonde caíssen ls purmeiros cagalhones serie l ganhador de ua bitela.
Este jogo yá habie sido feito outros anhos nel campo de la bola i nessa altura, an beç dua burra, fui ua baca a dar las buoltas, l jogo chamou-se por esso l “caga la baca”. Desta beç cumo l die de Grazes tamien ye conhecido cumo la feira dels burros, scuolhírun ua burra para l jogo. L prémio era ua bitela, que cumo podeis ber pul bideo acabou por tocar al númaro 63. L ganhador fui Miguel Aleixo, filho de Jorge Aleixo.
