PAULITEIRICOS DE MOGADOURO
La Cámara de Mogadouro ten an açon un porjeto de ansino de musicas tradicionales i antre eilhas l’ansino de ls lhaços de ls pauliteiros. Para daprender estes lhaços nada melhor que un grupo de pauliteiricos que poderan ser l feturo. Ua de las cousas mais amportantes deste ansino ye la pesquisa de ls lhaços i porcurar ansinar ls lhaços menos dançados puls grupos de pauliteiros, para que todo bá quedando para las geraçones feturas. Nós tenemos un de ls melhores studos i registos de ls lhaços de tierras de Miranda i até de Spanha i mais ua beç fumos a registrar un lhaço que cuidamos que nunca fui filmado. Yá an 2007 publiquemos la letra, recolhida an 1978, mas solo agora tenemos l registro de l bideo de la dança.
An tierras de Miranda hai ua pequeinha çfrénia na dança, que ye haber la passaige al fin de cada quadra para ls pauliteiros íren mudando de posiçon até cumpletátren la cruç, quier dezir, formados nas quatro direçones.
Antendidos i doutores hai muitos, mas…
