Hoije houbo assamblé-giral de la Copratiba “A SENDINENSE” para aprobaçon de las cuontas de l anho 2011-2012.
Muitos associados persentes i apuis de apresentados ls resultados de la campanha de l azeite deste anho, fúrun aprobadas las cuontas por ounanimidade.
Este fui l’anho na que mais se çcutírun las cuntas de la Copratiba i inda que cun algun eisagero de lhenguaige, fui buono que todos podíssen falar i poner ls sous porblemas, l que lhebou a ua melhor i maior clarificaçon de la bida i geston de la Copratiba.
Neste momento ye mais ua Copratiba sendinesa que nun tem dibedas i que tanto eiquenomicamente cumo financeiramente puode deixar ls associados çcansados.
Agora ye apostar na comercializaçon i na culidade de l’azeite de l Praino i fazer andar para lantre esta region.
