SENHORA DE LA LHUÇ
Ne l último fin de sumana de Abril ye la romarie anternacional de la Senhora de la Lhuç , ne l cabeço de la Lhuç acerca de la aldé de Costantin, Miranda de l Douro.
Esta ye ua de las mais antigas romaries de l nordeste trasmontano i ua de las más grandes de la raia antre Pertual i Spanha. L cabeço de la Lhuç queda miesmo na raia seca i ls pertueses i spanholes de un lhado i outro, siempre cumbibírun ne l pastoreio de l ganado, yá que las tierras eran apegadas. Siempre se fizo feira de ls dous lhados i ne l die de la romarie habie siempre la possiblidade de mercar uas lhembráncias para lhebar para casa.
Este anho la romarie tubo mais giente que se pensaba cumo podeis ber puls retratos.
La missa i la procisson tamien tubírun muita giente, l que ben amostrar que la deboçon a Nuossa Senhora inda ye grande an Tierras de Miranda i Aliste.
Para las aldés bezinas, la romarie tamien se chama de San Marcos, porque l die deste santo ye l die 25 de Abril i fázen tamien la fiesta al par de la de Senhora dela Lhuç, donde séren las dues eimages que ban na procisson.
