CULTURA nun ye solo ua palabra, nun ye un cunceito, ye la alma dun pobo, dua tierra dua region. Ye pobo, ye tierra, ye tradiçon, ye arte, ye bida.
Quando las associaçones i las outarquies dan lhibardade a quien sabe i quier, quando se pónen al serbício de l pobo, dá nesto, ua obra d’arte cun bida, adonde partecipórun pessonas de bárias aldés que pagórun para daprender, porsores que l son por amor i gusto, giente i outarcas que áman la cutura mirandesa.
Las scuolas ajuntórun ls sous alunos an Atanor, porpáran la fiesta de l fin de l curso, que bai a ser ne l fin de l més an Palaçuolo.
Mas mais que palabras saboreai l bideo até al fin.
