La cultura, l'etnografie i la gastronomie mirandesas stubírun an çtaque durante l festibal GEADA que calciu ls dies frius de l'ambierno cun un cunjunto d'eniciatibas que se rializórun ne ls dies 28, 29 i 30. L festibal tubo cumo lhema "Bamos derretir l carambelo!" , sendo ua einiciatiba de la Associaçon Recreatiba de la Mocidade Mirandesa (ARJM). "Miesmo que cun la buntade coletiba de la mocidade mirandesa, fui bastante defícel aguantar l festibal, dado que ls patrocínios scasséian nun tiempo que ye de crise", cumo dixe l persidente de la ARJM, Luís Filipe Firmino,mas cula boluntariadade i apoio de todos ls mirandeses, an special ls moços,fui un sucesso. L festibal GEADA dou a coincer al sterior, las tradiçones i ls aspetos mais marcantes de la cultura del praino mirandés.
