Las dues eiquipas
Mirandés – 1
Sendin –-- 0
Die de sol i cun muitas pessonas a ber, jogou-se l jogo mais amportante para las dues eiquipas, que ye l “derby” de l Praino.
La purmeira parte, cumo nun podie deixar de ser, ampeçou por ser un jogo an que las dues eiquipas jogában cun cuidado para nun perdéren l jogo, mas l Sendin, cu nua eiquipa mais moça querie ganhar i lougo tubo ouportunidade de marcar.
L Sendin quaije fazie golo ne l purmeiro minuto
L Mirandés cun ua eiquipa mais spriente apostaba todo ne l contra-ataque i speraba un erro de l Sendin. Por outro lado, cumo ten jogadores que yá jógan juntos hai muitos anhos, sabie posicionar-se melhor ne l campo. La melhor téquenica de l Sendin de nada balie i nun erro de la defensia de l Sendin, L Mirandés faç l único golo de l jogo.
L jogo passou a fazer-se ne l meio campo
Stubo bastante giente a ber l jogo i fui amportante, nun jogo antre l Sendin i l Mirandés, ber la buona cumbibéncia de todos. Siempre hai un ou dous de ls dous lados que todo fázen para haber porblemas i inda mais quando méten a la frente de las sues tierras, las eileiçones que ende bénen.
Ls giente que stubo a ber
Sculpai star mais ua beç a falar ne ls partidos, mas até de un jogo de bola se aporbéitan para meter beneno antre las pessonas. Mas la maiorie soubo star i ber i todo corriu bien, solo fui pena l Sendin nun tener marcado un golo, inda que tubisse muita oucasion para l fazer. Para ls que nun sáben, l jogo era an Miranda, mas cumo ten l campo an obras, benírun a jogar eiqui. Inda habie quien ls quejisse ampuntar (poucos).
Mesmo ne l fin, l Sendin poderie haber marcado
L Sendin ten buona eiquipa mas muito moça i l treinador tamien inda ye de ls que joga mais para l spetáclo que para ganhar i esso ye l que ten acuntecido, l Sendin perde por falta de manha, mas son jogadores nuobos i stan a fazer ua eiquipa de feturo.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
