La purmeira-dama de ls Stados Ounidos, Michelle Obama, ampeçou ua nuoba huorta na Casa Branca, a partir de la qual quier ouferecer berduras frescas e saludables para las filhas i ls besitantes. Eilha scolhiu ua área ne l sul de l terreno de la stórica mansion persidencial.
Michelle Obama na huorta
Las huortas en Lisboua contínan a oucupar centenas de reformados i ampeça a anteressar a cada bez mais moços. La Câmara porpara-se para fazer un porjeto de balorizaçon de las huortas: spéran-se 50 ha de huortas cuidadas, cun caminos, auga i artimanhos própios, ne ls próssimos 3 anos, i la criaçon de pequeinhos mercados para comercializaçon de ls pordutos locales.
Huortas en Lisboua
Porqui ampecemos por apersentar un porjeto para recolhir ls pordutos regionales, na Copratiba i solo ye perciso que ls partidos nun béngan a meter politica partidária por cousa de las eileiçones i nun tráten de botar todo abaixo.
La huorta de Abílio Peixareiro, an Forcaleiro
L hoije ten apersentado muita cousa nuoba para la melhorie de la nuossa tierra.
Obama dá l’eisemplo de que ye amportante la pequeinha agricultura.
La câmara de Lisboua tamien, mas porqui hai quien querga ser mais sabido. Dá-me ganas de dezir cumo Scolari: “ i you ye que sou l burro?”.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
