Ne l Naso realizou-se l cuncurso de canhonas i cordeiros de la raça churra mirandesa, que ye un nome bien mirandés. Las canhonas desta raça son yá certeficadas i para esso hai ua associaçon de criadores, que fui quien ourganizou l cuncurso, cun la ajuda de la Câmara de Miranda.
Ua canhona de la raça churra mirandesa
Al cuncurso cuncorrírun muitos criadores cun las sues melhores canhonas i stubo muita giente a ber l cuncurso. Las canhonas desta raça son criadas a la moda anti(g)a, an ganados que ándan pul termo de ls cunceilhos de Miranda i Bumioso. La carne ye assi de mui buona calidade, mas tamien ye aporbeitada la lana para ls arti(g)os de artesanato.
L sitio de l cuncurso
Las canhonas de Malhadas fúrun las que ganhórun mais prémios. Ls prémios fúrun ls seguintes:
1ª. Sec. – carneiros – Luís Pires de Dues Eigreijas
2º. Sec. – malatos – Bento Pires de Malhadas
3ª. Sec. – canhonas – Bento Pires de Malhadas
4ª. Sec. – malatas – Bento Pires de Malhadas
5ª. Sec: - prémio special:
- Cunjunto até 100 canhonas – Francisco Pires de Malhadas
- Cunjunto de mais de 100 canhonas – Luís Pires de Dues Eigreijas
L persidente de la Câmara a antregar ls prémios
Mais un die de reconhecimento de l trabalho de ls que trabálhan para criar riqueza ne l nuosso cunceilho i que apóstan na calidade de ls pordutos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão
