Este eisercício ye solo pa la/ls alunas/os que ampéçan i s’anscrebírun astanho pula purmeira beç. A essas/es alunas/os se le pide un sfuorço un cachico mais grande agora ne l ampeço, cumo yá dezimos na licion 002.

Queda, anton, cumbinado: ls eisercícios adonde apareça AMPEÇAR lhougo a la cabeça, son subretodo çtinados a essas/es alunas/os, que ampéçan. Stá bien de ber que qualquiera outra pessona ls puode fazer.

Las dieç frases que stan a seguir ténen palabras mal screbidas, cun letras que nun stan bien. Para çcubrir ls erros bonda coincer l abc de l mirandés. L que se le pide a cada aluna/o ye que çcubra la letra/letras [atençon: la forma de las palabras stá bien, l erro stá solo an ciertas letras] que nun stan bien i las eimende.

Para respunder a este eisercício hai que studar cun atençon las purmeiras classes de 1º anho deste curso, que puoden ser cunsultadas lhougo eiqui abaixo.

Quien tubir dúbedas puode poné-las na rúbrica de l curso Repuosta a Preguntas ou mandá-las pa la caixa de correio de l curso cursomirandes2@gmail.com

Prázio de respuosta – la fin de l die 23 de Setembre.

1 – Andava ua rapaza mui feliz porque le agabórum l peinado, mas solo habie labado la cabeça cum sabon.

2 – L juiz mandou-lo an paz para casa, cuidando que num tornava a fazer mal.

3 – Agora iá naide fila l lino, que num vale l précio que cústam ls lençoles i num hai auga para arregar ls linares.

4 - La lei de l mirandés fui aprovada an mil novecientos i noventa i nuove.

5 - La léngua mirandesa yá se falava na Eidade Média, pus ie um ramo de la léngua de l Reino de Lion.

6 - L tiu era sordo dun ouvido, mas diz que ouvie melhor que naide.

7 - Las canhonas gústam de pacer na fresca de l verano, mas se fúrem lanudas agárram muita calor.

8 – Faz biem l que fazires, e serás chefe de ti mesmo que ie l mais defícele.

9 – Cumo estou a ampeçar, num admira que m’anganhe; mas devagarico chegarei a screvir bien l mirandeç.

10 – Veniste a buona hora, que inda num hai lunar i l viento inda nun se levantou.

18 de Setembre de 2007

Amadeu Ferreira