amadeu · 14/10/2007
Eisercício 005 - Lhembrar III - Resoluçon
Las repuostas dadas stan mui bien, i ls erros son ralos. Ls mius parabienes. Cuido que ls berbos stan a antrar bien, mas inda tenemos que ansistir, para todo quedar bien i l próssimo eisercício bai a ser subre l mesmo tema.
An ciertos casos poderie haber bárias scuolhas de l tiempo i you até pongo algues dessas scuolhas antre paréntesis, inda que guste mais de las outras.
Mas hai un caso para que quiero chamar l’atençon i que tenemos que resolber: ye ua cierta cunfusion antre la 1ª i la 3ª pessonas de l singular, de l pertérito perfeito. Eiqui quédan ls eisemplos de l testo, para nun haber dúbedas, yá que ye mui fácele nun dar esse erro se stubirmos cun un cachico de atento:
1ª pessona singular
3ª pessona singular
stube [star]
pude [poder]
tube [tener]
pus [poner]
soube [saber]
stubo
pudo
tubo
puso
soubo
Quien nun respundiu puode cuntinar a respunder, tanto pa l SAL cumo para cursomirandes2@gmail.com
Resoluçon:
Cunsante habiemos [habie] (haber) treminado, fui-me a tener cun el a meidie, mas el nun staba (star) an casa, porque habie (haber) ido pa la scuola a ber se desta beç era [serie] (ser) capaç de passar ne l eisame. Fui-me, antoce, a la scuola mas al ir pula (por + la) rue abaixo arrebalei (arrebalar) dei (dar) ua caída i scalabacei (scalabacei) la cabeça. Alhá tubo (tener) que benir l’ambulança, mas solo traie [trouxo] (traier) un bumbeiro que ajudasse [ajudou] (ajudar) las pessonas a chegar bien al spital. Farto de spitales andaba [ando] (andar) you, porque inda dalhá habie [hei] (haber) salido hai menos dua semana, por bias dun delor que se me puso (poner) ne l carcanhal de l lhado squierdo i fui arrepassando pa l garfo de l pie. Agora, quando me fálan (falar) an spitales até me passa (passar) ua cousa puls uolhos i, a las bezes, até me anrábio (anrabiar) cumigo mesmo, porque la giente de l spital até ye mui afeiçonada (afeiçonar) a quien alhá bai (ir) a tener. Desta beç até achei (achar) alhá ua rapaza mui simpática, que ye (ser) de Sendin i ten (tener) l oufício de anfermeira, mui guapa, cumpetente i esso todo. Cumo son (ser) las cousas.... L mundo ye (ser) mais pequeinho do que [que l que] nós cuidamos (cuidar). Mal apenas l miu amigo soubo (saber) que you habie (haber) ido pa l spital, deixou (deixar) la scuola i fugiu (fugir) rue abaixo para ir a tener cumigo. Mas quando atrabessaba (atrabessar) ua passadeira bieno (benir) un altemoble i cobrou (cobrar) –le ua pierna. Qual nun fui (ser) la mie admirança al ber l miu amigo na cama de l spital al lhado de la mie: you bien le querie [quije] (querer) dezir que nun boziasse / boziara (boziar), mas el nien me oubiu [oubie] (oubir), que ls anfermeiros tamien nun se calhórun (calhar) anquanto nun bírun (ber) que l miu amigo yá staba mais assossegado. Hai (haber) dies an que ua pessona nien puode (poder) salir de casa, que agarra todas las zgrácias lhougo a la puorta.
I pronto, l que staba [stubo] (star) para ser un ancontro de amigos nun café, que yá muito tiempo nun se bien (ber), acabou (acabar) por se dar na cama de l spital, mas alhá nun se bében (buer) copos, nien un ten (tener) gana. Agora, quando mos lhembramos (lhembrar) de l que se passou (passar) até mos caiémos (caier) cula risa.
13 de Outubre de 200
Amadeu Ferreira
