amadeu · 01/12/2007

Eisercício – lhembrar 008

L eisercício que hoije bos aperpongo ten a ber cula Traduçon I, que faziemos eiqui hai dies, La Parábola de ls siete bimes/las siete brimes, de Trindade Coelho. Ye algo de nuobo que inda nun fazimos até agora.

Cada ua/un bai a ler outra beç l testo cun muita atençon i bai a respunder a las seguintes preguntas, simples cumo l testo que traduzimos, mas que ye un abanço an relaçon al que tenemos feito até agora.

Cuido que dará tiempo poner eiqui las repuostas até al die 8 de Dezembre.

P(regunta) – Quien screbiu la cuonta Parábola de ls siete bimes/ls siete brimes?

R(epuosta) –

P – De que tierra era esse scritor?

R –

P – An que lhibro fui publicada essa cuonta?

R –

P – Qual ye la eideia que la cuonta mos quier trasmitir?

R -

P - Quantos filhos tenie l pai de que fala la cuonta?

R –

P – Quales éran las preocupaçones de l pai an relaçon al feturo de ls souis filhos?

R –

P – Para alhá de podéren serbir para cuontar parábolas, para que mais puoden serbir ls (las) bimes (brimes)?

R –

P – Será que se puode aplicar la parábola al feturo de la lhéngua mirandesa?

R –

P – Qual ye la tue oupenion subre la parábola?

R –

30 de Nobembre de 2007

Amadeu Ferreira