← CURSO DE MIRANDÉS de l SAL – 2º ANHO
editada dia 02-12-2007 13:56:38 por: amadeu
Poner aqui las repuostas
P(regunta) – Quien screbiu la cuonta Parábola de ls siete bimes/ls siete brimes?
R(epuosta) – Trindade Coelho.
P – De que tierra era esse scritor?
R – Mogadouro.
P – An que lhibro fui publicada essa cuonta?
R –Os Meuses.
P – Qual ye la eideia que la cuonta mos quier trasmitir?
R – la extraordinariamente grande fuorça de la ounion.
P - Quantos filhos tenie l pai de que fala la cuonta?
R – Siete.
P – Quales éran las preocupaçones de l pai an relaçon al feturo de ls souis filhos?
R – Mantene-los bien ounidos, para siempre.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Para fazer ciestos, cestas, bases para poner tachos i panelas calentes, para porta chabes, para pastas de lhibros de criança, para anfeites, tipo paixaricos, borboletas, etc, para basos de froles, para cuortinados de ebitar antrada de moscas para adentro de casa, para separadores de locales de trabalho, para apoios de pratos de anfeite, etc.
P – Será que se puode aplicar la parábola al feturo de la lhéngua mirandesa?
R – Si, puode tener grande aplicaçon, cuomo se puode ler no comentário que you acabei de poner no blogue, l testo de Ana Maria; L feturo de La lhéngua mirandesa, passa, para mie, por criar berdadeiras "Armandades de Mirandeses" que ban ounindo, cul oubjectibo de daprander la lhéngua, i por antermédio de “blogues”, “sites” i e-mails, se ban coincendo i cuincendo nuossos cuonterrâneos que cuontinuan a bibir naqueilhas houmildes aldés mirandesas, adonde aprandimos a falar la lhéngua mirandesa i, todos ounidos, cuomo las siete brimes, nunca seremos bencidos por fuorças de zounion i antrequidéncias que pretendam la eleminaçon de la lhéngua.
Cuomo se cuonclui na "Parábla de las siete brimes" de Trindade Coelho, l' ounion ajuda a mantener la imensurable fuorça de la lhéngua mirandesa, a cuontribuir para un mundo mirandés melhor.
P – Qual ye la tue oupenion subre la parábola?
R – Yé ua extraordinária liçon de sensibilizaçon de las personas pa l’ amportância de la inuomíssima fuorça que ten la ounion de las personas, para realizaçon de un objectibo comum.
Yé la mais fuorte afirmaçon de que l puoder i la lhiberdade se cuonquista pula ounion an buolta de un cierto oubjectibo (cuomo acuonteciu an Timor) i não cula fuoça de las armas.
Yé un grande murro no estomago, para grandes familias, cuomo la mie (exactamiente de siete armanos), an que nun cuonseguimos mantener la ounion.
Yé tan amportante, que debie ser ansinada, a tuodas las personas, inda an pequeinhos, cuomo forma de mantener la fuoça de la sue família, de la sue aldé i de l país an que bibimos.
Leonardo Antão
2DEZ07
Eisercício-lhembrar 008
P(regunta) – Quien screbiu la cuonta Parábola de ls siete bimes/ls siete brimes?
R(epuosta) – Quien screbiu la parábola fui Trindade Coelho
P – De que tierra era esse scritor?
R – L scritor era de Mogadouro
P – An que lhibro fui publicada essa cuonta?
R – In “Os meuses”
P – Qual ye la eideia que la cuonta mos quier trasmitir?
R – L’ounion faç la fuorça
P - Quantos filhos tenie l pai de que fala la cuonta?
R –L pai que fala la cuonta tenie siete filhos
P – Quales éran las preocupaçones de l pai an relaçon al feturo de ls sous filhos?
R – Las preocupaçones de l pai de ls siete filhos éran las que todos ls pais tenien. Cumo armanos, séren siempre ounidos, amigos i que nunca houbisse zounion entre eilhes.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Las brimes para alhá de podéren serbir para cuontar la parábola sérben para fazer cesto i cestas.
P – Será que se puode aplicar la parábola al feturo de la lhéngua mirandesa?
R –Si,you cuido que se to las pessonas se çcuitaren, percipalmente ls mirandeses, eilha (lhéngua) tenerá fuorça i bencerá.
P – Qual ye la tue oupenion subre la parábola?
R –La mie oupenion, ye que to las famílias dében seguir l’eisemplo destes siete armanos. Bibindo siempre an buona armandade ajudando-se uns ls outros, sien zounion, para que nadie ls bença.
Eisercício-lhembrar 008 - Repuosta
P(regunta) – Quien screbiu la cuonta Parábola de ls siete bimes/ls siete brimes?
R(epuosta) –La parábola de Ls siete bimes/ls siete brimes fui screbida pul scritor Trindade Coelho.
P – De que tierra era esse scritor?
R – La tierra adonde naciu l scritor ye Mogadouro
P – An que lhibro fui publicada essa cuonta?
R – Ne l lhibro cul títalo “Os meuses”
P – Qual ye la eideia que la cuonta mos quier trasmitir?
R – L’eideia que mos aparece na cuonta ye l balor de l’ounion
P - Quantos filhos tenie l pai de que fala la cuonta?
R – L pai de que se fala na cuonta tenie siete filhos
P – Quales éran las preocupaçones de l pai an relaçon al feturo de ls souis filhos?
R – La preocupaçon de l pai era que ls filhos nun se nantenissen ounidos apuis de se morrer i dende le benir mal, assi ousou ua brime, que l mais nuobo quebrou bien i apuis un feixe deilhas que l mais bielho sendo l mais fuorte de la freguesie nun fui capaç, nien todos juntos quebrar.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Las brimes, apuis de séren cortadas de ls brimeiros i tratadas son scolhidas para fazer cesto, cestas i cesticas. Todos ténen muita outelidade, ls cestos para carregar las ubas, las cestas sendo mais pequeinhas para muitas mais cousas, apanhar patatas, cebolhas, frajones, pomientos, las cesticas yá feitas culas brimes mais delgadas i sien la casca éran de stimaçon i ousadas pulas ties ne l braço quando fazien meia, para lhebar la merenda pa l termo i pulas moças para lhebar froles.
P – Será que se puode aplicar la parábola al feturo de la lhéngua mirandesa?
R – Si, se puode aplicar al feturo de la lhéngua Mirandesa, i bien. De l mesmo modo, que ls filhos de l tiu de la parábola de las siete brimes, tamien nós se nun stamos ounidos quienquiera puode zombar, fazer mal ou bencir este porjeto. Até se nun se fazíren las cousas bien i de modo serio, perde-se todo l trabalho que se fizo até hoije. Solo an ounion i dando las manos puodemos fazer un balinte paredon que naide atentará a zbarrulhar.
P – Qual ye la tue oupenion subre la parábola?
R – La mie oupenion subre la parábola ye de las melhores para ls houmanos dantender l berdadeiro segneficado de que l’ounion fai la fuorça. Assi i todo, mas la parábola nun ten la culpa, inda nien todo l mundo la dantendiu, lhougo deilha nun fai uso. Cuídan que solicos se puode mantener un património de pie, que las parábolas son solo para anfeitar libros i conta-las ls pequeihos.
Ne l die a die las parábolas son las cousas tapadas de las nuossas bidas.
P – Quien screbiu la cuonta Parábola de ls siete bimes/ls siete brimes?
R– Fui Trindade Coelho, Zé Chico de sue grácia.
P – De que tierra era esse scritor?
R – Trindade Coelho naciu an Mogadouro, an 1861. Diç que inda andou a la scuola an Trabanca, yá dua beç you iba quaije perdendo ua aposta por bias disso!
P – An que lhibro fui publicada essa cuonta?
R – Ne l lhibro "Os meuses", publicado an 1891.
P – Qual ye la eideia que la cuonta mos quier trasmitir?
R - L'ounion fai la fuorça.
P - Quantos filhos tenie l pai de que fala la cuonta?
R – Siete, que diç que ye l númaro de la purfeiçon.
P – Quales éran las preocupaçones de l pai an relaçon al feturo de ls souis filhos?
R – Que se zouníssen i que se botássen pori a perder.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Assi de repente, sírben para fazer cestos i cestas, mas cumoquiera que inda ténan outras serbenties.
P – Será que se puode aplicar la parábola al feturo de la lhéngua mirandesa?
R – Pus claro que puode, mas l melhor, l melhor ye ir-la aplicando yá ne l persente. Bendo bien, la parábola puode-se aplicar a quaije todo, cumo, de restro, ye própio de las parábolas.
P – Qual ye la tue oupenion subre la parábola?
R – Fácele de antander i ounibersal; simples sien deixar de ser perfunda al mesmo tiempo, al fin de cuontas, la mistura más defícele de alcançar.
editada dia 08-12-2007 14:12:04 por: Ana Maria F
editada dia 08-12-2007 14:05:30 por: Ana Maria F
editada dia 08-12-2007 13:51:46 por: Ana Maria F
Oulá Porsor Amadeu,
Oulá a todos,
Para respunder a estas preguntas que mos aperpon, Porsor, tengo pena de nun saber an que carton arrumei esse remanse de Trindade Coelho, « Os Meuses ». Mudei de casa este berano i muitos lhibros que tenemos inda stan an cartones. Nun podie ser d’outra maneira. Antretanto, sei que fui nesse lhibro que cheguei a ler la outobiografie desse outor que achei mui antressante i de que nun se me squecírun ciertas cousas porque me marcórun bastante.
– De que tierra era esse scritor?
Naciu José Francisco Trindade Coelho an 1861, an Mogadouro, ua « pequeinha bila trasmontana de ourige árabe »… Era assi mais ou menos cumo ampeçaba essa outobiografie i acho que l outor tamien andica nessas purmeiras linhas a que altitude se situa Mogadouro… L que se sabe tamien ye que Trindade Coelho era filho de pessonas ricas i que la mai se morriu quando el tenie uito anhos. Depuis, nessa mesma outobiografie, Trindade Coelho tamien splica que fui an Trabanca, ua pequeinha aldé antre Sendin i Mogadouro, que quedou a morar an casa dun porsor que le ansinou as purmeiras letras. Na casa adonde bibiu, diç el que ls quartos i las dibisones an geral eran tan pequeinhas cumo « poleiros de galinhas ». Essa cumparaçon a mi siempre me fizo pensar ne ls quartos, mui pequeinhos tamien, que habie por eisemplo an casa de miu abó Manuel Paxareiro, l pai de miu pai, que ainda eisiste por milagre tal i qual cumo siempre eisistiu, mui cerquita de la praça an Sendin, i na qual criou antretanto siete filhos, el solico a partir de cierta altura porque tamien se le morriu la mulhier quando miu pai tenie tamien solo uito anhos. Até parece que la stória de ls homes se repete !
– An que lhibro fui publicada essa cuonta?
Essa « Parábola de ls siete bimes » faç parte dun conjunto de cuontas que ten por títalo Os Meuses, lhibro que fui eiditado an 1891. Trindade Coelho tenie anton trinta anhos.
– Qual ye la eideia que la cuonta mos quier trasmitir?
La eideia ye claramente sprimida pul pai quando diç : « anquanto bós stubirdes todos ounidos cumo armanos que sodes, naide zumbará de bós, nin bos fazerá mal, ou bos bencirá. Mas assi que bos apártedes, ou que reine antre bós la zounion, facelmente sereis bencidos. ».
Resumindo, para que todos ls filhos puodan bibir felizes i naide ls puoda bencir, la eideia que ten l pai ye que ténen que cuntinar todos ounidos. Quanto mais ounidos fúren, mais fuortes seran i quaije ambencibles , capazes de anfrentar todas las dificuldades que puoden aparecer na bida.
- Quantos filhos tenie l pai de que fala la cuonta?
Tenie siete filhos tal i qual cumo miu abó. Este número ye mui amportante dun punto de bista simbólico an muitas cebilizaçones i religiones, na Bíblia por eisemplo mas tamien parece, na religion muçulmana i budista. Ye símbolo de perfeiçon i de Dius até. Ye un número cunsiderado por muitos cumo sagrado.
- Quales éran las preocupaçones de l pai an relaçon al feturo de ls sous filhos?
Que se mantubíssen siempre ounidos. Ye ua preocupaçon mui legítima que só puode honrar qualquiera pai ou mai tamien.
– Para alhá de podéren serbir para cuontar parábolas, para que mais puoden serbir ls (las) bimes (brimes)?
Para fazer cestos bien guapos cumo un, bien antigo, que era de mie bó Ana i que tengo aqui an mie casa an França. Esses cestos artesanales feitos pulas manos habilidosas desses artistas que éran ls cesteiros son preciosos, podeis acreditar, i son cousas que cun l tiempo han-de ganhar cada beç mais balor. Ides a ber ! Hai que guardá-los bien guardados !
– Será que se puode aplicar la parábola al feturo de la lhéngua mirandesa?
Nun hai dúbeda ningua, cumo para muitas outras cousas na bida tamien ! Todos ounidos i cuncientes de l balor que representa la Lhéngua Mirandesa assi cumo muitas outras cousas de que herdemos ye que poderemos ser capazes de transmitir a las geraçones futuras l que zde siempre ls nuossos antepassados mos soubírun transmitir.
Ne l mundo de hoije, tamien corremos l risco de perder mais de l que pensamos se nun furmos capazes de mos dirmos bien de cunta de todo l balor que representa la nuossa cultura de ourige a todos ls níbeles.
– Qual ye la tue oupenion subre la parábola?
L home muitas bezes precisa de pruobas para chegar a alguas cunclusones i tirar alguns ansinamentos. Precisamos de eisemplos cumo aquel que mos transmite essa parábola de Trindade Coelho para tomarmos las melhores decisones.
Será neçairo lhembrar tamien por eisemplo que la 2da Guerra Mundial fui ganha subre ls nazis alemanes grácias a la ounion que houbo antre ls aliados : França, Anglaterra, Stados Ounidos, Canadá, Brasil, etc. ?
Se nun fura assi, Dius mos lhibre !
editada dia 09-12-2007 2:23:12 por: francisco
editada dia 08-12-2007 16:41:40 por: francisco
P – Quien screbiu la cuonta Parábola de ls siete bimes/ls siete brimes?
R – Trindade Coelho
P – De que tierra era esse scritor?
R – Diç que era de Mogadouro, mas nun sei, que nun le bi nacer, se hai registos desso nun sei. Tamien oubi dezir que era de Trabanca , se era! You i el inda pisarimos la mesma tierra pala Malhada i en Pienhas Falcon, apostaque tamien andou culas bacas por aquilhas regadas. You andei a arar últimamente i a cabar, en tiempos ibá cun mius abós a sembrar a cegar i arricar, tamien andei a regago i a leitarigas por aquielhes prados de Trabanca.
P – An que lhibro fui publicada essa cuonta?
R – Nos miuses.
P – Qual ye la eideia que la cuonta mos quier trasmitir?
R – Para mi la ideia ye só ua, la union de la famíla, que ye la primeira que mos bal.
P - Quantos filhos tenie l pai de que fala la cuonta?
R – Tenie siete filhos, un número que me gousta.
P – Quals éran las preocupaçones de l pai an relaçon al feturo de ls sous filhos?
R – Era la union antre eilhes, you stou conbencido que mais de ciquenta por ciento de la noussa personalidade agarra-se en casa de noussos pais, i l resto bamos-lo aprendendo durante la bida. Mas la eideia que tengo, ye que la paráboa querie dezir, ye para ls armanos nun se apartaran. Penso que muitos pais tenén la culpa quando ls filhos se aparten i sufren al mesmo tiempo cun esso. A las bezes nun se dan cun uns, por vias de les outros.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Na mie tierra l bimes serbién para muita cousa, para fazer ciestas, ciestos pala palha, canastras, augadeiros, ciestos strequeiros, asnales canastras para deitar ls garotos. Hoije autelizán-se mais para enfeites para muita cousa.
Tamien eran outelezidos aquilhes bimes mais pequinhos parende cun 50 cm, a las bezes podién bergonças de oulmo ou bergonças de fresno para stesar las tripas de les coucinos nas matancias. Habi outra outra cousa para que serbién, que you nun gostaba nada, en mi casa habie un siempre a la borda de lume, para me checotar.
P – Será que se puode aplicar la parábola al feturo de la lhéngua mirandesa?
R – Se quejirmos puode, para que haba ounion antre todos para nun deixarmos morrir ua causa que mos dá muita alegrei.
P – Qual ye la tue oupenion subre la parábola?
R – La mi oupenion anbora you nunca fousse capaz de ler nanhum libro de literatura, a nun ser de poesi, alguns que me dorén stán nobicos, nunca ls passei de la primeira foulha. Nien antenda muito, penso que mus da ua licion como muita cousa na bida.
P(regunta) – Quien screbiu la cuonta Parábola de ls siete bimes/ls siete brimes?R(epuosta) – José Franciso Trindade Coelho, nacido a 18.6.1861.
P – De que tierra era esse scritor?
R – Naciu un Mogadouro i fui eiqui, que ampeçou a daprender las purmeiras lhetras i tamine l ampeço de l estudo do lhatin que dous padres lo ampeçaran a ansinar (parece que sous pais eran personas abastadas). Apuis fui-se para l Porto adonde feç ls studos secundairos. Un Coimbra feç l curso de Direito. L purmeiro anho un Coimbra apanhou la raposa i sou pai tirou-le a mesada i parece que passou mal. Ampeçou a dar explicaçones i a screber un jornales para sou sustento.
P – An que lhibro fui publicada essa cuonta?R – La berdade yé que nun tenho nanhum lhibro de Trindade Coelho i tamien nunca lhi ls sous lhibros mas de las ambestigaçones na anternet aparece assi: “A série Folhetos para o Povo, onde se incluem, entre outros: Parábola dos Sete Vimes, Rimas à Nossa Terra, Remédio contra a Usura, Laos à Cidade de Bragança, e Cartilha do Povo, A Minha candidatura por Mogadouro. Como obras literárias deixou: Os Meuses (1891) e já inúmeras reedições e In Illo Tempore (livro de memórias de Coimbra-1902)”.
P – Qual ye la eideia que la cuonta mos quier trasmitir?
R – La purmeira eideia i mensage yé que la familha se debe manter ounida. La ounion yé la raiç de la fuorça.
P - Quantos filhos tenie l pai de que fala la cuonta?
R – Siete filhos. Yé un numáro de grande simbologie.
P – Quales éran las preocupaçones de l pai an relaçon al feturo de ls sous filhos?R – La ounion i la fuorça que poderien tener se mantubíssen siempre la sue lhigaçon. “…anquanto bós stubirdes todos ounidos cumo armanos que sodes, naide zumbará de bós, nin bos fazerá mal, ou bos bencirá.”
P – Para alhá de podéren serbir para cuontar parábolas, para que mais puoden serbir ls (las) bimes (brimes)?R – Las brimes serbien para fazer ls cestos i las cestas. Quien tenie brimes guarda-las mui bien, puis sien brimes nun habie cestos nin cestas. Cestos habie de muitas qualidades i tenien muitas serbentias. La principal era para la bendima. Mas habie ls cestos pa l strumo, para las cebolhas, para las bobedas i todo l fusse necessairo transportar.
Mas quien fazie ls cestos era l Cesteiro. L’home tan amportante cumo l sapateiro ou l albardeiro. Cuntrataba-se un die ou mais para fazer ls cestos.
L mais custoso de fazer era l culo do cesto i apuis las asas que tenien que ficar bien apertadas para nun se çfazer cun ls ambulcones que lhebaban.
P – Será que se puode aplicar la parábola al feturo de la lhéngua mirandesa?R –Pus se eisisten tantas ouniones: Naçones Ounidas, Ounion Ouropeia, Ounion Africana, Ounion Indiana i outras que you nun sei , porque nun eisite la OUNION DE LOS MIRANDES, la lhéngua que nos falamos i queremos daprender a falar cada beç melhor merece la nossa OUNION.
P – Qual ye la tue oupenion subre la parábola?
R – La parábola yé l pensamiento que transmite i andica la direçon: falar, falar, falar, screbir i boltar a screbir, daprender, daprender i daprender… nuossos abós i nuossos pais falaran siempre esta lhéngua tan guapa i nós tenemos que fazer un pouco mais de sfuorço, you falo por mi.
Eisercício - lhembrar 008 - repuostas
02/12/2007
amadeu · 02/12/2007
editada dia 02-12-2007 13:56:38 por: amadeuPoner aqui las repuostas
Leonardo Antao · 02/12/2007
P(regunta) – Quien screbiu la cuonta Parábola de ls siete bimes/ls siete brimes?
R(epuosta) – Trindade Coelho.
P – De que tierra era esse scritor?
R – Mogadouro.
P – An que lhibro fui publicada essa cuonta?
R –Os Meuses.
P – Qual ye la eideia que la cuonta mos quier trasmitir?
R – la extraordinariamente grande fuorça de la ounion.
P - Quantos filhos tenie l pai de que fala la cuonta?
R – Siete.
P – Quales éran las preocupaçones de l pai an relaçon al feturo de ls souis filhos?
R – Mantene-los bien ounidos, para siempre.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Para fazer ciestos, cestas, bases para poner tachos i panelas calentes, para porta chabes, para pastas de lhibros de criança, para anfeites, tipo paixaricos, borboletas, etc, para basos de froles, para cuortinados de ebitar antrada de moscas para adentro de casa, para separadores de locales de trabalho, para apoios de pratos de anfeite, etc.
P – Será que se puode aplicar la parábola al feturo de la lhéngua mirandesa?
R – Si, puode tener grande aplicaçon, cuomo se puode ler no comentário que you acabei de poner no blogue, l testo de Ana Maria; L feturo de La lhéngua mirandesa, passa, para mie, por criar berdadeiras "Armandades de Mirandeses" que ban ounindo, cul oubjectibo de daprander la lhéngua, i por antermédio de “blogues”, “sites” i e-mails, se ban coincendo i cuincendo nuossos cuonterrâneos que cuontinuan a bibir naqueilhas houmildes aldés mirandesas, adonde aprandimos a falar la lhéngua mirandesa i, todos ounidos, cuomo las siete brimes, nunca seremos bencidos por fuorças de zounion i antrequidéncias que pretendam la eleminaçon de la lhéngua.
Cuomo se cuonclui na "Parábla de las siete brimes" de Trindade Coelho, l' ounion ajuda a mantener la imensurable fuorça de la lhéngua mirandesa, a cuontribuir para un mundo mirandés melhor.
P – Qual ye la tue oupenion subre la parábola?
R – Yé ua extraordinária liçon de sensibilizaçon de las personas pa l’ amportância de la inuomíssima fuorça que ten la ounion de las personas, para realizaçon de un objectibo comum.
Yé la mais fuorte afirmaçon de que l puoder i la lhiberdade se cuonquista pula ounion an buolta de un cierto oubjectibo (cuomo acuonteciu an Timor) i não cula fuoça de las armas.
Yé un grande murro no estomago, para grandes familias, cuomo la mie (exactamiente de siete armanos), an que nun cuonseguimos mantener la ounion.
Yé tan amportante, que debie ser ansinada, a tuodas las personas, inda an pequeinhos, cuomo forma de mantener la fuoça de la sue família, de la sue aldé i de l país an que bibimos.
Leonardo Antão
2DEZ07
nataliantao · 05/12/2007
Eisercício-lhembrar 008
P(regunta) – Quien screbiu la cuonta Parábola de ls siete bimes/ls siete brimes?
R(epuosta) – Quien screbiu la parábola fui Trindade Coelho
P – De que tierra era esse scritor?
R – L scritor era de Mogadouro
P – An que lhibro fui publicada essa cuonta?
R – In “Os meuses”
P – Qual ye la eideia que la cuonta mos quier trasmitir?
R – L’ounion faç la fuorça
P - Quantos filhos tenie l pai de que fala la cuonta?
R –L pai que fala la cuonta tenie siete filhos
P – Quales éran las preocupaçones de l pai an relaçon al feturo de ls sous filhos?
R – Las preocupaçones de l pai de ls siete filhos éran las que todos ls pais tenien. Cumo armanos, séren siempre ounidos, amigos i que nunca houbisse zounion entre eilhes.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Las brimes para alhá de podéren serbir para cuontar la parábola sérben para fazer cesto i cestas.
P – Será que se puode aplicar la parábola al feturo de la lhéngua mirandesa?
R –Si,you cuido que se to las pessonas se çcuitaren, percipalmente ls mirandeses, eilha (lhéngua) tenerá fuorça i bencerá.
P – Qual ye la tue oupenion subre la parábola?
R –La mie oupenion, ye que to las famílias dében seguir l’eisemplo destes siete armanos. Bibindo siempre an buona armandade ajudando-se uns ls outros, sien zounion, para que nadie ls bença.
ramosantao · 05/12/2007
Eisercício-lhembrar 008 - Repuosta
P(regunta) – Quien screbiu la cuonta Parábola de ls siete bimes/ls siete brimes?
R(epuosta) –La parábola de Ls siete bimes/ls siete brimes fui screbida pul scritor Trindade Coelho.
P – De que tierra era esse scritor?
R – La tierra adonde naciu l scritor ye Mogadouro
P – An que lhibro fui publicada essa cuonta?
R – Ne l lhibro cul títalo “Os meuses”
P – Qual ye la eideia que la cuonta mos quier trasmitir?
R – L’eideia que mos aparece na cuonta ye l balor de l’ounion
P - Quantos filhos tenie l pai de que fala la cuonta?
R – L pai de que se fala na cuonta tenie siete filhos
P – Quales éran las preocupaçones de l pai an relaçon al feturo de ls souis filhos?
R – La preocupaçon de l pai era que ls filhos nun se nantenissen ounidos apuis de se morrer i dende le benir mal, assi ousou ua brime, que l mais nuobo quebrou bien i apuis un feixe deilhas que l mais bielho sendo l mais fuorte de la freguesie nun fui capaç, nien todos juntos quebrar.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Las brimes, apuis de séren cortadas de ls brimeiros i tratadas son scolhidas para fazer cesto, cestas i cesticas. Todos ténen muita outelidade, ls cestos para carregar las ubas, las cestas sendo mais pequeinhas para muitas mais cousas, apanhar patatas, cebolhas, frajones, pomientos, las cesticas yá feitas culas brimes mais delgadas i sien la casca éran de stimaçon i ousadas pulas ties ne l braço quando fazien meia, para lhebar la merenda pa l termo i pulas moças para lhebar froles.
P – Será que se puode aplicar la parábola al feturo de la lhéngua mirandesa?
R – Si, se puode aplicar al feturo de la lhéngua Mirandesa, i bien. De l mesmo modo, que ls filhos de l tiu de la parábola de las siete brimes, tamien nós se nun stamos ounidos quienquiera puode zombar, fazer mal ou bencir este porjeto. Até se nun se fazíren las cousas bien i de modo serio, perde-se todo l trabalho que se fizo até hoije. Solo an ounion i dando las manos puodemos fazer un balinte paredon que naide atentará a zbarrulhar.
P – Qual ye la tue oupenion subre la parábola?
R – La mie oupenion subre la parábola ye de las melhores para ls houmanos dantender l berdadeiro segneficado de que l’ounion fai la fuorça. Assi i todo, mas la parábola nun ten la culpa, inda nien todo l mundo la dantendiu, lhougo deilha nun fai uso. Cuídan que solicos se puode mantener un património de pie, que las parábolas son solo para anfeitar libros i conta-las ls pequeihos.
Ne l die a die las parábolas son las cousas tapadas de las nuossas bidas.
alfredo · 07/12/2007
P – Quien screbiu la cuonta Parábola de ls siete bimes/ls siete brimes?
R– Fui Trindade Coelho, Zé Chico de sue grácia.
P – De que tierra era esse scritor?
R – Trindade Coelho naciu an Mogadouro, an 1861. Diç que inda andou a la scuola an Trabanca, yá dua beç you iba quaije perdendo ua aposta por bias disso!
P – An que lhibro fui publicada essa cuonta?
R – Ne l lhibro "Os meuses", publicado an 1891.
P – Qual ye la eideia que la cuonta mos quier trasmitir?
R - L'ounion fai la fuorça.
P - Quantos filhos tenie l pai de que fala la cuonta?
R – Siete, que diç que ye l númaro de la purfeiçon.
P – Quales éran las preocupaçones de l pai an relaçon al feturo de ls souis filhos?
R – Que se zouníssen i que se botássen pori a perder.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Assi de repente, sírben para fazer cestos i cestas, mas cumoquiera que inda ténan outras serbenties.
P – Será que se puode aplicar la parábola al feturo de la lhéngua mirandesa?
R – Pus claro que puode, mas l melhor, l melhor ye ir-la aplicando yá ne l persente. Bendo bien, la parábola puode-se aplicar a quaije todo, cumo, de restro, ye própio de las parábolas.
P – Qual ye la tue oupenion subre la parábola?
R – Fácele de antander i ounibersal; simples sien deixar de ser perfunda al mesmo tiempo, al fin de cuontas, la mistura más defícele de alcançar.
Ana Maria F · 08/12/2007
editada dia 08-12-2007 14:12:04 por: Ana Maria F editada dia 08-12-2007 14:05:30 por: Ana Maria F editada dia 08-12-2007 13:51:46 por: Ana Maria FOulá Porsor Amadeu,
Oulá a todos,
Para respunder a estas preguntas que mos aperpon, Porsor, tengo pena de nun saber an que carton arrumei esse remanse de Trindade Coelho, « Os Meuses ». Mudei de casa este berano i muitos lhibros que tenemos inda stan an cartones. Nun podie ser d’outra maneira. Antretanto, sei que fui nesse lhibro que cheguei a ler la outobiografie desse outor que achei mui antressante i de que nun se me squecírun ciertas cousas porque me marcórun bastante.
– De que tierra era esse scritor?
Naciu José Francisco Trindade Coelho an 1861, an Mogadouro, ua « pequeinha bila trasmontana de ourige árabe »… Era assi mais ou menos cumo ampeçaba essa outobiografie i acho que l outor tamien andica nessas purmeiras linhas a que altitude se situa Mogadouro… L que se sabe tamien ye que Trindade Coelho era filho de pessonas ricas i que la mai se morriu quando el tenie uito anhos. Depuis, nessa mesma outobiografie, Trindade Coelho tamien splica que fui an Trabanca, ua pequeinha aldé antre Sendin i Mogadouro, que quedou a morar an casa dun porsor que le ansinou as purmeiras letras. Na casa adonde bibiu, diç el que ls quartos i las dibisones an geral eran tan pequeinhas cumo « poleiros de galinhas ». Essa cumparaçon a mi siempre me fizo pensar ne ls quartos, mui pequeinhos tamien, que habie por eisemplo an casa de miu abó Manuel Paxareiro, l pai de miu pai, que ainda eisiste por milagre tal i qual cumo siempre eisistiu, mui cerquita de la praça an Sendin, i na qual criou antretanto siete filhos, el solico a partir de cierta altura porque tamien se le morriu la mulhier quando miu pai tenie tamien solo uito anhos. Até parece que la stória de ls homes se repete !
– An que lhibro fui publicada essa cuonta?
Essa « Parábola de ls siete bimes » faç parte dun conjunto de cuontas que ten por títalo Os Meuses, lhibro que fui eiditado an 1891. Trindade Coelho tenie anton trinta anhos.
– Qual ye la eideia que la cuonta mos quier trasmitir?
La eideia ye claramente sprimida pul pai quando diç : « anquanto bós stubirdes todos ounidos cumo armanos que sodes, naide zumbará de bós, nin bos fazerá mal, ou bos bencirá. Mas assi que bos apártedes, ou que reine antre bós la zounion, facelmente sereis bencidos. ».
Resumindo, para que todos ls filhos puodan bibir felizes i naide ls puoda bencir, la eideia que ten l pai ye que ténen que cuntinar todos ounidos. Quanto mais ounidos fúren, mais fuortes seran i quaije ambencibles , capazes de anfrentar todas las dificuldades que puoden aparecer na bida.
- Quantos filhos tenie l pai de que fala la cuonta?
Tenie siete filhos tal i qual cumo miu abó. Este número ye mui amportante dun punto de bista simbólico an muitas cebilizaçones i religiones, na Bíblia por eisemplo mas tamien parece, na religion muçulmana i budista. Ye símbolo de perfeiçon i de Dius até. Ye un número cunsiderado por muitos cumo sagrado.
- Quales éran las preocupaçones de l pai an relaçon al feturo de ls sous filhos?
Que se mantubíssen siempre ounidos. Ye ua preocupaçon mui legítima que só puode honrar qualquiera pai ou mai tamien.
– Para alhá de podéren serbir para cuontar parábolas, para que mais puoden serbir ls (las) bimes (brimes)?
Para fazer cestos bien guapos cumo un, bien antigo, que era de mie bó Ana i que tengo aqui an mie casa an França. Esses cestos artesanales feitos pulas manos habilidosas desses artistas que éran ls cesteiros son preciosos, podeis acreditar, i son cousas que cun l tiempo han-de ganhar cada beç mais balor. Ides a ber ! Hai que guardá-los bien guardados !
– Será que se puode aplicar la parábola al feturo de la lhéngua mirandesa?
Nun hai dúbeda ningua, cumo para muitas outras cousas na bida tamien ! Todos ounidos i cuncientes de l balor que representa la Lhéngua Mirandesa assi cumo muitas outras cousas de que herdemos ye que poderemos ser capazes de transmitir a las geraçones futuras l que zde siempre ls nuossos antepassados mos soubírun transmitir.
Ne l mundo de hoije, tamien corremos l risco de perder mais de l que pensamos se nun furmos capazes de mos dirmos bien de cunta de todo l balor que representa la nuossa cultura de ourige a todos ls níbeles.
– Qual ye la tue oupenion subre la parábola?
L home muitas bezes precisa de pruobas para chegar a alguas cunclusones i tirar alguns ansinamentos. Precisamos de eisemplos cumo aquel que mos transmite essa parábola de Trindade Coelho para tomarmos las melhores decisones.
Será neçairo lhembrar tamien por eisemplo que la 2da Guerra Mundial fui ganha subre ls nazis alemanes grácias a la ounion que houbo antre ls aliados : França, Anglaterra, Stados Ounidos, Canadá, Brasil, etc. ?
Se nun fura assi, Dius mos lhibre !
francisco · 09/12/2007
editada dia 09-12-2007 2:23:12 por: francisco editada dia 08-12-2007 16:41:40 por: franciscoP – Quien screbiu la cuonta Parábola de ls siete bimes/ls siete brimes?
R – Trindade Coelho
P – De que tierra era esse scritor?
R – Diç que era de Mogadouro, mas nun sei, que nun le bi nacer, se hai registos desso nun sei. Tamien oubi dezir que era de Trabanca , se era! You i el inda pisarimos la mesma tierra pala Malhada i en Pienhas Falcon, apostaque tamien andou culas bacas por aquilhas regadas. You andei a arar últimamente i a cabar, en tiempos ibá cun mius abós a sembrar a cegar i arricar, tamien andei a regago i a leitarigas por aquielhes prados de Trabanca.
P – An que lhibro fui publicada essa cuonta?
R – Nos miuses.
P – Qual ye la eideia que la cuonta mos quier trasmitir?
R – Para mi la ideia ye só ua, la union de la famíla, que ye la primeira que mos bal.
P - Quantos filhos tenie l pai de que fala la cuonta?
R – Tenie siete filhos, un número que me gousta.
P – Quals éran las preocupaçones de l pai an relaçon al feturo de ls sous filhos?
R – Era la union antre eilhes, you stou conbencido que mais de ciquenta por ciento de la noussa personalidade agarra-se en casa de noussos pais, i l resto bamos-lo aprendendo durante la bida. Mas la eideia que tengo, ye que la paráboa querie dezir, ye para ls armanos nun se apartaran. Penso que muitos pais tenén la culpa quando ls filhos se aparten i sufren al mesmo tiempo cun esso. A las bezes nun se dan cun uns, por vias de les outros.
P – Para alhá de podéren serbir para cuontar parábolas, para que mais puoden serbir ls (las) bimes (brimes)?
R – Na mie tierra l bimes serbién para muita cousa, para fazer ciestas, ciestos pala palha, canastras, augadeiros, ciestos strequeiros, asnales canastras para deitar ls garotos. Hoije autelizán-se mais para enfeites para muita cousa.
Tamien eran outelezidos aquilhes bimes mais pequinhos parende cun 50 cm, a las bezes podién bergonças de oulmo ou bergonças de fresno para stesar las tripas de les coucinos nas matancias. Habi outra outra cousa para que serbién, que you nun gostaba nada, en mi casa habie un siempre a la borda de lume, para me checotar.
P – Será que se puode aplicar la parábola al feturo de la lhéngua mirandesa?
R – Se quejirmos puode, para que haba ounion antre todos para nun deixarmos morrir ua causa que mos dá muita alegrei.
P – Qual ye la tue oupenion subre la parábola?
R – La mi oupenion anbora you nunca fousse capaz de ler nanhum libro de literatura, a nun ser de poesi, alguns que me dorén stán nobicos, nunca ls passei de la primeira foulha. Nien antenda muito, penso que mus da ua licion como muita cousa na bida.
Antonho Lobron · 09/12/2007
P(regunta) – Quien screbiu la cuonta Parábola de ls siete bimes/ls siete brimes?R(epuosta) – José Franciso Trindade Coelho, nacido a 18.6.1861.
P – De que tierra era esse scritor?
R – Naciu un Mogadouro i fui eiqui, que ampeçou a daprender las purmeiras lhetras i tamine l ampeço de l estudo do lhatin que dous padres lo ampeçaran a ansinar (parece que sous pais eran personas abastadas). Apuis fui-se para l Porto adonde feç ls studos secundairos. Un Coimbra feç l curso de Direito. L purmeiro anho un Coimbra apanhou la raposa i sou pai tirou-le a mesada i parece que passou mal. Ampeçou a dar explicaçones i a screber un jornales para sou sustento.
P – An que lhibro fui publicada essa cuonta?R – La berdade yé que nun tenho nanhum lhibro de Trindade Coelho i tamien nunca lhi ls sous lhibros mas de las ambestigaçones na anternet aparece assi: “A série Folhetos para o Povo, onde se incluem, entre outros: Parábola dos Sete Vimes, Rimas à Nossa Terra, Remédio contra a Usura, Laos à Cidade de Bragança, e Cartilha do Povo, A Minha candidatura por Mogadouro. Como obras literárias deixou: Os Meuses (1891) e já inúmeras reedições e In Illo Tempore (livro de memórias de Coimbra-1902)”.
P – Qual ye la eideia que la cuonta mos quier trasmitir?
R – La purmeira eideia i mensage yé que la familha se debe manter ounida. La ounion yé la raiç de la fuorça.
P - Quantos filhos tenie l pai de que fala la cuonta?
R – Siete filhos. Yé un numáro de grande simbologie.
P – Quales éran las preocupaçones de l pai an relaçon al feturo de ls sous filhos?R – La ounion i la fuorça que poderien tener se mantubíssen siempre la sue lhigaçon. “…anquanto bós stubirdes todos ounidos cumo armanos que sodes, naide zumbará de bós, nin bos fazerá mal, ou bos bencirá.”
P – Para alhá de podéren serbir para cuontar parábolas, para que mais puoden serbir ls (las) bimes (brimes)?R – Las brimes serbien para fazer ls cestos i las cestas. Quien tenie brimes guarda-las mui bien, puis sien brimes nun habie cestos nin cestas. Cestos habie de muitas qualidades i tenien muitas serbentias. La principal era para la bendima. Mas habie ls cestos pa l strumo, para las cebolhas, para las bobedas i todo l fusse necessairo transportar.
Mas quien fazie ls cestos era l Cesteiro. L’home tan amportante cumo l sapateiro ou l albardeiro. Cuntrataba-se un die ou mais para fazer ls cestos.
L mais custoso de fazer era l culo do cesto i apuis las asas que tenien que ficar bien apertadas para nun se çfazer cun ls ambulcones que lhebaban.
P – Será que se puode aplicar la parábola al feturo de la lhéngua mirandesa?R –Pus se eisisten tantas ouniones: Naçones Ounidas, Ounion Ouropeia, Ounion Africana, Ounion Indiana i outras que you nun sei , porque nun eisite la OUNION DE LOS MIRANDES, la lhéngua que nos falamos i queremos daprender a falar cada beç melhor merece la nossa OUNION.
P – Qual ye la tue oupenion subre la parábola?
R – La parábola yé l pensamiento que transmite i andica la direçon: falar, falar, falar, screbir i boltar a screbir, daprender, daprender i daprender… nuossos abós i nuossos pais falaran siempre esta lhéngua tan guapa i nós tenemos que fazer un pouco mais de sfuorço, you falo por mi.
