2giga · 04/01/2007

S

1106 - Sabe la boca a chapéu bielho.

1107 - Saber a quantas de Maio pariu la poupa.

1108 - Saber cumo s’assa la manteiga ne l speto.

1109 - Sabes quien ye l tou einemigo? L ramo de l tou oufício.

1110 - San Brás bota ua brasa n’auga.

1111 - San Juan de ls cucos, San Pedro de ls criados; Santa Sabel de ls curas, ándan todos zabalhados.

1112 - San Juan ye de ls curas, San Pedro de ls criados,

Santa Eisabel de ls cucos i todos ándan abalhados.

1113 - San Marcos cula sue barica bota las brebas todas abaixo.

1114 - San Sabastian bendito lhebai-lo al talho i dou-bos un chouriço.

1115 - Sana, sana que manhana dou-te ua maçana.

1116 - Santa Marie Madalena, por beilar, perdiu la cena.

1117 - Santiago pinta l bago.

1118 - Santo Amaro botelheiro.

1119 - Santo Amaro botelheiro, l die quinze de Janeiro.

1120- Santo Anton claro, eimbierno seguro; se stebir scuro, mais seguro.

1121 - Santo nun dá smola a santo.

1122 - Santos molhados, Ramos regados.

1123 - São Miguel das uvas, tarde vens i pouco duras.

1124 - Scabar i arar i a peixes nun andar.

1125 - Scopeteiro, home que nun fai tulha nin palheiro.

1126 - Se buona cama fazires, an buona cama te hás de deitar.

1127 - Se chobir an San Marcos, sembra tou lhino nos altos i nos baixos.

1128 - Se chobir nas temporas de San Mateus, lhabra cun gatos i perros teus.

1129 - Se chobir ne l die de Santa Bibiana, chuobe quarenta dies i ua semana.

1130 - Se de ls cagalhones fazíssen teçtones!

1131 - Se fures a la eira, nun amostres lazeira.

1132 - Se fures a la feira, nun amostres lazeira.

1133 - Se fures a Miranda, bei [mira] la Sé i anda.

1134 - Se fures a Miranda, lhieba pan na manga.

1135 - Se fures a Miranda lhieba pan na manga i bino na borracha que alhá nun s’acha.

1136 - Se l cielo caisse mataba las chinchas todas.

1137 - Se l cuco nun benir antre Márcio i Abril,

ó l cuco stá muorto ó la fin de l mundo bai a benir.

1138 - Se l cuco nun benir, antre Márcio i Abril;

ó l cuco ye muorto, o la fin quier benir.

1139 - Se l rei pagasse, l çcanso buono era.

1140 - Se la Senhora de la Lhuç chora, stá l eimbierno fuora; se la Senhora de la Lhuç rir, stá l eimbierno para benir. Mas chore que cante, eimbierno atrás i alantre.

1141 - Se muito tenes, muito bales; se nada tenes, nada bales.

1142 - Se nun benes acá pa l outro més, nós arranjamos-te outro fragués.

1143 - Se nun chobir nas tempras de San Mateus, nunca se acaba la sementeira.

1144 - Se nun chuobe an Abril, nin carro nin carril.

1145 - Se nun s’arrincar la silbeira, padece la bideira.

1146 - Se rogueste, merqueste.

1147 - Se tronar an Março, hai buono calabaço.

1148 - Seias-me uolho listo i pie delgeiro.

1149 - Semana de Ramos lava teus panos, na da paixão lavarás ou não.

1150 - Sembra ls garbanços ne l més de Márcio que eilhes se crían ambaixo dun chougarço.

1151 - Sendinés, mala rés,

Cua agulha faç trés,

Cun çapato faç quatro

I arregunha cumo un gato.

1152 - Ser agarrado cula fouce an senara alhena.

1153 - Ser burro de carga.

1154 - Ser cumo l diabro por almas.

1155 - Ser l diabro an pessona.

1156 - Ser probe nun ye defeito, mas ser probe i burro ye l pior defeito que puode haber.

1157 - Sesta ou terça, nien tue filha cases, nien l tou cochino mates, nien tue pita botes.

1158 - Setembre seca fuontes i montes.

1159 - Siete pitas i un galho, cómen tanto cumo un cabalho.

1160 - Sin tripas nun hai fumeiro.

1161 - Só mos lhembramos de Santa Bárbela quando atruona.

1162 - Só quando chiou de casa para alhá, ye que chiou de las tierras para acá.

1163 - Só se sabe de quien son ls arreios, apuis que se muorren ls arreadores.

1164 - Son cumo l perro i l gato.

1165 - Son mais las bozes que as nozes.

1166 - Sós cumo l burro de Juan Brás, an beç de ires al palantre, bás al para trás.

1167 – Sós [ser] cumo ua madeixa sin cunda.

1168 - Sós tan spierto cumo ls de l Palancar: bendírun las binhas para cumprar l lhagar.

1169 - Squilones an bui fraco nun píntan.

1170 - Stá stojoso!

1171 - Stá todo tan cheno que nun hai adonde dar bulhiçco.

1172 - Star acerca de l uolho de la panela.

1173 - Star antre Pinto i Bal de Moro.

1174 - Star cumo un burro preso a ua staca.

1175 - Star cumo un rifeiro.

1176 - Star mais melindroso que l perro de l’hourtelana.

1177 - Star metido nua camisa de onze baras.

1178 - Sufrir l einfierno an bida.

1179 - Suldada de balde, bien anhos que dures i you te guarde.

1180 - Sumbrar i segar nun ye a la par.

1181 - Suorte, que l saber de pouco te sirbe.