2giga · 04/01/2007

T

1182 - Tabernera, nun te fagas bentanera,

que la cuba de l bun bino nun percisa de bandera.

1183 - Tal i qual bós mos fazeis, tal i qual nós bos fazemos.

1184 - Tal pai, tal filho.

1185 - Tan lhadron ye l que bai a la huorta cumo l queda a la puorta.

1186 - Tanta beç bai l rato al toucino, até que deixa alhá l çofino.

1187 - Tanta beç bai l cántaro a la fuonte até que se quebra.

1188 - Tantas bezes l cántaro bai a la fuonte q’algun die deixa alhá l’asa.

1189 - Tantas nubrinas an Márcio cumo giladas na Maio.

1190 - Tanto dá scabar na binha cumo no bacielho.

1191 - Tanto dá ser probe cumo andar a pedir.

1192 - Tanto dízen eiras, eiras, até que l pan bai a eilhas.

1193 - Tanto ser por trás cumo delantre.

1194 - Tardes de Agosto, ban-se a colher las berças al huorto.

1195 - Ten [tener] buona boca.

1196 - Ten [tener] mais miedo que bergonha.

1197 - Tener a quien se salir.

1198 - Tener más uolhos que barriga.

1199 - Tener l tranco mais grande que la pierna.

1200 - Tengo ua gana, cumo un cigano de furtar un burro.

1201 - Ten-te ruodra, nun dezandes.

1202 - Ten-te, ten-te na raiç.

1203 - Ten-te nun te caias.

1204 - Tener l culo cheno d’aire.

1205 - Tenes a quien te salir.

1206 - Terruntés, nun lo comas nin lo dés, para bino buono és.

1207 - Tócan a missa de San Macíes (S. Matias), cata a Março cinco dies.

1208 - Todas las de Malhadas, paridas i prenhadas.

1209 - Todas las de Malhadas, uas paridas, outras prenhadas.

1210 - Todo acha sou pareilho.

1211 - Todo l que nun angasga angorda.

1212 - Todo l que nun bai ne l bolso de l cumpadre queda an casa.

1213 - Todo l que nun mata angorda.

1214 - Todo l que ye de mais ye moléstia.

1215 - To la binha ten recebolhos.

1216 - Todo ye bien saber.

1217 - Todos ls caminhos ban a tener a Roma.

1218 - Topar-le (a outro) cula punta de l dedo molhado.

1219 - Tornar culs cantares de la segada.

1220 - Trabanca burra branca, Atanor burra maior.

1221 - Trabalhar i nun tener lucro, mais bal star deitado.

1222 - Trás dun scampado ben un nubrado.

1223 - Tratos son tratos.

1224 - Trés bezes nada cousa nenhua.

1225 - Tresnuitar i madrugar, nun puode ser a la par.

1226 - Trigo i nuozes sabe a casamento.

1227 - Trilhar cun burros, cagalhones na parba.

1228 - Tripinhas, lá o tereis.

1229 - Tristezas nun págan díbedas.

1230 - Trúnios an Márcio, fame ou mortaço.

1231 - Truonos an Março, ou fome ou mortaço.

1232 - Tu que antendes, mira a ber se la mie burra stá salida.

1233 - Tu que l sabes, you que l sei, calha-te tu que you me calharei.

1234 - Tu a mi nun te me pongas cun lindainas nin cun sacadielhas.

1235 - Tu poupa, poupa! Bien poupou la boubielha para ne l fin fazer l niu de merda.