016 - Cunjugaçon de ls berbos an -ir

016 - Cunjugaçon de ls berbos an -ir

1. Ls berbos que acában l anfenitibo ampessonal an –ir son tamien coincidos cumo berbos de la 3ª cunjugaçon.

2. Cunjugaçon de l berbo bibir

 
ANDICATIBO

Persente

bibo

bibes

bibe

bibimos

bibis
bíben

Amperfeito

bibie

bibies

bibie

bibiemos

bibiedes

bibien

Feturo

bibirei

bibirás

bibirá

bibiremos

bibireis

bibiran

Pertérito Perfeito

bibi

bibiste

bibiu

bibinos

bibistes

bibírun

Pertérito Mais Que Perfeito

bibira

bibiras

bibira

bibíramos

bibírades

bibíran

CUNJUNTIBO

ANFENITIBO

Persente
biba

bibas

biba

bíbamos

bíbades

bíban

Amperfeito

bibisse

bibisses

bibisse

bibíssemos

bibíssedes

bibíssen

Feturo

bibir

bibires

bibir

bibirmos

bibirdes

bibíren

Pessonal

bibir

bibires

bibir

bibirmos

bibirdes

bibíren

Ampessonal

bibir

CUNDICIONAL

bibirie

bibiries

bibirie

bibiriemos

bibiriedes

bibirien

GERÚNDIO

bibindo

PARTECÍPIO PASSADO

bibido

AMPERATIBO

-

bibe

biba

-

bibi

-

3. Pequeinha lista de berbos que se cunjúgan cumo bibir:

abrir

bulhir

chubir

cuçpir

eisigir

eisistir

fugir

fundir

lhuzir

mintir

oubir

parir

premitir

rejistir

relhuzir

rir

rugir

salir

strugir

tossir

trasmitir

zmintir

4. Tamien eiqui fazemos algues ouserbaçones que ténen a ber cula 3ª pessona de l plural de alguns tiempos. Mais ua beç bamos a acumparar culas mesmas formas de l pertués, yá que uas bezes son aparecidas, mas outras bezes son mui defrentes.

.

1º causo:

mirandés

pertués

persente de l andicatibo

bíben

vivem

persente de l cunjuntivo

bíban

vivam

2º causo:

mirandés

pertués

feturo de l andicatibo

bibiran

viverão

pertérito mais que perfeito

bibíran

viveram

feturo de l cunjuntibo

bibíren

viverem

anfenitibo pessonal

bibíren

viverem

pertérito perfeito

bibírun

viveram

Note-se bien que l feturo de l cunjuntibo i l anfenitibo pessonal son armanos tanto an mirandés cumo an pertués. Yá la 3ª pessona de l plural de pertérito perfeito de l andicatibo i la mesma pessona de l pertérito mais que perfeito de l andicatibo son defrentes an mirandés, mas armanas an pertués. La defrença de scrita [mas l sonido ye mui defrente], an mirandés, antre la 3ª pessona de l plural de feturo de l andicatibo i la mesma pessona de l pertérito mais que perfeito de l andicatibo solo ten que ber cul assento.

5. Acabamos eiqui l’apersentaçon de las trés cunjugaçones, nas sues formas rigulares. Bamos agora a falar de muitos outros berbos que aperséntan specialidades i ténen ua cunjugaçon eirrigular. Bamos tamien a falar de ls tiempos cumpuostos, de la boç passiba i de outras formas de cunjugaçon de ls berbos.

Por agora, l amportante, ye coincer bien i tener sigurança quanto a las formas rigulares de cunjugaçon de ls berbos an cada ua de las trés cunjugações. Alguns eisercícios que bamos a fazer, han de ajudar.

3 de Febreiro de 2007

Amadeu Ferreira