Eisercício (6) - Recuolha

editada dia 27-12-2006 23:10:16 por: almendra

An Júlio de 1969, quando iba para Angola, mie mai que naciu an 1914 i se chamaba Arminda Pina, ansinou-me esta ouracion para la dezir todos ls dies pula manhana:

"Cruç de Nuosso Senhor Jasus Cristo
Pon-te delantre de mi,
Para que ls mius einemios
Nun se bínguen an mi.

Miu Dius, miu Pai, miu Senhor,
Rigulai bien ls mius dies.
Dai-me oussílios que me fágan,
Fugir de las malas cumpanhies.

An honra i loubor de la Birge Marie,
Cun un Padre Nuosso i ua Abé Marie".

Dezie eilha que buolberie sano i salbo.
I assi acunteciu.

Inda hoije la rezo todos ls dies.

L que you scribo neste eisercício, fui l que la tie Delfina me cuntou. Nacida an Caçareilhos hai 81 anhos, mas que nun bibindo alhá hai muitos, nun squeciu dues cousas, ua deilhas fui l que sue mai l'ansinou, pus deixou-la hai bien pouco tiempo cun 93 anhos, que Dius tenga sue alma an çcanso, i la outra l gusto de falar d'alhá.

OURAÇON

Hai Jasus, Marie i Jesé
Que la mie alma
Buossa ye
Para que Dius
Cunfie na muorte
Que mos puoda cunfortar
Mos lhibre de ls demónios
Batizados ou por batizar
Antes queilhes stóuren
I arrebénten
que nunca a nós
Mos aténten
Nin de nuite nin de die
Nin a la hora de l meidie
Nin a la Santa Liberata
Apuis rezaba-se un Pai-Nuosso i ua Abé-Marie

Anformante: Tie Delfina Pino Garçia cun 81 anhos d'eidade, nacida an Caçareilhos (Hai muitos anhos que nun bibi alhá)

editada dia 29-12-2006 0:04:23 por: Pinheirinho

editada dia 28-12-2006 23:54:31 por: Pinheirinho

Ouraçon de l deitar

Quatro squinas ten la cama

Quatro belas stan a arder

Quatro anjos m´acumpánhen

Na hora de you muorrer

Apuis rezaba-se un Pai-Nuosso i ua Abé-Marie

Anformante: Tie Delfina Augusta Pino Garcia de Caçareilhos.

Para completar este conjunto de « recuolhas de rezas i malzinas », talvez seja possível acrescentar esta (meio portuguesa , meio sendinesa) que foi recitada pela Sra Arminda Almendra (mãe de José Almendra e madrinha de meu pai) e gravada em Sendim em 1993 por Elisa Ramos (sobrinha também de tia Arminda).

Reza contra o Cão Danado

Santa Quitéria, pul mundo andou
Nem cão, nem cadela, nunca l ladrou
Assim que ladrou, lougo arrebentou
Cão danado: bai-te daqui!
Santa Quitéria: entre em mi!

Além de rezas e “malzinas”, tia Arminda conhecia e sabia recitar também outros versos e quadras, muito líricos até. Deixo adivinhar qual podia ser um dos temas principais...
Em África, não é raro ouvir dizer: “Quando uma pessoa de idade morre, é uma biblioteca inteira que desaparece”...
Na Europa e no resto do mundo, também poderíamos dizer a mesma coisa. E dizê-lo mais e com mais convicção.

editada dia 03-01-2007 10:31:03 por: francisco

editada dia 03-01-2007 10:29:38 por: francisco

Permeti-me que seia aluno desta scoula.

Bou-bosa countar mais ua que muitos se lembran para ls dies de treboado, you quando era pequeinho tritaba col miedo de la treboada, oubi mi bó Maria Teresa de dezir la seguinte oracion:

Santa Barbela Bendita,
que no cielo stais scrita,
cun papel augá benta,
librai-nos desta tormenta.

Santa Barbela se bestiu e calçou,
a sau camino se botou,
no camino san Juan ancontrau,
San Juan l preguntou.

Onde bas Barbela,
Bau al cielo spalhar,
aqueilha nobrada,
que por alhá anda armada.

Spalha-lá bien spalhada,
para adonde num abá,
bafo de bino,
nim flor del rosmanino.

Mi bó chamaba-se Maria Teresa Melgo tenie 84 anhos (faleciu en Agosto ultimo)

Nos dies de treboada repichaba-se a Tinta Nobrada, las campanas tenien que "falar".

El toque era el seguinte berso.

Tinta nobrada,
onde bas tan cargada,
bai-te a scarregar,
a la tierra de la saiada. Oubi muitas bezes tamin este dito - "Nobrada de Prenha nunca cá Benha" - era quando las nubres eran brancas la parte de mais loinge quase que bati nu soulo e la que staban al pi de nós eran mui altas, essas nubradas só train granizo, i augá mui gorda que arreiraba las tierras e da cabo del fruto.

Bou a cuntar ua cuonta que me cuntou miu sogro.

Tiu Maguel bielho, era gago. Fui a ua feira a cumprar ua baca chouriceira i nun sabendo a quien se apresentar, tiu Einacio de caçuada, diche-le para ir a falar cun un tiu que staba alhie.

Nun sabendo tiu Maguel que este tiu tamien era gago, l filme staba pa s'armar...

Tiu Maguel apresenta-se anton al tiu i dicho: Que...que...quem ma bende

I l outro tiu responde: -Ca...ca...cá se bende.

I torna tiu Maguel: bo..bo..bocê sta a fazer caçuada de mie

L outro tiu cumo tamien era gago respuonde: - bo..bo..bocê ye que stá a fazer caçuada de mie..

Buno, armou-se tamanha zaragata que solo tiu Einácio ls apartou i apuis splicou als dous que dambosadous eran gagos i que nenhu staba a caçuar.

Pronto fui esta la cuonta.

pois éu tambem me lembro duma que minha tia Maria manhonha nus cuntaba quando éra pequeno e para nos dormir mais depressa tinhamos que dizer ésta oraçao
nesta cama me deito
pra dormir e descansar
sa morte vier
que nos deixe falar

apegume o cravo
abraçome à crus
entregu a minha alma
ao menino jesus

éu acho que tem mais versos mas nao sei se alguem souver agradecia

editada dia 11-01-2007 9:58:32 por: francisco

Bau a deixar mais ua oracion que ti Candida Xastre dezi no Rosairo de ls Mourtos, gousto de dezir mais assi do que dezir Belar ls Defountos. De la primeira maneira fui como oubi siempre an casa. Afinal nun era só you que queda con pile de pita quando aubi l "Triste dia" a senhor Professor, i nesso ti Candida sabi l fazer bien, porque dramatiza bien. El "Triste dia" ainda yá ua pessona que se le pediren para Rezar por un defunto ainda reza que ye tiu Alfredo Fernandes (Mené), mas está oracion nun la diç. I porque ls defuntos eran belados até al terceiro die, tenien responsos até el terceiro domingo na eigreija adepuis de la muerte, e rezaba-se a la pourta del defunto tamin até el terceiro domingo adepuis de la sue morte. Esta oracion ti Candida rezaba-la quando terminaba l Rósairo assi como terminaba tamin la reza a la pourta del defunto nos três domingos seguintes a la sue mourte. Cul sau desaparecimento esta tradicion ou culto tamin acabau. Assi como ls responsos andrento de la igreija que este cura se ancarregou-se de acabar con eilhes.
You sabi ls dous primeiros bersos del triste die, i ls dous últimos anbora se ls lir meia dúzia de bezes ls aprenda porque ainda me staban no aubido.
Tamin gostaba que las cruzes(via sacra) que elha dezi tamin aparecisem, i you bau a fazer por esso.

Como you conheci bien ti Candida, i eilha siempre falou para mi en Sendinés, mas siempre la oubi rezar en Portués, anbora fusse el un Portués a la noussa moda.

Nas strofe onde se lei:
Desde a fria sepoltura, na terceira strofe del antepenúltimo berso - you antendi ou até eilha diri Da sefia sepoltura;

E por Dabid profetizado - Terceira strofe del primeiro berso you antendi - E por triste profetizado

Portanto nesta oracion que you nun sei se stá toda i se será bien assin pol porblema que arriba spliquei, para quin la soubir melhor que la pounga, anton aqui queda la oracion:

Minha mãe senhora,
sobre estes filhos e filhas,
e sobre o mundo inteiro,
lançai a vossa vista carinhosa,
e protecção hoje,
e em todos os dias da nossa vida,
Senhor dignai e lançai-nos
a a vossa vençam.
em nome e do pai
do filho e do espírito santo..