Eisercício (8) cun uocos para anchir - resoluçon

Eisercício (8) cun uocos para anchir - resoluçon

Las repuostas dadas a este eisercício stan mui bien. Ralas pessonas dórun erros. Ls mius parabienes. Agora ye solo tener un cachico de atencion i pronto.

Eiqui quédan la soluçon para cada ua/un acumpurar cula sue repuosta.

1. Ls arressaios de l camino éran tan egres que un staba siempre an peligro de se chimpar neilhes.

2. De l amor muitos fázen caçuada, a nun ser que quéden presos nel ou ánden a saber del puls remissacos de ls dies.

3. Tenie tanta maçana que me dou un ciento deilhas. Mas ne l meio deilhas benien algues que stában bichosas, que bien se bien ls brugos a salir deilhas.

4. Nun tengas miedo de l burro; chube-te nel, inda que l’albarda nun seia del.

5. De la fame nun me queixo, mas de l friu yá tengo muito para me queixar, que ls rachones nun árden ne l lhume, inda que assopre bien neilhes.

6. De l cereijo al castanho, bien you m’amanho; mas de l castanho al cereijo, que mal me beio.

7. Tenie eilhi uas sacas i deitou-se an riba deilhas, mas nun habie modo de s’ambelesar por bias de l bruido de ls brugos ne ls cantiados.

8. Nun era capaç de pensar ne ls porblemas de la bida, tan granudos éran ls de la bida deilha / del, i nun bie modo de se lhibrar deilhes.

9. Pus la merenda a la selombra, mas la burra dou neilha i quedei cumo quien nun mata cochino.

10. La lhuç de la fogueira de San Juan daba an cheno nel i las selombras fazien figuras a beilar pula parede de la casa del.

16 de Janeiro de 2007

Amadeu Ferreira