A
0001 - A boda i a batizado, nun baias sin ser chamado.
0002 - A bui de fuora, las bacas l scórnan.
0003 - A burro dado nun se mira al diente.
0004 - A cabalho dado nun s’olha al diente.
0005 - A cabalho dado nun se mira al diente.
0006 - Á cabeça, cabeça, que solo sirbes para traer chapéu.
0007 - A campo fraco, arador fuorte.
0008 - A giente ruin faç-se-le cumo al majarico, cheira-se i deixa-se.
0009 - A la cuonta de ls ciganos róuban [cómen] ls aldeanos.
0010 - A la selombra de ls ciganos cómen ls aldeanos.
0011 - A las bezes, quien calha bince.
0012 - A las nuobe cena l rico i cama l probe.
0013 - A las nuobe cena l rico i deita l probe.
0014 - A los rapazes hai que dá-le pan nua mano i palo noutra.
0015 - A Nuossa Senhora de l Monte nun hai quien l’afronte.
0016 - A palabras loucas oureilhas moucas.
0017 - A pensar morriu-se un burro.
0018 - A poder de las pingaduras fai-se un círio pascual.
0019 - A quien penheira i amassa nun le fúran la fogaça.
0020 - A quien se mexe nun le dá l aire.
0021 - A quinze de Janeiro, Santo Amaro botelheiro.
0022 - A rico nun debas i a probe nun pormetas.
0023 - A rico nun pidas i a probe nun pormetas.
0024 - A santos nun debas i a garotos nun pormetas.
0025 - A spera de l uobo i l uobo ne l culo de la pita.
0026 - A tuorto i a dreito.
0027 – Abelhon, abelhon, bai pa l mar a fazer outro cason.
0028 - Abril friu i molhado inche la tulha i l ganado.
0029 - Abril lhieba cuiro i quadril.
0030 - Acá cumo acá, alhá cumo alhá.
0031 - Achou l portielho zbarrulhado, antrou.
0032 - Adonde bibires, fazerás cumo bires.
0033 - Adonde eirá l bui que nun ara? Al matadeiro.
0034 - Adonde hai galgos nun hai lhiebres.
0035 - Adonde hai un burro muorto, nun fáltan cuorbos.
0036 - Adonde mores, nun namores.
0037 - Adonde nun hai, l rei l perde.
0038 - Adonde parece que nun hai stacas hai toucinos, i adonde parece que toucinos hai, nin stacas hai.
0039 - Adonde se tira i nun se pon, acaba-se l munton.
0040 - Agaba-te cesto que hás-de ir a la bendima.
0041 - Agarrar l touro puls cuornos.
0042 - Agarra-se mais debrebe un mintiroso que un coixo.
0043 – Agora, de bielha, puta.
0044 - Agora que se scapou l coneilho ye que ben l cunseilho.
0045 - Agosto secou las fuontes.
0046 - Agosto seca las fuontes, Setembre ls montes.
0047 - Agosto trilhuostro.
0048 - Água corrente não mata a gente.
0049 - Aguanta mais ua mulhier a tirá-lo cun ua palha do que un home a meté-lo cun ua pála.
0050 - Ah filha, bás-te a casar? Mira que l cortiço de l sal custa muito a gobernar.
0051 - Ah grilo, grilo, an que mano stás metido!
0052 - Ah tiu, l caçuolo cumponerá-se? - Ó cacoulo cumpon-se, mas leba tampo (repuosta de l galhego)
0053 - Aire de riba, aire treidor: pula manhana friu i a la tarde calor.
0054 - Aires de Márcio, quéiman la dama ne l palácio.
0055 - Airico de buona madrina.
0056 - Al cura i al juiç l diabo lo diç.
0057 - Al die de Natal ten l alho diente de pardal.
0058 - Al majarico passa-se-le la mano porriba, cheira-se i deixa-se.
0059 - Al nacer i al morrer somos todos eiguales.
0060 - Al para baixo ródan las piedras.
0061 - Al para baixo las piedras ródan.
0062 - Al pícaro, al pícaro i médio.
0063 - Al que tu andas, ando you.
0064 - Al redror de la galhina, a comer pan i sardina.
0065 - Alhá, alhá riba, contra la raia, stá ua perra parida, que muorde que rábia.
0066 - Alhá bai la puta cula cubierta.
0067 - Als trés dies chega l afogado.
0068 - Amar sin ser amado ye cumo lhimpar l culo sin tener cagado.
0069 - Amarielho cumo la gualdra.
0070 - Amor cun amor se paga.
0071 - An Abril, augas mil, coladas por un mandil.
0072 - An Abril, augas mil, penheiradas por un mandil.
0073 - An Abril, cénan ls moços sin candil.
0074 - An Abril, queima la bielha l mandil; an Maio queima la bielha l talho; i an San Juan mais grande ye l tiçon.
0075 - An Agosto, refresca l tou rosto.
0076 - An Agosto, sécan las fuontes; an Setembro ls montes; an Outubre, seca tudo.
0077 - An Agosto trilho al rostro.
0078 - An beç de pan por drumir, palos por trabalhar.
0079 - An casa chena debrebe se fai la cena.
0080 - An casa chena lhougo se fai la cena.
0081 - An casa chena, nistante se fai la cena.
0082 - An casa de Zé Gonçalo manda mais la pita do que l galho.
0083 - An die de Natal, l die yá ten mais un saltico de pardal.
0084 - An die de san Lurenço, bai a la binha i inche l lenço.
0085 - An Febreiro bota ls cochinos pa l lhodeiro.
0086 - An Febreiro cántan ls ranacalhos nas lhagonas.
0087 - An Febreiro rega l tou lhameiro.
0088 - An Janeiro chube al outeiro:
se bires berdegar, pon-te a chorar;
se bires tardegar, pon-te a cantar.
0089 - An Janeiro pon-te nun outeiro:
se bires berdegar, pon-te a chorar;
se bires terrear, pon-te a cantar.
0090 - An ls de Sendin dezindo que nó, dan un nuolo a la palabra i yá nun hai mais nada a fazer.
0091 - An Maio cómen-se las cereijas al borralho.
0092 - An Maio, crece pelaio (pelai-o?).
0093 - An Maio queima la bielha l talho.
0094 - An Maio, queima la bielha lo talho.
0095 - An Márcio, eiguala l die cula nuite i l pan cul chougarço.
0096 - An Márcio eiguala la nuite cul die i l pan cul chougarço.
0097 - An Márcio nin l rabo de l burro molhado.
0098 - An Márcio tanto drumo cumo fago.
0099 - An Março, quatro mudas fizo l die: fizo sol i anubrou, chobiu i scarabanou.
0100 - An Outubro l miu pan acubro.
0101 - An pouco ye donde se conhece un pequeinho.
0102 - Anquanto se capa nun se silba.
0103 - An rui anho, buona cara.
0104 - An San Tiago, pinta l bago.
0105 - An Setembre, bai-se andando i comendo.
0106 - An tierra de alicranes poucos panes.
0107 - An tierra de ciegos quien ten un uolho ye rei.
0108 - An tierra de galgos nun se búscan lhiebres.
0109 - Anda culs buonos i serás un deilhes. Anda culs malos i serás pior do que eilhes.
0110 - Andar a berga.
0111 - Andar a la corrida de l perro.
0112 - Andar a matar formigas culas cuostas.
0113 - Andar cun perros muortos a caça.
0114 - Andar cun perros muortos a la caça.
0115 - Andar mete-pie, saca-pie.
0116 - Andar nas bocas de l mundo.
0117 - Andar todo an bolantinas.
0118 - Anho bissesto, cabe palha i pan todo drento dun cesto.
0119 - Anho de bulhacas, pan pulas buracas.
0120 - Anho de çanceinho, anho de centeno.
0121 - Anho de gamones, pan als muntones;
anho de bulhacas, pan pulas buracas;
anho de nubrinas, pan pulas cortinas;
anho de oulibas, fome pulas barrigas;
anho de belhotas, pobres pulas puortas.
0122 - Anho de nubrinas, pan pulas cortinas.
0123 - Anquanto houbir Malcarga i Lhembedeiros, a esta tierra nun buolbo.
0124 - Anquanto se capa nun se silba.
0125 - Anrábian-se las comadres, sáben-se las berdades.
0126 - Anráiban-se ls cumpadres por le dezíren las berdades.
0127 - Anriba de mulon, bino de çton.
0128 – Ansinar-le la missa al cura.
0129 - Antrada de lhion, salida de puorco pisco.
0130 - Antre Márcio i Abril, se l cuco nun chegar
ou el se morriu ou l mundo se bai a acabar.
0131 - Antre Março i Abril, se l cuco nun benir,
l cuco ye muorto ou la fin de l mundo quier benir.
0132 - Antre muitos, hai siempre un que fura.
0133 - Antre Abril i Maio queima la bielha l talho.
0134 - Antre ls Grazes i ls Santos píngan ls trampos.
0135 - Antre muitos, hai siempre un que fura.
0136 - Antre muortos i feridos algun ha-de scapar.
0137 - Antre nós nun hai antrequidéncias.
0138 - Antre primos i armanos nun metas las manos.
0139 - Antre San Juan i Júlio, fouce al punho.
0140 - Aprender a quantas de maio pariu la poupa.
0141 - Aprender cumo s’assa la manteiga ne l speto.
0142 - Apuis de l mal feito yá nun hai remédio.
0143 - Apuis de l’auga arramada ye que s’aporbeita.
0144 - Apuis de la filha casada aparécen ls pertendientes.
0145 - Apuis la lhana lhabada ye que se bei l çurro.
0146 - Apuis que la belheç bai grande, yá solo las unhas crécen.
0147 - Aquel que me quemiu la sardina, há-de-me cagar la spina.
0148 - Arremenda l tou panho i durará mais un anho,
torna-lo a arremendar i tornará a durar.
0149 - Arrenego de l cabalho que nun relincha quando bei la yeuga.
0150 - Arrenego l diente que (me) come la semiente.
0151 - Arrincórun-le ls uolhos i cagórun-le ne ls poçacos.
0152 - Até te lo digo nuora, para que me antendas suogra.
0153 - Auga an Maio, pan para todo l anho.
0154 - Auga d’Abril, cernida por un mandil.
0155 - Auga de berano las moscas la bében.
0156 - Auga de berano ye cumo ua stercada.
0157 - Auga de Janeiro, cada gota bal denheiro.
0158 - Auga de manhana, cunseilho de tarde.
0159 - Auga de meidie, auga pa to l die.
0160 - Auga de San Juan tira bino i nun dá pan.
0161 - Auga de San Juan, tira bino, azeite i nun dá pan.
0162 - Augas passadas nun muolen farina.
0163 - Azeituna, ua; pa la bista, nenhua.
