B
0164 - Baca grande i burra que ande.
0165 - Baca que yá fui i mulhier que há de ser, bota l lhabrador a perder.
0166 - Bai a cagar dun carro abaixo.
0167 - Bai nun pie i ben noutro.
0168 - Bai nun pie i ben an dous.
0169 - Bai-te a saber de las bacas, que apuis an benindo dou-te pan! Mas you yá l querie ir quemendo…
0170 - Bai-te a tabardas.
0171 - Bai-te a trufas.
0172 - Bai todo a barrer.
0173 - Barriga chena, nien que seia de arena.
0174 - Barriga chena seia eilha d'arena.
0175 - Bal mais cierto que dubidoso.
0176 - Bal mais díbeda bielha que pedrada nuoba
0177 - Bal mais l molho que l polho.
0178 - Bal mais l polho que l molho.
0179 - Bal mais la justícia a la puorta que la mezericórdia.
0180 - Bal mais na loija que arrepunsado.
0181 - Bal mais perbenir que remediar.
0182 - Bal mais que sobre ua dúzia que falte meia.
0183 - Bal mais ser panho que tejeira.
0184 - Bal mais ua feira d’anho do que doze de més.
0185 - Bal mais un amigo que cien parientes.
0186 - Bal más un géstio que cien palabras.
0187 - Bal mais un gusto na bida que cien na muorte.
0188 - Barriga chena seia eilha d'arena.
0189 - Baso ruin nun parte.
0190 - Beilar an Belen.
0191 - Benir a buscar lhana i salir çquilado.
0192 - Berdade de cacaracá.
0193 - Berde cumo oucas.
0194 - Béstia que nun faç stierco, a la rue culha.
0195 - Bexigas i sarampelo dan siete bezes no pelo.
0196 - Bibe mal quien bien bibe, que fará quien mal bibe.
0197 - Bida de pastora, bida de senhora; quando molha l rabo, bida de diabo.
0198 - Bien ciego ye aquel que nun bei por un cribo.
0199 - Bien ó mal çquilado, als uito dies eigualado.
0200 - Bien parece la casa chena na casa alhena.
0201 - Bien sabe l toucino na salgadeira, melhor sabe ne l die de sementeira.
0202 - Bien ye juar, mas melhor ye nun pecar.
0203 - Bieno a saber de birgo a tierra de putas.
0204 - Bitela que ten dous anhos yá ye ua buona baca.
0205 - Boca sin atadeiro.
0206 - Boda molhada, boda abençoada.
0207 - Bolso cun denheiro ye cuorpo cun bícios.
0208 - Bota stierco al pan, que las tierras te lo pagaran.
0209 - Bota-le cuçpinha a ber se pega.
0210 - Botar ua correia al cuorpo.
0211 - Bozes de burro nun chégan al cielo.
0212 - Bui bielho, suco dreito.
0213 - Bui farto de si se lambe.
0214 - Bui suolto bien se lambe.
0215 - Bui suolto de si se lambe.
0216 - Buona bida de pastor era se: no eimbierno fazisse sol, las fuontes manássen bino, ls restroilhos toucino i ls xeixos pan de trigo!
0217 - Buono ye l persunto nas eiras, mas nas sementeiras!
0218 - Burro bielho nun toma andadura.
0219 - Burro bielho, pouca berdura.
0220 - Burro grande, nin que nun ande.
0221 - Busca que comer, nun busques que fazer.
