P
0804 - Pa l bun oubreiro nun hai mala ferramienta.
0805 - Paga l justo pul pecador.
0806 - Palabras de giente tonta, dezi-las ou nun dezi-las tanto monta.
0807 - Palabras nun ínchen barriga.
0808 - Palabras tenes-las tu buonas, l pior son ls feitos.
0809 - Palaçuolo, come l caldo ne l caçuolo.
0810 - Palo de punta i mulhier de cuostas nunca arréian.
0811 - Pan cun pan nun unta.
0812 - Pan cun uolhos, queiso sin uolhos i bino que salte als uolhos.
0813 - Pan d’hoije, carne d’onte i bino de l outro berano, fázen l home sano.
0814 - Pan i bino ándan camino.
0815 - Pan torrado nun farta amo nin criado.
0816 - Panela rachada ten duracion drobada.
0817 - Para adonde bai l burro que baia l’albarda.
0818 - Para adonde bai l tou carino? Siempre pa l mais pequenino.
0819 - Para adonde bai la lhinha bai la tinha.
0820 - Para amprenhar la mulhier, hai que drumir cun eilha.
0821 - Para bun antendedor, meia palabra chega.
0822 - Para mi ye cumo l’auga que bai l riu al para baixo.
0823 - Para nebar ten de parar de fazer friu.
0824 - Para ser anho de pan debe haber siete nebadas i un nebon.
0825 - Para ser bun anho de pan, han-de benir siete nebadas i un nebon.
0826 - Pára tanto cumo l’auga nua cesta.
0827 - Parece que anda a studar para galgo.
0828 - Parece que nun parte un prato.
0829 - Páscoa an casa i Natal na praça.
0830 - Páscoa an Márcio, ou muita fame ou muito mortaço.
0831 - Páscoa an Março, ou mi grande fame ou mi grande mortaço.
0832 - Perde l bielho l diente, mas nun perde la semiente.
0833 - Perder a la monda l que se ganhou a la sacha.
0834 - Perro de muitas bodas, por causa de uas perde-las todas.
0835 - Perro pula puorta, pedrada nel.
0836 - Pertual ye un uobo, Spanha ua penheira, i la França ua eira.
0837 - Pescador de canha i caçador de scopeta, al fin de l anho nun percisa de lhagar nin lhagareta.
0838 - Pila de muitos, bien quemida i mal lhabada.
0839 - Pita que canta de galho, corta-le l nagalho.
0840 - Pita que canta, quier galho.
0841 - Pita que pon na bendímia, ye rainha; la que pon na sementeira, rainha anteira.
0842 - Poner las cousas al aire de l lhume para secar.
0843 - Poner-lo [alguien] an fierro de letra.
0844 - Por adonde bai l burro, que baia l’albarda.
0845 - Por adonde bai l burro que baia l’albarda, por adonde bai l’albarda que baia Jesé.
0846 - Por bien fazer, mal haber.
0847 - Por causa de l burro, palos na albarda.
0848 - Por causa de l forro, lhieba l diabo l panho.
0849 - Por fazer bien nunca naide se perdiu.
0850 - Por mal que te baia, al pie de la raia.
0851 - Por mor de ls santos se béisan las piedras.
0852 - Por nun s’amarrar nun bebe l’auga.
0853 - Por onde bai la lhinha, bai la tinha.
0854 - Por San Simon i San Judas, colhidas son las ubas.
0855 - Por un çton s’anforca.
0856 - Por un freijon nun deixa de se fazer l caldo.
0857 - Porfiar siempre, apostar nunca.
0858 - Porque mos perdemos marido? Tu para pouco i you para menos.
0859 - Poupa, poupa, bien poupou la boubielha i acabou por fazer l niu de merda.
0860 - Prato ruin nun cai de l lhouceiro.
0861 - Prebine-te an tierra.
0862 - Prejunçon i auga bienta, cada un toma la que quier.
0863 - Primeiro, ayunarás; segundo, guardarás; terceiro, Senhor San Brás.
0864 - Probe de l probe que nun ten pan que sobre.
0865 - Pul bico se perde l paxarico.
0866 - Pul die de Santo Adrian, seca-se la raiç de l pan.
0867 - Pul doze de Maio acában-se las merendas i ampéçan ls jantares.
0868 - Pul Natal, ls alhos ténen de ser cumo un diente de Pardal.
0869 - Pul San Brás ciguonha berás.
0870 - Pul San Martino mata tou cochino, porba tou bino i pon-te d’a mal cun tou bezino.
0871 - Pul San Mateus deixa ls páixaros que nun son teus.
0872 – Pul Santo Antonho, bien ye juar, mas melhor ye nun pecar.
0873 - Pul uito de Setembre acában-se ls jantares i ampéçan las merendas.
0874 - Pula boca de ls einocentes ye que se sáben las berdades.
0875 - Pula Santa Cruç yá la binha relhuç.
0876 - Puls Santos píngan ls trampos.
0877 - Pulos Santos, píngan ls trampos.
0878 - Puta i lhadron, solos.
