Q
0879 - Qual ye melhor un saco de piolhos ou un home amplache?
0880- Quando béien a un caído, todos le pónen l pie anriba.
0881 - Quando ben ua zgrácia nunca ben sola.
0882 - Quando canta la boubielha, deixa l tou bui i toma la gabielha.
0883 - Quando cheira a Abril, l cuco nun anda loinge.
0884 - Quando chuobe an agosto, bun magosto.
0885 - Quando chuobe, l tiempo amerosa.
0886 - Quando fures a Miranda, lhieba pan na manga i bino na borracha que alhá nun s’acha.
0887 - Quando l burro mudar de diente, yá puode ir al prémio.
0888 - Quando l cuco canta i la boubielha pon,
amarga l’alrabaça i queima l agrilhon.
0889 - Quando l sol bai a la Faia Amarielha, son horas de salir de la Marrielha.
0890 - Quando l boto stá bielho, todo son botainas.
O891 - Quando l boto stá bielho, todo son boteiras.
0892 - Quando l cuco canta i la boubielha pon,
amarga l' alrabaça i queima l'agrion.
0893 - Quando l cuco canta, i la boubielha pon,
amarga la alrabaça, i queima l algrion.
0894 - Quando l lhume faç frauga, nun falta auga.
0895 - Quando l saco stá cheno, aperta-se-le l baraço,
apuis que stá baziu, yá nun sirbe apertá-lo.
0896 - Quando l sol bai a la Faia Amarielha, son horas de salir de la Marrielha.
0897 - Quando l sol se çpon, adonde queda l lhobo? A la selombra.
0898 - Quando la candela canta, nin atrasa nin adelantra.
0899 - Quando la candela chora, yá l ambierno bai ambora.
0900 - Quando la candela chora yá l eimbierno bai fuora,
mas que chore i que cante, eimbierno para trás i palantre.
0901 - Quando la perdiç canta i la canal cuorre, la melhor seinha d’auga ye quando chuobe.
0902 - Quando la pita pica l galho, ye sinal de polhos.
0903 - Quando la raposa anda a grilos, se mal de la mai, pior de ls filhos.
0904 - Quando las cousas ban mal, tanto dá dar de lhado cumo de cuostas.
0905 - Quando las filhas agrádan als pais, tamien als demais.
0906 - Quando le súdan ls cuornos a las bacas ye seinha d’auga.
0907 - Quando me deitei, yá tenie ambarcado l siete strelo.
0908 - Quando nace ua silba, hai lhougo un burro pa la rober.
0909 - Quando nun se trabalha nun se come.
0910 - Quando passar a la tue puorta, buna pedrada bai a lebar l tou perro.
0911 - Quando se arrasca la cabeça, ye seinha de calote.
0912 - Quando se çprende l fulhin de l chupon ye meia seinha d’auga.
0913 - Quando se deixa todo pa l fin, todo son priessas.
0914 - Quando tenie denheiro, chamában-me Don Tomás; agora que nun lo tengo, sou Tomás i nada más.
0915 - Quando tubir que ser até na cama un se puode spaldar.
0916 - Quando un burro fala ls outros scúitan.
0917 - Quando un burro meija a todos le dá ambeija.
0918 - Quando you era rico, chamában-me Don Tomás,
agora que sou pobre, Tomás i nada más.
0919 - Quando you era sacristan, fazie mil trabessuras,
molhaba torradas no azeite i deixaba ls santos a las scuras.
0920 - Quanto mais debrebe mais debagar.
0921 - Quanto mais se mexe na merda mais mal cheira.
0922 - Quanto mais un s’acacha, mais se le bei l culo.
0923 - Quanto más grande, maior burro.
0924 - Quanto menos mouros, menos culadas.
0925 - Quatro castanhas assadas,
quatro pingas de auguardiente,
quatro beijos nua rapaza,
queda un rapaç cuntente.
0926 - Que Dius te dé suorte, que l saber pouco te bal.
0927 - Que Dius te [le] deia ua buona hora [antes de parir].
0928 - Que le amporta a naide las bidas de naide?
0929 - Quedar cumo quien nun mata cochino.
0930 - Quedar cun ua mano atrás i outra alantre.
0931 - Quem canta na cama ou assobia à mesa ou ele é tolo ou o juízo pouco lhe pesa.
0932 - Quem tem telhados de vidro, / Não pode atirar pedradas
Quando olha para as dos outros, / Encontra as suas quebradas.
0933 - Quemer i buer todo, sacho nien bé-lo.
0934 - Querer sacar la sardina cula mano alhena.
0935 - Queruja ne l lhugar, bielho ou nuobo ben a buscar.
0936 - Questureira sin didal cuose pouco i mal.
0937 - Quien a buona arble s’arrima, buona selombra l cubre.
0938 - Quien a horas nun benir, comerá de l que trair.
0939 - Quien a las onze nun benir, comerá de l que trair.
0940 - Quien al monte bai i ourdebielha trai, ye porque outra lheinha nun hai.
O941 - Quien als binte nun ye i als trinta nun ten, chega als quarenta i nun ye ninguen.
0942 - Quien als trinta nun ye i als quarenta nun se casou, este páixaro yá bolou.
0943 - Quien an Márcio asseranou, tarde acordou. Mas quien nun asseranou, bien s’achou.
0944 - Quien a fuora se bai a casar, ou bai anganhado ou quier anganhar.
0945 - Quien an Março asseranou, tarde spertou, mas quien nun asseranou, bien s’achou.
0946 - Quien antes nace, purmeiro pace.
0947 - Quien apanha l’azeituna antes de l Natal, deixa l azeite ne l oulibal.
0948 - Quien bai a casar para fuora, siempre ten l carcanhal çfolhado.
0949 - Quien bai al açougue, se mal fala, pior oube.
0950 - Quien basto semeia, gasta más i cuolhe menos.
0951 - Quien bei l sou pobo, bei l mundo todo.
0952 - Quien belou, belou, que Márcio antrou.
0953 - Quien bien bibe acaba mal, que fará quien mal bibe.
0954 - Quien bien mos quier, a casa mos ben a ber.
0955 - Quien bien nada nun s’afoga.
0956 - Quien buona semiente sembra, bun trigo cuolhe.
0957 - Quien burros agabou, nunca cun bacas lhabrou.
0958 - Quien cabritos bende i cabras nun ten, dalgua parte le ben.
0959 - Quien cabritos bende i cabras nun tem, d’adonde le ben?
0960 - Quien calha siempre bince.
0961 - Quien canta sous males spanta.
0962 - Quien cedo adentece cedo armanece.
0963 - Quien cedo nace cedo pace.
0964 - Quien cena i lhougo se bai a deitar, mala nuite há-de passar.
0965 - Quien chibos bende i cabras nun ten, dalgun lado le ben.
0966 - Quien cholas agabou, nunca çapatos calçou.
0967 - Quien come morcielha caga moreno.
0968 - Quien come toucino depuis de l Santiago lhieba-lo l diabo.
0969 - Quien comiu la chicha, que ruoba ls uossos.
0970 - Quien compra diabos, nun puode bender santos.
0971 - Quien cun fierros mata cun fierros muorre.
0972 - Quien cun un garoto se deita, cagado se lhebanta.
0973 - Quien cun garotos se deita, cagado s’albanta.
0974 - Quien cunta ua cuonta cunta un ciento, se le díren tiempo.
0975 - Quien cuonta un cuonto, acrecenta-le un punto.
0976 - Quien cuntas botou, nunca cun buis arou.
0977 - Quien dá l que ten, a mais nun ye oubrigado.
0978 - Quien dá l que ten a pedir ben.
0979 - Quien dá l que ten antes de se morrer, merece cua porra.
0980 - Quien dá l sou antes que se muorra, merece cua porra.
0981 - Quien dá pan i nun dá castigo, todo l tiempo ye perdido.
0982 - Quien de fuora benirá, de casa mos botará.
0983 - Quien de nuobo beila bien, de bielho sou jeito ten.
0984 - Quien de nuobo beila bien, apuis de bielho sou jeito ten.
0985 - Quien de nuobo nun se muorre, de bielho nun scapa.
0986 - Quien delantre anda, delantre apanha.
0987 - Quien faç un cesto faç un ciento, se le díren berga i tiempo.
0988 - Quien fai bersos sin querer ye burro a baler.
0989 - Quien fai la buona cozineira ye l sal i la azeiteira.
0990 - Quien feio ama guapo le parece.
0991 - Quien fizo casa na praça, a muito s’abinturou:
Uns dízen que eilha ye baixa, outros que d’alta passou.
0992 - Quien fizo la casa na praça, a muito s’abinturou:
uns dízen que quedou baixa i outros que de alta passou.
0993 - Quien fizo la dosa, que la tome.
0994 - Quien fuge tamien s'apanha.
0995 - Quien fuora se bai a casar, ou bai para anganhar ou para ser anganhado.
0996 - Quien l ten de manha, até de berano s’arreganha.
0997 – Quien l ten de manha, de berano se l’arreganha.
0998 - Quien le comiu la chicha, que le ruoba ls uossos.
0999 - Quien le duole la muola, que busque l barbeiro.
1000 - Quien loinge atira, loinge mira.
1001 - Quien madruga, caga na ruga.
1002 - Quien mal lhabra pouco sega
1003 - Quien mais dá mais ten.
1004 - Quien mais s’achega al lhume mais se calece.
1005 - Quien mata temprano, ten bun eimbierno i ruin berano.
1006 - Quien me debe, que me pague; a quien debo, q’aspere.
1007 - Quien meija claro i peida fuorte, caga-se na muorte.
1008 - Quien mius filhos beisa, mie boca adoça.
1009 - Quien mos dá un uosso nun mos quier ber muorto.
1010 - Quien muito drume, pouco daprende.
1011 - Quien muito drume pouco aprende.
1012 - Quien muito fala pouco acerta.
1013 - Quien muito mira, pouco fila.
1014 - Quien muorde i arregunha nun ten fuorça nenhua.
1015 - Quien neste mundo quejir andar, tem de oubir, ber i calhar.
1016 - Quien nun agarra l que le dan, ye fertuna que le fuge.
1017 - Quien nun aparece, squece-se.
1018 - Quien nun apostou nun perdiu nin ganhou.
1019 - Quien nun bai a palabra, nun bai a porrada.
1020 - Quien nun bebe i fuma, lhieba-lo l diabo pa l outro camino.
1021 - Quien nun chora, nun mama.
1022 - Quien nun fai caso dun pronto, tampouco dun conto.
1023 - Quien nun forra a auga i a leinha, nun forra al mais que le beinha.
1024 - Quien nun forra nun ten.
1025 - Quien nun l semeia, nun bai a ber se nace.
1026 - Quien nun madruga, nun manduca.
1027 - Quien nun quier buona mai, ten mala madrasta.
1028 - Quien nun rouba nin arda, há-de ser rico ua merda.
1029 - Quien nun s’abinturou nin perdiu nin ganhou.
1030 - Quien nun se muorre aparece siempre a la sue tierra
1031 - Quien nun stá ansinado a bragas, róuban-le las puntadas.
1032 - Quien nun ten cabeça scusa de chapéu.
1033 - Quien nun ten filhos, nun tem cadielhos.
1034 - Quien nun ten padrino muorre-se mouro.
1035 - Quien nun ten pan, nin lheinha, nin donde le benga, cumo bai a passar l anho?
1036 - Quien nun ten pies, mal puode atirar couces.
1037 - Quien nun ten que fazer, çcuose la saia i torna-la a coser.
1038 - Quien nun ten que fazer, mata moscas cul rabo.
1039 - Quien nun trabuca, nun meranduca.
1040 - Quien nun trabuca nun manduca.
1041 - Quien nun ye na binha, nun ye no bacielho.
1042 - Quien nun ye na sue ilha nun ye an Sebilha.
1043 - Quien nun ye an sue silla, nun ye an Castielha.
1044 - Quien nun ye para dar tan pouco para temar.
1045 - Quien paga l que debe, sabe cul que queda.
1046 - Quien parte i reparte, i nun queda cun la melhor parte, ou el ye burro ou nun ten arte.
1047 - Quien pide, Dius oube-lo.
1048 - Quien pide i dá, pa la forca eirá.
1049 - Quien porfia mata caça.
1050 - Quien pormete i nun dá, pa l einfierno eirá.
1051 - Quien presume antre touças, nun presume quando ls outros.
1052 - Quien quejir amar a Dius, / Nun diga que nun ten tiempo,
Puode andar nel sou trabalho, / I cun Dius ne l pensamiento.
1053 - Quien quejir bun nabal, que le pida a Dius que naça mal.
1054 - Quien quejir fazer l rei probe pague-le ls dreitos.
1055 - Quien quejir mula sin chata, ten que andar a pata.
1056 - Quien quemir toucino die de San Tiago, lhieba-lo l diabo.
1057 - Quien querga ber perdido a Pertual, que béngan trés anchenas antes de l Natal.
1058 - Quien quier andar, bai el an beç de mandar.
1059 - Quien quier andar sano, la roupa de eimbierno que la traga de berano.
1060 - Quien quier belhotra, que trepe.
1061 - Quien quier belhotra que trote.
1062 - Quien quier ir pa l mar prebine-se an tierra.
1063 - Quien quier peixe, molha l eixe.
1064 - Quien quier saber ls sous einemigos, que se ponga a fazer ua obra.
1065 - Quien quier tener nabos criados, pul San Burtelameu seran sembrados.
1066 - Quien ralo semeia, rala fica la pabeia.
1067 - Quien rouba l pouco, tamien rouba l muito.
1068 - Quien sal als sous nun degenera.
1069 - Quien se casa quier casa.
1070 - Quien se mete por atalhos, nunca se lhibra de trabalhos.
1071 - Quien se queixa ye porque algo le duole.
1072 - Quien se quejir casar i nun ancontre quien le queira, bai por Samartino i bire por Angueira.
1073 - Quien se stende nais do que la manta dá, queda culs pies de fuora.
1074 - Quien sembra abrolhos, cuolhe spinos.
1075 - Quien silba na cama i canta na mesa, ye porque l juízo pouco le pesa.
1076 - Quien t’abisa tou amigo ye.
1077 - Quien tamancos agabou nunca çapatos calçou.
1078 - Quien te mandou meter adonde nun sós chamado?
1079 - Quien tebir que ser spaldeirado, até na cama se spaldeira.
1080 - Quien ten amigos nun padece i se padece nunca ye tanto.
1081 - Quien ten amo, ten senhor.
1082 - Quien ten bergonha passa mal.
1083 - Quien ten boca bai a Roma.
1084 - Quien ten buonas cuontas ten parte no alheno.
1085 - Quien ten fame, busca-lo adonde lo haba.
1086 - Quien ten filhos tem cadilhos, i quien filhos nun ten cadilhos ten.
1087 - Quien ten salude que nun diga que ye probe.
1088 - Quien ten tienda, que l’atenda, senó que la benda.
1089 - Quien tira i dá pa l einfierno eirá.
1090 - Quien tira i nun pon, acaba l munton.
1091 - Quien todo cuntou nunca cun buis arou.
1092 - Quien todo quier, pouco agarra.
1093 - Quien todo quier saber, que l déian un cuorno pa lhember.
1094 - Quien todo quier, todo perde.
1095 - Quien trai l culo alugado, nun caga quando quier.
1096 - Quien tuorto nace, tarde ou nunca andreitará.
1097 - Quien ye cuorno i nun l sabe, Dius tenga del piadade;
Mas quien ye, i l cunsinte, Dius tenga pena del para siempre.
1098 - Quinta feira de Andoenças, Sesta feira de Paixon;
Sábado de Alaluia, Deimingo Ressuleiçon.
