Rezas i ouraciones que yá fúrun publicadas

 Rezas i Ouraciones

Ajúntan-se eiqui las ouraciones i rezas yá publicadas por este sítio an «Lhéngua Mirandesa» i tamien an «Curso de Lhéngua Mirandesa – Eisercício». Cuido que esta ye mais ua amportante parte de la nuossa cultura i an que la recuolha feita inda ye mui pequeinha. Assi, quédan mais facelmente a la çposiçon de todos.

Assi i todo, l númaro de ouraciones i rezas yá ajuntadas quier ser un ancentibo a que la recuolha cuntine, pulas mesmas ou por outras pessonas. A las bezes bonda que cada un pregunte an sue casa para se çcubríren nuobas rezas ou ouraciones.

Cumo debe siempre de ser, ajunta-se l nome de la pessona que anformou, eidade i sítio, i de la pessona que fizo la recuolha ou screbiu la ouracion, todo apersentado por orde de l abc.

Die de las Maias de 2007

Amadeu Ferreira

Lista de Anformantes

Albertina Moreno (n. 1924) - Sendin

Arminda Pina (n. 1914) - Sendin

Delfina Augusta Pino Garcia (n.1925) - Caçareilhos

Filomena da Ascensão Santiago (n. 1918?) - Sendin

Maria Teresa Melgo (n. 1924) - Sendin

Marie Santiaga - Sendin

Teresa Dau (n. 1920) - Sendin

Lista de pessonas que arrecolhírun las ouraciones

Amadeu Ferreira - Sendin

Ana Maria Fernandes - Sendin

Carlos Ferreira - Sendin

Faustino Antão - Zenízio

José Almendra - Sendin

José Angélico - Sendin

José Ventura - Caçareilhos

01. Reza pa scamugir ls miedos
 
Abernúncio Satanás

Que cumigo nun antrarás,

Nin de nuite nin de die,

Nin a l’hora de meidie!

Un Padre Nosso i ua Abe Marie

Anformante: Tie Teresa Dau

Recuolha de Carlos Ferreira (Dezembre de 1999)

02. Ouracion de la ciática

You te benizo ciática

Seia   l delor qual fur

San Pedro i San Paulo

I San Tiago Maior

You te benizo ciática

Pul poder i saber

Bai-te i nun tornes mais

Pul poder de Dius

I de la Birge Marie

Un Padre Nuosso

I ua Abe Marie.

Anformante: Tie Teresa Dau

Recuolha de Carlos Ferreira (Dezembro de 1999)

03. Ouracion a San Bartelameu

San Bartelameu

Amigo meu

Meirinho de prender i soltar

Prendei l einemigo

Que nun me benga a atentar.

San Bartelameu me dixo

Que nun tubisse miedo

Daqueilha mala cara

Que ten la mano furada

I l’unha arrepulgada

Creio an Jasus

Creio na Cruç

Creio na Mai

Que pariu Jasus.

Quien esta ouracioun dezir trés bezes al die,

ancuntrará las las puortas de l cielo abiertas

i las de l einfierno nunca s’abriran

Anformante: Tie Teresa Dau

Recuolha de Carlos Ferreira (Dezembre de 1999)

04. Ouracion pa l mal d’oulhado

Quebrante te dórun

Quebrante te darien

Atalhante Dius i la Birge Marie

Dous te l dórun

Trés te l tirórun

L Senhor i la Senhora

I l Batista San Juan

Se fur mal d’oulhado

Ou mal d’ambeija

Ou bruxarie

Ou por arte de l demonho

L azeite que se spalhe

Ó se nó que s’ajunte

Pul poder de Dius i la Birge Marie

Un Padre Nuosso i ua Abe Marie

Anformante: Tie Teresa Dau

Recuolha de Carlos Ferreira (Dezembre de 1999)

05. Reza para saber se ua pessona stá bruxa

Purmeiro pessina-se la giente. Acubre-se l fondo dun prato cun auga i apuis, cula mano, fai-se l sinal de la cruç an riba de l prato. Na fin de la reza bótan-se an riba de l’auga de l prato 3 pingas d’azeite dua candeia que steia a luzir. Bei-se se l azeite queda junto ó nó i fai-se la reza nuobe bezes. Se l azeite quedar juntico la pessona nun ten mal se se spalhar an remiles de goticas ye porque la pessona stá mui mala.

Antes de la reza ampeçar diç-se l nome de la pessona que se quier ber se ten l mal. Apuis dize-se:

Quebrante te (me) dórun,

Quebrante de (me) daran;

Dous te (me) l dórun,

Trés te (me) l tirórun:

L Senhor i la Senhora

I l Batista San Juan.

Se ye mal d’ambeija,

Se ye mal d’oulhado,

Se ye mal de bruxedo,

Se son malefícios de l diabro,

Que l azeite se spalhe

Senó que s’ajunte.

An honra i loubor

De la Birge Marie.

Cun un Padre Nuosso

I ua Abé Marie

Bariante de la mesma ouracion para curar ua pessona de bruxedo

Se an beç de querer saber se ua pessona stá bruxa se se quier sanar essa pessona, an beç de “Que l azeite se spalhe / senó que s’ajunte”, diç-se:

An honra i loubor

De l Santíssemo Sacramento

Que todo l mal salga para fuora

I to l bien entre para drento.

Al acabar cada ua de las trés an que se faç la reza bota-se l’auga pa la rue i diç-se:

Bai-te auga que yá bolou

Que baia l mal para quien l botou.

José Almendra (2006)

06. Ouracion de las sestas

Alhá ribita an Belén

A quatro léguas de l Calbário

Staba ua mulhier

Toda bestida de branco.

Preguntou: - Mulher crestiana

Se passou aqui Jasus.

- Si Senhora que passou

Cula cruç a sus ombros

De madeiro mui pesado.

Cumo la cruç era nuoba

Trés bezes l’anruliou

Trés bezes beisou la tirra

Cun sous santíssemos lábios.

- Caminemos, caminemos

Até chegar al Calbário

I depriessa que chiguemos

Que yá l stan curceficando

Yá l arríncan las spinas

I l arremátan ls crabos

Yá le dan cul punhal

An sou debino costado.

Quien esta ouracion dezir

todas las sestas de l anho

sacará ua alma de pena

i la sue de l pecado.

Quien la sabe que la diga

Quien nó que la daprenda

Que a la hora de la sue muorte

La sue alma nun se perda.

Esta ouracion ye para dezir siete bezes na Carreira de Sesta Feira Santa.

Anformante: Albertina Moreno

Recuolha de Carlos Ferreira (Dezembre de 1999)

07.   Reza para quando se bota ua pita a chocar

San Salbador

que sálan todas frangas

i un cantador.

Anformante: Albertina Moreno

Recuolha de Amadeu Ferreira

08. Reza pa l’Ousipla

Pedro e Paulo vem de Roma,

no caminho Jesus Cristo encontrou.

Pedro e Paulo que viste lá?

Muita ferida e peste má.

Pedro e Paulo volta lá

com a corda de sparto

e a flor da oliva.

Um Pai Nosso e uma Avé Maria

em honra e louvor da Virgem Maria.

Anformante Tie Marie Santiaga

Recuolha José Angélico (12/2006)

Nota: esta reza tamien se ousaba para curar la ciática

09. Ouracion al meter l pan ne l forno

San Bicente t’acrecente,

San Juan faga bun pan,

Santa Marie te creça pa riba

i Jasus pul mundo todo.

Un Padre Nuosso i ua Abe Marie.

Anformante Albertina Moreno

Recuolha de Amadeu Ferreira (2002)

Nota: anquanto se diç l’ouracion bai-se fazendo l sinal de la cruç cula pala de meter l pan na boca de l forno.

10. (outra) Ouracion al meter l pan ne l forno

San Bicente t’acrecente,

San Juan faga bun pan,

La debina probidéncia

Dé pan pa la sue ménsia.

An nome de l Pai, de l Filho i de l Sprito Santo.

Amen.

Anformante Tie Maria Teresa Melgo

Recuolha José Angélico (2006)

Nota: anquanto se diç l’ouracion bai-se fazendo l sinal de la cruç cula pala de meter l pan na boca de l forno.

11. Para curar la laganha

La laganha curaba-se cun auga de rosas brancas, labando-se ls uolhos cun eilha. Iba-se al semitério a apanhá-las, que habie alhá muita. La auga de rosas rosas fazie-se deixando ferber las rosas, apuis de secas, an auga cumo para fazer chá.

Anquanto se labában ls uolhos cula auga de rosas, dezie-se:

Ó linda roseira,

que é da tua rama?

Por causa de ti

anda o meu amor em fama.

Se anda em fama,

deixa-lo andar;

cun auga de rosas

lo hei-de labar

Anformante Filomena da Ascensão Santiago

Recuolha de Amadeu Ferreira (4/05/2002)

12. Reza contra l miedo

Sete raios ten o o sol,

sete raios ten a lua:

arreda arreda satanás

que esta alma não é tua

Anformante Albertina Moreno

Recuolha Amadeu Ferreira (2002)

13. Anjo da Guarda

Anjo da minha guarda,

semelhança do Senhor,

que naci e fosteis dado

para meu guardador;

peço-vos ó anjos benditos,

se esta noite morrer,

do laço do demónio

me heis de defender.

Anformante Albertina Moreno

Recuolha Amadeu Ferreira (08.04.2000)

14. Reza para curar la boqueira

Ah luzicas

de l lhado d’alen

curai l miu menino

de las aftas que ten.

Anformante Albertina Moreno

Recuolha Amadeu Ferreira (2000)

Nota - La boqueira era un mal mui grande que daba na boca, subretodo ne ls garotos. L’ouracion tenie que ser dezida nuobe dies seguidos (nobena), a la nuite, i nuobes bezes a cada die. Quando se dezie l’ouracion la pessona tenie que star buolta pa las streilhas, yá que l pedido ye feito diretamente a las streilhas i nó a un santo ou a Dius. Por esso, este ye l causo mais stroudinairo que conheço (outros haberá) de remenicéncias de l culto de ls astros, de que falaba San Martino de Braga (séc. VII), ne l sou lhibro De Correctione Rusticorum: “Alii adorabant solem, alii lunam uel stellas, alii ignem, alii aquam profundam uel fontes aquarum...” [Uns adorában l sol, outros la lhuna ou las streilhas, outros l fuogo, outros las augas fondas, outros las fuontes].

15. Salbe Rainha Pequenina

Salbe Rainha pequenina

Quando Dius era Menino

Puso l pie no altar

L sangre a pingar

Tate, tate Madalena

Nun lo baias a limpar

Que estas son las cinco chagas

Que por nós há de passar.

Anformante Albertina Moreno

Recuolha Amadeu Ferreira

16. Ouracion para rezar al deitar

Nesta cama me deito, pra drumir i çcansar.

Se a morte bier, que me deixe falar.

Apego-me ao crabo, abraço-me à cruç,

Entrego a minha alma ao Menino Jasus.

Graças a Deus que já me deitei,

Cun sete anjos m’ancuntrei:

Trés aos pés, quatro à cabeceira,

Jasus Cristo na dianteira,

Nossa Senhora minha companheira.

Anformante Albertina Moreno

Recuolha de Amadeu Ferreira (2006)

17. Triste Dia

Triste dia, em que o mundo

Deverá ser abrasado!

Por Dabid porfetizado,

Naquel abismo profundo!...

Oh, quanto tremor então,

Causará a toda a gente,

Ver ali um Deus presente,

Julgando a mais leve acção!

Das profundas sepulturas

Soará um eco fatal(i)

Ao debino tribunal(i),

Chama Deus as criaturas!...

Aberto o libro selado,

Onde tudo está eiscrito

Onde o mais leve delito

Do mundo será julgado.

Sobre o seu trono de glória,

estará o Juiz presente;

Fazendo a todos patente

Dos seus crimes a memória!...

Mas a quem meu peito impuro

Buscará com tanto aperto?

Quando apenas, se por certo,

O justo estará seguro?!...

Oh tremenda Magestade!

Que quando os homens salvais;

Tudo de graça lhes dais,

Salvai-nos por piedade!...

Lembrai-Vos Jesus amado,

Que ao mundo por mim viestes;

Não fique quanto nos destes,

Naquele dia frustrado!...

Por me buscardes, Senhor,

Descansastes fatigado;

Por mim, na Cruz encravado,

Não se perca tanto amor!

Vós que punis os pecados,

Com fogo eterno, aos precitos,

Perdoai os meus delitos,

Antes que sejam julgados!

Dos meus crimes compungido,

Coberto de pejo o semblante;

Perdoai, ó Deus amante,

A quem Vos busca rendido!

Vós que à triste pecadora,

Seus pecados perdoastes;

Vós que a Dimas escutastes,

Também me animais agora!

Entre os Vossos escolhidos,

Minha alma depositai,

Dos que foram excluídos,

Para sempre me apartai!...

Destes já condenados,

E sem remédio, livrai-me!

Entre os bemaventurados,

Ao Vosso reino chamai-me!

Humilde, pois, desta sorte,

Ante a Vossa Magestade!

Vos peço, Senhor, piedade,

No transe da minha morte!

E, se, por minha maldade,

Nada pode o meu clamor;

Livrai-me, por Vosso Amor,

Do fogo da eternidade!

E, no dia lastimoso,

Em que toda a criatura,

Desde a fria sepultura

Deve ser ali chamada,

Para ser por vós julgada,

Vós, Jesus, meu doce bem,

Dai aos Vossos bons fiéis,

O descanso eterno. Amem!...

Recuolha de António Maria Mourinho, in Cancioneiro Tradicional e Danças Populares Mirandesas, 1983, pp. 280-285. Arrecolhido por el de la traduçon oural an Sendin.

Nota – Estes bersos son ua traduçon lhibre de Dies Irae, poema mediabal, an lhatin, de que dízen outor al fraile fraciscano Tomás Celano, século XIII. Muita música se screbiu para esta letra ou partes deilha, cumo l afamado Requiem de Mozart, antre outros.

Esta ouracion hai muita giente que inda la sabe i ye dezida ne l rosairo de belar ls muortos. Quien la oube dezir, ne l ton solene i dramático an que questuma ser dezida, nun puode deixar de quedar culs pelos de puntas, nua mistura de spanto i de miedo. Cuido que nanhun sendinés ou pessona que la tenga oubido le puode quedar andifrente.

18. Outra ouracion para dezir al deitar

Hei de prender a meu Deus

Dentro do meu coração.

Se vier o einemigo

Cun a sua tentação:

Bai te embora einemigo

Que eu não tenho coração,

Antreguei-o ao Jasus,

Ao Jasus de Nazaré,

A Virgem Nossa Senhora,

Esposa de São José.

Anformante Albertina Moreno

Recuolha Amadeu Ferreira (2005)

18. Ouracion al Anjo de la Guarda

Anjo de la Guarda

Cumpanha mie,

Guarda la mie alma

De nuite i de die.

Anformante José Almendra (08.01.2007)

Nota de l anformante, screbida por el mesmo: Ansinou-me-la mie bó Marie Pina para la rezar todos ls dies. Andaba a studar an Miranda, i cumo iba todos ls dies an las camionetas de la barraige, era para l Anjo de la Guarda me guardar.

19. Ouracion para dezir quando se bai a quemungar

(Antes)

Binde, binde meu Jasus,

Que eu por bós stou aguardando,

Minha boca aberta,

Meu coração chorando.

(Apuis)

Andei em busca de Jasus,

Agora já o encontrei,

Já o trago na minha alma,

Nunca mais o deixarei.

Anformante Albertina Moreno

Recuolha Amadeu Ferreira (2006)

20. Ouracion/cantiga pulas almas

Acorda ó pecador, o o...

acorda não dormas mais

olha que se estão queixando

as almas dos vossos pais

que delas não vos lembrais

Anformante: Albertina Moreno

Recuolha de Amadeu Ferreira (8.4.2000)

Nota - era cantada a trés bozes: contra, alta i gordo.

21. Ouracion para un se salbar de la guerra

An Júlio de 1969, quando iba para Angola, mie mai que naciu an 1914 i se chamaba Arminda Pina, ansinou-me esta ouracion para la dezir todos ls dies pula manhana:

" Cruç de Nuosso Senhor Jasus Cristo

Pon-te delantre de mi

Para que ls mius einemigos

Nun se bínguen an mi

Miu Dius, miu Pai, miu Senhor

Rigulai bien ls mius dies

Dai-me oussílios que me fágan

Fugir de las malas cumpanhies

Un Padre Nuosso i ua Abé Marie "

Dezie eilha que bolberie sano i salbo.

I assi acunteciu.

José Almendra (27/12/2007)

22. Minha mãe senhora

Minha mãe senhora

Sobre estes filhos e filhas e sobre o mundo inteiro

Lançai a vossa vista carinhosa e protecção

hoje e em todos os dias da nossa vida.

Senhor dignai e lançai-nos a vossa benção.

Em nome do Pai do Filho e do Espírito Santo.

José Angélico (4/01/2007), que la daprendiu de se la oubir a tie Cándida Justina.

23. Oração ao deitar

Nesta cama me deito

Pra dormir e descansar

Se a morte vier

Que nos deixe falar

Apego-me ao cravo

Abraço-me à cruz,

Entrego a minha alma

Ao Menino Jesus.

Tie Maria Manhona

António André (4/01/2007)

24. Santa Bárbela

Santa Bárbela Bendita

Que no cielo stais scrita

Cun papel i auga benta

Librai-mos desta tormenta.

Santa Bárbela se bestiu i se calçou

A sou camino se botou,

No camino San Juan ancuntrou

San Juan le preguntou:

Adonde bás Bárbela?

Bou al cielo a spalhar

Aqueilha nubrada

Que por alhá anda armada.

Spalha-la bien spalhada

Para adonde nun haba

Bafo de bino

Nien flor de resmanino

Maria Teresa Melgo (n. 1922)

José Angélico (3/1/2007)

25. Tinta Nubrada

Tinta nubrada

Donde bás tan cargada?

Bai-te a çcargar

A la tierra de la Saiada

José Angelico (3/1/2007)

26. Reza contra o cão danado

Santa quitéria, pul mundo andou

Nem cão, nem cadela, nunca l ladrou

Assim que ladrou, lougo arrebentou

Cão danado, bai-te daqui!

Santa Quitéria, entre em mi!

Arminda Almendra

Recuolha de Elisa Ramos (1993)

Screbida por Ana Maria Fernandes (3/01/2007)

27. Ouraçon de l deitar

Quantro squinas tem la cama

Quatro belas stan a arder

Quatro anjos m’acumpánhen

Na hora de you morrer

Apuis reza-se un Padre Nuosso i ua Abe Marie

Delfina Augusta Pino Garcia

José Ventura (29/12/2007)

28. Ai Jasus, Marie i Jesé

Ai Jasus, Marie i Jesé

Que la mie alma buossa ye

Para que Dius cunfie na muorte

Que mos puoda cunfortar

Mos lhibre de ls demónios

Batizados ou por batizar

Antes que eilhes stóuren i arrebénten

Que nunca a nós mos aténten

Nien de nuite nien de die

Nien a la hora de meidie

Nien a la Santa Liberata.

Apuis reza-se un Pai Nuosso i ua Abe Marie.

Delfina Augusta Pino Garcia (Caçarelhos) (n.1925)

Faustino Antão (28/12/2007)