Acordo ortográfico

Buonos dies, á Cecílio,

Na mie oupenion l porblema de l acordo ourtográfico ye, an purmeiro, un porblema político. L restro son menudezas. Anton, faç todo l sentido que las pessonas l çcútan, politicamente, sin tener que le dar mais amportança a las oupeniones (tamien políticas) de ls lhenguistas.
Passando porriba de rezones, que son muitas i buonas, you sou a fabor.
I eiqui queda la mie oupenion, cun todo l respeito por quien ten oupenion cuntrária.

Amadeu

You yá screbi algo subre l acordo ourtográfico i para dezir que la çcuçon que se ten feito, nun passaba de ua maneira; de ls que ténen bagar para essas cousas i ténen que aparecer ne ls jornales, porque se nó naide farie causo deilhes; tenéren cun que se antretener.

Mas fazieste bien poner este tema, porque l causo ye politico i ye nuossa oubrigaçon çcutir-lo por esse lado. Quando digo politico, nun ampeceis a pensar nessa cousa de partidos. Politica de -polis- (las cousas de la bida, de la nuossa cidade, de la nuossa sociadade).

Para mi l acordo stá bien, mas respeito las oupeniones de ls outros.

Solo te pedie ua cousa i esto para bien de la çcuçon, apaga todos ls quementairos de quien benir eiqui a falar de ls outros ou a armar-se. A esses manda-los poner l quementairo ne l campanairo de la eigreija.

Almendra

Faziste bien poner este tema para çcuçon...

You stou d'acuordo cun el, si que bamos a falar mais a la moda de ls brasileiros, mas l feturo camina pa la union de las lhenguas i nun bos admireiades se daqui a uns anhos se falen lhenguas maio angles, meio aleman, chines i pertues todo misturado... Ye l fator de la anternacionalizaçon... agora ls pobos stan mais perto uns de ls outros, custa menos a chegar i l eisolamiento cada beç mais pequeinho, por esso cuido q bai a ser assie i que ye l melhor para todos.

Ya arreparestes cumo ye çficele ir a la alemanha o mismo a angleterra i tener q falar outra lhengua? para quien sabe ye facele, mas para quien nun saba....

Abraços

Á Cecílio, quedei cuntento que screbisses an mirandés i inda mais cun la tue oupenion i la tue preacupaçon, que son mais que legítimas.
Mas nun bamos a cunfundir esso de l pertués i de l bresileiro. Bresileiro ye ua ambençon de ls franceses para le tirar fuorça al pertués. Ls brasileiros fálan pertués i a nós nun mos debe amportar nada que l pertués se scriba, porque ye de la scrita que se trata, cumo l fala la maiorie.
Se nó bai a passar cumo cun l latin, nun recebiu la cuntribuiçon de ls outros pobos, na scrita, i quedou solico. Ls outros criórun outras lhénguas.
L amportante ye que l pertués seia l nome dessa lhéngua, que yá nun ye solo de ls que bíben eiqui, mas de milhones que hai por esse mundo afura i l scríben, anque algo çfrente que cumo nós l daprendimos.
Tu nun leis a Gil Bicente i a Camões, tal cumo l screbírun?
I esse pertués nun ye nuosso?

Abraços

Almendra

Buonos dies a to ls blogueiros.
Respeitando l’oupenion de ls que stan an zacordo, you sou a fabor de l acordo ourtográfico.
Onde muitos béien tantas lénguas cumo países que la fálan, you solo beio ua: l Pertués. Más ó menos sonoro, más ó menos eisótico, más ó menos bernáculo, más ó menos perfundo, más ó menos eiquatorial, ye pertués i todos se anténden uns als outros.
Até me parece que esta çcuçon ye didática para antender l causo, inda mui caliente, de la çcuçon de la normatiba ourtográfica de l mirandés: solo hai ua léngua mirandesa. Eigual que ne l pertués, fala-se de maneiras algo çfrenciada nas bárias aldés, mas ls bárias falares antégran-se todos drento de la léngua mirandesa, que ten ua scrita cun normatiba oufecial.
Tamien nun mos podemos squecir que inda hai muita soma de giente a alfabetizar an pertués: Brasil, Guiné, Angola, Moçambique i tal… i ir un pouco al ancontro dessas pessonas que nun ténen l pertués cumo léngua materna, parece-me ua buona cousa. Hai que ser capaç de ultrapassar l tiempo de l neo-colonialismo, i se la rezon fur la la léngua, parece-me ua buona rezon.
Abraços sendineses.

Pos tu nun oubes, como ye que eide cuncurdar, mas que ye que cuonta que you nun cuncorde?
- "Havemos de fazer um pato que vai ficar escrito numa ata". este ye un eisemplo.
Mas en todas las lénguas hai desto, mira ye todo ua política, eles mais fuortes quije`que siempre vincen, ou ls que son mais, ou ls que tenen mas astúcia, que ye l que se passa.
Pertual levou la léngua para tolas tierras por onde se fala hoije. Mas eilhas hoije sufrén mais anfluencia del pertues del brasil do que del nuosso pertues.
Como tal muitas bezes tenemos que acatar la bontadade de las maiories, nien que eilhas nun steien ciertas.
Talbeç neste caso you querga achegara la brasa a la mie sardina, mas quien sabe nun starei cierto ou tabeç errado, you inda penso assi até que me conbençan del contrário, e la defréncia faç siempre falta, qual serie l problema de cada tiera tener sau uso de scbrir de forma sfrente?!.....
Tamin nun nun sperarie de ancuntrar aupeniones sfrentes aqueilhas quels que studen la léngua mirandesa eiqui manifestorén.
abraços

À Jé tenes rezon nessa frase, mas l Pertues ye ua lhengua mui cumplicada, mui chena de "perliquiteques" i de palabras de dous i quinhentos... Esto chega a tal puonto de que quando se recibe ua carta de las finanças o de l tribunal, nun sei se ya recebistes algue, mas digo-bos, you beio-me grego para antender... Puode ser que you seia burro, mas q ye çficele d'antender ye.

Ls brasileiros nesso son mais praticos i nun deixando de falar Pertues, faclitan la fala i toda la giente antende. Até na musica. L Portues cun sutaque brasileiro ye mais facele de cantar que l Portues. Ye mais bibo, mas para l fado ya l Pertues ye melhor....

À Cristofe (cecilio) la lhengua unica q se falará nun cuido q será angles... será si ua mistura de todas, si q poderá ser mais aparcida al angles, mas angles nun bai a ser...

Un abraço