HOIJE

Nota: apaga la mensaige de riba, á Pedro, que se me scuciu antes de tiempo.

Buonas nuites,

Cuncordo cun Zé Chico. Hai que screbir an mirandés: al ampeço inda cun alguns erros, mas bamos corregindo i fazendo algun sfuorço. Claro que hai que screbir i hai que falar mirandés: ye la riqueza que tenemos.
L eisemplo ende stá: Zé Chico ten l sou jornal HOIJE hai un par de meses i nunca ten parado i nun ye fácele arranjar tema para cada die. Cuido que nun hai outro caso cumo el. I esso merece ser apoiado por todos. Assi tengo feito i cuntinarei.

ei

bi la nuoba de l hije suobre la radio de la scuola. La radio SAL neste momiento sta un cachico parada, porque inda nun huobo tiempo i huobo tamin algues cumplicaçones pa la poner a rodar outra beç.

Al ber la nuoba lhembrei-me que se poderie fazer algo anteressante pa la radio SAL, que era poner a transmitir la eimisson de la radio scuola na anternet por la radio SAL.

Nun sei cumo sta a ser transmitida la radio scuola, cuido q solo staran a poner musica i ls alunos a oubir ne ls antrebalos i que nun haberá propriaminete ua "transmisson" se assie se puode chamar, mas poderie haber.

A ber se alguien fala o puode falar alha ne l ciclo que apuis you puodo tratar desso.

Era ua mais balie para l SAL i tamien pal ciclo que berien la sue musica na anternet ser scuitada por toda la parte de l mondo.

Dezei a ber...

Abraços

Zé Almendra,

Li l testo que eiditou hoije ne l sou jornal. Nun puodo deixar de reagir.
Cumo porsores que somos dambos tamien, pergunto: mas anton para que sirbe essa cultura que tubimos nós la suorte de adquirir zde siempre (L que nun fui i inda nun ye l caso de todos anfeliçmente, cumo sabe) mas tamien ls ourdenados que mos dá l Stado bien melhores que aqueilhes que muitos tanto an Pertual cumo por esse mundo fuora (hai que dezir la berdade tamien!) nun ténen la suorte de receber i nunca tenerán se nun ye para todos ls dies dar sprança i cumbencir an special ls mais nuobos, cun palabras mas tamien cun atos, que neste mundo que ye l nuosso todo ye possible, subretodo l melhor.
I digo-le tamien:
Se sou capaç de star a screbir aqui hoije nestas cundiçones i até cun bastante facelidade (cousa que para mius pais por eisemplo serie mui defícele fazer yá que solo ténen la quarta classe i até ampossible para milhares de pessonas inda neste Mundo que ye l nuosso deste terceiro milénio ) fui porque cunsidro que bárias bezes na mie bida tube la suorte de ancuntrar pessonas que me dórun essa sprança i essa cumbicçon. I muitos, muitos antre eilhes, éran i inda son Porsores. Porsores a quien you só le digo ua cousa: Parabienes i bien haia !
Só ganhamos, Zé Almendra, todos que nós somos, acradite, an saber dar-les i dar-mos tamien balor (Nun ye la mesma cousa que denegrir-mos!) de la mesma maneira que todas las outras profissones, todas!, ténen balor i dében de ser tamien respeitadas.

Ana Maria Fernandes

Bien falado,
Un abraço pa ls dous.
Á Zé Chico, quando ye la Trindade, que astanho gustaba de ir alhá?
Este fin de sumana ando por Soure i por Ansião a cumpletar ua ambestigaçon que yá uns anhos fago subre ls Mogadouros (eiqui hai trés) ne los seclos VI-VII.
Inda nun li l Hoije de onte, bou a ber se inda l cunsigo ler senó manhana. Mas bin eiqui a assomá-me d'aperpósito. I gustei de l que li.

Amadeu

Á Zé Chico,

Nós tamien dezimos Griegos. Anda que bien anrabiado ibas por esse camino tan guapo... Tu bien dizes que bistes alhá na peinha ls uolhos de l diabro. Bá, nun t'anrábies tanto que te faç mal a la salude.
Si botas uas carapuças balientes. A mi l que me bal ye que ando siempre cula mie gorrica na cabeça.

Un abraço,
Amadeu

Buonos dies :)

Á Almendra!
Faziste-me registar eiqui tan solo para te perguntar ua cousa: antón ai la lhéngua mirandesa i la lhéngua sandinesa?!
Se tu l dizes ... se calha haberá.

Un chi

Almendra,

Dius te lo pague por seres tán brebe na respuosta i nun me lhiebes a mal por te faer outra pregunta antes de bolber al cortiço i a las froles de l praino i de la raia: antón tu dás ls erros - cume you i quaije todos ls que conheço - i ls culpados són ls pursores?!?!?!

Un chi

Buonas nuites, Zé Chico,

Tenes rezon, que nin siempre te fago notar algue cousa menos bien screbida ne l HOIJE (sabes que leio siempre). L tiempo nun dá para todo. Mas nun deixarei de l fazer quando podir.
Sabes, de las poucas cousas que sei fazer ye daprender i studar, pus la çtáncia antre l que sei i l que quiero saber ou perciso de saber ye mais do que deiqui a la fin de las streilhas. Nesse sentido, sufro duma anfelecidade pula eignorança.
A seguir a esso gusto de dibulgar l que daprendi porque se l guardar andrento de mi esso duol-me. Uns son felizes por scunder i por guardar, you sou feliç por dar i por amostrar.
Si gustaba de ir para uns cursos mais abançados, mas cumo bamos a fazer esso?
Tamien nun serie defícele tratar dessa cousa de las palabras miradesas mais squecidas, que las tengo trabalhado siempre i que l dicionairo que tengo benido a publicar ten alhá. Mas hai que ir mais loinge i ambolber mais pessonas de bárias tierras.
Esse eisemplo que dás subre «ferrada» ye berdade. Na letras «f» de l dicionário, que stá publicada, ten alhá la seguinte antrada:

ferriada, ferrada s.f. Balde de zinco, geralmente com chapa de ferro no fundo. SIN. baldo; lhato.

Tamien hai l dito, que miu pai me ansinou: «ferriada nun es caldera». Bei-se bien que ye d'ourige spanhola.

Nós an Sendin nun ousamos muito «lhato/lato» cul sentido de baldo; noutros lhados úsan «caldeiro» ou, se ye mais pequeinho, »caldeireto» cun esse sentido.

Bamos andando i agarrando nuobos caminos, a ber se somos capazes. Mas tamien tenes rezon: todos tenemos que studar mais, senó un zanima.

Un abraço,
Amadeu

Squeci-me de lhembrar algo que tamien sabes, yá que faleste de la GNR:
- la GNR bieno para Sendin an 1948, hai sessenta anhos.
Miu pai staba na França nessa altura i you inda nun habie nacido. Cunta mie mai que le screbiu a miu pai para que nun benisse para Sendin: Nun bengas que ban a poder acá la Guarda i apuis un yá nin ua carga de leinha se puode ir a roubar.
You tengo até la era de la Portarie de l Goberno que la colocou acá, mas esso son outras cuontas de la stória de Sendin. Mas cumo dízen nun sou storiador i, al albés de l que alguien dixo eiqui, nun tengo la manha de l ser, pus essas cousas de lhado. Mas solo por anquanto, que storiador nun ye quien ten l curso de stória, mas quien studa la stória i la scribe.

Buonas nuites,
Amadeu

Antrebista a Tiu Almendra ne l Jornal Nordeste:

http://www.jornalnordeste.com/noticia.asp?idEdicao=217&id=9327&idSeccao=2047&Action=noticia

Buonas tardes,

Quiero-le dar ls mius parabienes a Zé Chico por esta anterbista, que ten chamada de 1ª páigina ne l Jornal Nordeste. I assi se bai fazendo camino. La mie sugestion ye que essa anterbista seia puosta ne l HOIJE para mais giente la poder ler.

Manhana. die 9 de Maio, starei an Sendin, a las 15 h, na Casa de Cultura a apersentar l librico L SEGREDO DE PEINHA CAMPANA, pa ls alunos de las scuolas de Sendin. Quien quejir ir até alhá será bien recebido.

èra so para te dezir que nel jornal so pareçes um menistro
MAS DELS BUNUS TENES QUE CUNTINUAR PARA NOS A LA PROMANHANA VER
UM ABRACO
parabens pelo comentario do 25 de avril que dizeste bem alto para aqueles que o pensao bem baixo e dizen que è mentira
viva sendim com jente como tu
passareiro

Zé Almendra,

A perpósito de las amboras que mos dou hoije subre las obras... faraónicas... que stán a ser feitas na barraige de Picuote para oumentar la capacidade de produçon enérgica nesse troço frunteiriço de l rio Douro, an tierras de Miranda i bien cerquita de Sendin por cunseguinte , debo dezir que gustarie tamien de saber an que proporçones bai a representar esse oumento.
I nun só...
Ye ua eicelente eideia de la sue parte (i por esso penso que todos poderan recunhecer l mérito que ye l sou por haber cunseguido ou talbeç tamien aceitado de mos amostrar an que cundiçones se ban realizando las obras) mas l mais cierto ye que qualquer un de nós nun se puode quedar ounicamente por essas eimages i splicaçones que balorỉzan antretanto l trabalho que ban efetuando, cumo mos lo amostrou, todos aqueilhes que fázen ls possibles para lhebar l projeto a bun termo antre ls quales ls bumbeiros de Sendin i todos ls outros que trabálhan sien la mais pequeinha sombra de dúbeda an cundiçones difíceis i perigosas até.

Pensando bien, Zé Almendra...
La custruçon dessas barraiges fizo-se ne ls anhos cinquenta. Puis you naci depuis cumo praticamente todos aqueilhes que ban a ler estes nuossos testos. Pregunto anton: Quantos quedórun por essas tierras porque cunseguỉran arranjar un amprego que ls motibasse a quedar ? Bien poucos, na realidade !
Cumo ye que esso se puode splicar sabendo que essas trés barraiges precisamente nunca deixórun antretanto, zde que fủrun custruidas, de produzir einormes quantidades de energie, toda çtinada normalmente a melhorar las cundiçones de bida dua populaçon que até inda nun hai muito tiempo bibie an grande parte na miséria ?
L que acunteciu zde ls anhos cinquenta cumo nunca habie acuntecido nessas tierras de Miranda ? Cumo todos sáben: eimigraçon als milhares, eisodo nunca bisto, desertificaçon de las aldés cun todas las cunsequéncias negatibas, nun stou a eisagerar puis nó?, que todo esso representa tanto para aqueilhes que cuntinórun i cuntínan a bibir ende cumo para aqueilhes (la maiorie !) que bíben fuora i que probablemente por mais dua rezon nunca mais poderán tornar.
Stou a dezir esto para quei ?
Para ua cousa, solo ua !
Para dezir que talbeç inda seia tiempo de EISIGIR (Digo bien: EISIGIR i nó solo de se cuntentar de oulhar !), EISIGIR a nun ser que seiamos burros i inda muito analfabetos, giente a quien se puode tapar ls uolhos cumo talbeç tamien tenga acuntecido ne l passado cun ls nuossos abós i antepassados que de facto na maiorie de ls casos nun sabien nien ler nien screbir, EISIGIR (repito !) que la energie que son capazes de produzir essas nuossas tierras de Miranda sirba tamien mas talbeç EISSENCIALMENTE para fazer ende aqueilho que quaije ou pouco se fizo porque para aqueilho que serbiu até agora serbiu mas fui para anriquecer outros i noutras tierras... !!
I para nós, Zé Almendra, acha para nós sobrórun las migalhas ?
Puis oulhe, you l que penso, ye que para nós nien sequiera sobrórun las migalhas ! I talbeç mais dun cuntine a cunsiderar que somos inda muito, muito, burros ! Acha que m’anganho ?

Cumprimentos i buonas nuites !

EISIGIR, parece.

Cumprimentos.

Buonos dies,

Esse « pequeinho dicionairo » de que nun cita ls outores , citando pul cuntrairo l outor yá falecido desse outro, ten antretanto pul menos dous méritos:

1.Trata-se assi i todo, cumo diç, dun « dicionairo ».
2.Ls outores aceitórun, se ye esse ne l qual you penso porque tamien muitos nun hai, de l poner an acesso lhibre a todos sien eiceçon outilizando ls meios mais modernos que eisísten de momento, quiero you dezir la anformática. Nun ye l caso desse outro dicionairo que citou i que naide oufrece de graça, nien sequiera la Cámara Municipal de Miranda.

Quanto a achar que debe de ser un « erro » dezir EISIGIR an beç de EISEGIR (Nun ye assi que l diç mas ye esso tamien que puode deixar subantender la sue maneira de apresentar las cousas), you serie bien mais prudente. Nun serei la purmeira a dezir-le que las lhénguas apreséntan mais bariantes de l que se pensa. Ye tamien l caso de l Mirandés que por haber sido denegrido durante décadas i mesmo seclos inda nunca chegou a ser studado por naide até agora (Hai que ser modesto !) an toda la sue riqueza i bariadade. Tampouco pul outor desse dicionairo que citou que a mi nunca me pareciu tan grande cumo esso; ancumpleto pul cuntrairo. Ye normal ! Bien sabe que para fazer un dicionairo, ua sola bida nun chega i you até dirie mais: un dicionairo, Zé Almendra, para ser un berdadeiro dicionairo solo puode ser l resultado dua obra coletiba, fruito de trabalhos mas tamien de antercámbios i trocas antre bários specialistas que oubrigatoriamente dében tamien pedir cunselhos i la colaboraçon a essas pessonas para quien esso custitui la specialidade, la ciéncia até. Son ls dous ramos de la lhenguísta que eisísten i se cháman: lexicografie i lexicologie.
Mas nós, Zé Almendra, cumo sabe, somos simpres porsores. You, anque tenga frequentado yá bai a fazer algun tiempo agora cun muito antresse assi i todo todas las classes de lhenguística a las quales yá assisti na mie bida, an nun sei quantas faculdades, zde la Sorbonne, Toulouse, Rouen, Coimbra, Lisboa, Aveiro, i mesmo Porto Alegre ne l Brasil, debo dezir-le que delantre de toda la riqueza i bariantes que oufrece qualquiera lhéngua, i l Mirandés nun scapa a la regra, mais quiero por bezes calhar-me...
... mas tamien pensar i refletir.

Cumprimentos eigualmente berdadeiros.

Houbo ua cunfuson de la mie parte. L melhor será apagar anton essa mie redadeira anterbençon.

Buonas tardes.

Hai siempre sperança para aqueilhes que lútan.

Mas nó, deixe !

I cuntino a pensar:

hai siempre sperança para aqueilhes que lútan.

Nun antendo porque esta mulher fala tanto, ya naide lei aqueilho que diç i scribe, se se gaba tanto, pq nun faç eilha un dicionairo o algo i diç assie: fui you q fiç esto. Mas nó, criticar, poner faltas sabe eilha, nistante ben a falar desto i daqueilho, que este fizo, que aquel dicho... Ya nun hai pacencia...

Faga algo mulher, i deixe de tanta leria....

Tengo dito.

« Mulhier », home !

Anton nun hai yá un dicionairo ende yá pronto an que aparece yá essa palabra para te ajudar pul menos a screbir essa sien fazeres erros ?
Trato-te por tu yá que tamien nun t'amportas de tomar alguas lhibardades comigo, nun ye home ?

Sabeis ua cousa nun screbi nada neste tema, i an pocos passou que you nun screbi-se.

Mas passei só para dezir estó.

A las bezes dezir l que fazemos, mostrar l que fazemos, i daram balor al que fazemos, ou estar a spera que deiam valor al que fazemos faç parte de la vida ou melhor a la condiçion houmana, i alimenta l´ego, ambora muita gente nun antenda nin faga pol antender, nien nunca l bai antender.
Creticar l que stá feito ye siempre facelé, l ua pesona ye mourta por tener perro e por nun tener. Apuis de star feito qualquir un fazi, pos si mas até chegar alhá lebarie tiempo.

Muitas bezes stroban-mos ls outros, até mus stroba la camisa que traén bestida la maneira como falén, en ciertos dies nin oubi-los, mas tenemos de aceitar la sfrencia.

You talbeç pense mal, mas muitas bezes tamiem me liba a crer que muitas pessonas só quiren que ls bein, i nun fazén nada para ser bistos. Mas so son bistos até un die.

Porqui me quedo, i senhor Porsor Almendra cuntinai l trabalho, i se ponirdes eiqui las mis patatas de la ribeira melhor será. La ribeira que you queri oubir bruar.

Abraços para todo mundo que la bida ha-de cuntinar assim por muitos dies.

tiu AMENDRA mandail unha fotografia a ZE pareçe qanda cum bontade de patatas mas scalhar la maie iha las arrancau
èi ZE tamin nun quires unha pusta de bacalhau e unha garrafa de azeite èra melhor
um abraço

Á Antonho mira eiqui só hai azeite de Bila Flor algo mais spesso i gordo, bacalhau nun falta, mas falta saber demolha-lo. Garupa tamin nun falta de tolas qualidades cun patas i sien patas. Patatas nun sabén, sabes ua cousa you comi-las tols dies, mas até la auga que las coze nun sierbe...
Cumprimentos para toda família

Pos si senhor porsor, l pai de Fernando astanho poude sacar dalhá colmo para ancher la melena del bourro i pala trabeseira, anda siempre al spique cun nós mas astanho quedou-se, pos la mi yá sataba brabie à doues foulhas, bede como stá digualico.
Sabeis ua triera sien centeno ye como un jardin sien flores, mirai que atar cun trigo, era mais duro e scachaba-se. A mi inda me tocou sacar las spias del centeno deles manolho i ponelas en riba de las gabilhas para atar.

Nun ye por nada, mas muito se fala en turísmo, i como la cegada i la trilha i l´acarreio, e tola comida de la cegada, ye na altuar de férias para muitos, fazer rebebir essa tradiçion era ua cousa mui anportante, que chamarie algues vesitantes.
I muitas i mui anportantes, serán las memórias de la cegada.

Buonos dies, Zé Almendra !

Apreciei ler la sue reportaige de “Hoije” subre la simulaçon dun perigo grabe i las anterbençones que fúrun feitas por parte de ls bumbeiros de Sendin na barraige de Picuote mas nun precisa de mos assustar eisageradamente, dezindo an cuncluson: “Parecie mesmo berdade, habie muortos” !
Anton nun tenerie sido mais bien dezir, tendo an cunta la realidade que nun passaba feliçmente nesse die dua simulaçon an que todo corriu bien, penso, sien que tubisse habido muortos:
“Parecie mesmo berdade cumo se houbisse/ tubisse habido muortos... (ou simpresmente tamien: feridos ou bítimas...)” ?
Mesmo que todo parecisse berdade (I era esse l objetibo, nun era, Zé Almendra ?), l que resta ye que nó, depuis dessa simulaçon, nun habie feliçmente muortos (Cun ou sien botas)... ! Ou sou you que m’anganho ? Spero bien que nó !

Que stórias !

Buonas tardes,

L que sei ye que nun cunheço ningua "ounibersidade de stória" mas si Faculdades de Stória que hai feliçmente para las pessonas se anstruíren an muitas Ounibersidades.

Cumprimentos tamien.

Ana Maria

Buonas nuites Zé Chico,

Siempre gustei muitos destes Santos de berano, Santo Antonho, San Juan i San Pedro. L centro éran las fogueiras, cumo dizes, mas pa ls garoticos habie muitos mais. Fazimos bandeiras cun papeles que colábamos an guitas (cun farina amassada) que atrabessában las rues dun lado pa l outro, i faziemos cascatas cun yerbas i cousas assi. Las fogueiras i las cantigas de las fogueiras era l mais antressante.
Atençon, Jesé, la yerba que apersentas cumo sendo de San Juan cuido que ye ua culidade de canhafrecha, que ls sanjuanes nun dan frol amarielha, mas branca. Son aparecidas, ye berdade, mas mira a ber, que puodo star anganhado. Mira a ber se achas ls berdadeiros sanjuanes i ls marrolhos que ténen un cheiro fuorte i son mágicos nas fogueiras.
Cuido que las fogueiras debien de cuntinar, nien que fura na praça, para todo mundo. Se you stubira ende, cumno gustarie de ajudar! Assi... bou screbindo, mandando un abraço i lendo l HOIJE.
Amadeu

Buonas nuites,

Faziste bien an eimendar Zé Chico. Solo puode ir para sábio quien ye houmilde i nun cuida que sabe todo.
L caso de «escola», an pertués, até ye un eisemplo buono para dar an mirandés:
- ne l mirandés central i raiano dízen SCOLA;
- an sendinés dezimos SCULA;
- mas seguindo la Cumbençon debemos dezir SCUOLA, i ende l sendinés nun anganha i amostra que la palabra ten un ditongo creciente, l que ten ua rezon científica que eiqui nun ben al caso.
Cumo tu tenes benido a amostrar, Zé Chico, la 1ª Adenda yá premite que ls sendineses scríban de modo defrente. Anton, a las bezes fala-se talbeç mais por nun saber ou anton por eignorança ou sei alhá porquei.
Inda bien que todos podemos screbir de l mesmo modo i falar cada un a la sue moda. Para cada cousa puode haber mais que ua palabra i esso ye riqueza. Bou a dar un eisemplo:
- quando ua tierra acabou de ser segada ou de se le tirar l fruito i nun se quier que las béstias ou ganados éntren alhá, fazien-se uns muntonicos cun ua piedra anriba, ou ponien-se spantalhos, ou cruzes de palha, ou fazie-se un suco alredror i diç-se, cunsante l sítios, que essa tierra stá: chinada, guardada, spantalhada, assucada ou anxidada.
Cinco palabras defrentes para poder dezir la mesma cousa!!! Até parece que somos mais lhibres... i somos.

Un abraço
Amadeu

Gustei de ber l san Joan. Un abraço para todos.

Pedro

“Ye berdade que todo l paiç bai a ganhar muito cun las obras i na nuossa region nun quédan ls ganhos, mas hai que lutar por eilhes.” Diç hoije Zé Almendra...

Mas l que ye que fazírun las pessonas dessas tierras de Miranda zde que fúrun custruídas las barraiges ? Nun lutórun para que ls ganhos serbíssen tamien i mais inda até para zambuolber essas nuossas tierras ?

You sou ua que nun acradita que nun téngan lutado...

I l que bamos a fazer anton ? Cuntinar a lutar nós tamien ?

Mas para quei ?

Para cuntinarmos cun la eiluson que bamos quedando cun alguas forfalhas i restos de pan duro ne l fundo de la fardela que mos ban deixando mesmo assi pessonas bien mais antresseiras talbeç por tener un pouco pena de nós, nós gientes dessas arribas tan ancantadoras ?

Cuntinemos a lutar anton !

“...i cumo faç l hoije.” ...

Até le podemos desear que faga melhor a “ quien ampece a fazer algo eigual, dando las nuobas de la sue tierra, an mirandés...”, anton nun ye berdade, Zé Almendra ?

Qual l problema an sermos tamien capazes de ancentibar outros a querer ser até inda mais buonos que nós? I inda bien que ye mesmo assi que las cousas se pássan muitas bezes senó algua beç l mundo serie capaç de abançar “cumo bola quelorida nas manos dua criança “ ?

Que cuntine assi i todo la sue anspiraçon.

“Para tener fuorças para cuntinar...” tamien ajuda, ye bien berdade, que aqueilho que un faç seia por acaso recunhecido cumo debe de ser. I eibidentemente de maneira amparcial. L que nien toda la giente ye capaç de fazer. Ye todo ua queston de formaçon.

Ls sous artigos, Zé Almendra, puoden nun ser mui grandes mas cumo nun scapa a naide, mais bal pouco i buono que muito i feito a la priessa. Berdades bielhas cumo l Mundo ! I l Mundo bai andando...

Buonas nuites Zé Chico,

Nun sei adonde stá la cumplicaçon.
Pecina tanto ye sendinés cumo mirandés. Nunca oubi dezir piscina an lhado nanhun. You arreparei cumo screbiste, mas nun beio qual ye l porblema. Acho que nun ben mal al mirandés nin al sendinés por se screbir ua palabra de dues maneiras defrentes. An pertués stá a acuntecer todos ls dies.
Tu screbirás na lhéngua que quejires, que sós lhibre, mas nun antendi qual ye l porblema an relaçon a la lhéngua i gustaba de antender.

Abraço,
Amadeu

Biba,
you ambiei ua mensaige al prosor Almendra sobre la Pecina pus ye la mie rue,
i lembra-me bien de quando inda nun tenie alcatron i you cagaba ls çapatos al ir pa la scuola.
Apuis aprobeitei e deixei l recadico de la palabra Pecina, tamien porque "piscina" pareciu-me logo mui fidalgo.

Agora esso de l Mirandés i de l Sendinés you yá quedo calhado. Cumo dixe al prosor Almendra l pouco que sei ye de l que oubia, de l que oubo i de l que bou lendo. Mas que a las bezes nun sei porque ye que alguas palabras se scriben assi.
L mais cierto ye que seia mi eignorança.
Mas peç-me stranho palabras cumo "Roudra", "Nubres"(esso nin sei se ten a ber cul Sendinés/Mirandés).

Mas por sou lado antendo(nun tengo nada contra) usar l "on"(quando ye purnunciado "ão") puls Sendineses ne l fin de las palabras.

La cousa de l "u"/"uo" yá que ye mais cumplicada. Screbo "Fuonte" an beç de "funte" porquei? You tengo que saber que ne l resto de l cunceilho dizen l "uo"?

Mas pronto, esso sou you. Nin sei se las preguntas son las cierta. L mais cierto ye ser falta de prática.

Mas ua cousa ye cierta, l Mirandés ó/i Sendinés ten que ser purtegido, usado, abusado(ne l bun santido) i dibulgado. I als que fazen esso solo hai que les dar ua upa i agradece-les.

Mas se ye para çcutir l Mirandés/Sendinés nun beio porque nun se cria un nuobo tema.

(Nun sei que me fiç antender mas la Cunberçon acho que foi un passo anportante pal Mirandés porque se nó nin staba agora a screbir. Se cuncordo cun tos ls puontos i birgulas, nó. Mas peç que nun hai berdades unibersales, nun ye berdade?)

Stou a tratar de la traduçon de l Photoblog todo pal Mirandés, de toda i qualquer palabra que alhá aparece. Esto ye, bai alhá aparecer cumo ua burdadeira l(h)éngua. Quien quesir butar-me ua mano(al menos para ua rebison) diga(yá bedes que l miu Mirandés nun ye purfeito).

Cecílio
Yá screbi muito mas solo ua cousa; porque ye que "figo" nun se scribe "fiho"? Assi anté un Pertués antendi i lhembraba-se que l "g" ye mudo.

Buonas nuites, Cecílio

Cuido que tenemos que çcutir muito mais i ende dou-te toda la rezon. Nada desto de la lhéngua son berdades abselutas, todo puode ser çcutido, pus la Cumbençon fui un antendimiento a que se chegou. Nun quier dezir que seia defenitibo, mas debe baler anquanto nun tubirmos outro.
Ne l curso de mirandés que you dei aqui ne l SAL, i que stá çponible, l mais dessas preguntas yá fúrun respundidas i muitas splicaçones fúrun dadas. Ye ir a ler i na fin puode-se cuncordar ou nó. Por mi stou çpuosto a splicar outra beç. Atençon que nun fui you que fiç la Cumbençon, nin cuncordo cun todo; lhuitei pula 1ª Adenda pa l sendinés; assi i todo cuido que hai que la respeitar senó naide se antende.

Questiones que pones:
RUODRA (i nó roudra) » siempre assi se dixo; tal cumo tamien ls deribados: rodrado, roda-ruodras, etc; mas esse ye un caso an que nun beio porblema an que se use tamien la forma ruoda;
NUBRE (nuvem) » solo hai essa forma an mirandés; ls deribados son nubrada, anubrado, nubrina, nubrineiro, snubrinar, etc.
Quanto a la question de l ditongo U/UO yá dei essa splicaçon ne l curso i formas simples para çtinguir quando ye ua i outra; l mesmo bal para FIGO / FIHO i outras palabras que an sendinés ténen sonido defrente.

Hai pessonas que cuidan que ténen las palabras mirandesas i sendinesas todas na cabeça i esso nun se passa cun naide. Hai que tener algue houmildade i querer daprender, porque l mirandés tamien hai que lo studar cumo l pertués ou outra lhéngua.

Nun hai Cumbençones de scrita pacíficas. Bonda ber la lhuita que stá a ser cul pertués agora mesmo, i scribe-se hai cientos de anhos. L mirandés nun ye defrente, mas tenemos que tener un antendimiento i ir todos pa l mesmo lado senó stamos a arrecular.

Acho bien que se abra un spácio nuobo para debater estas cousas.
Se alguien l quejir ourganizar stou çpuosto an agosto a dar un curso subre estas cousas, nó para cumbencir a naide, mas para poner las bases para poder çcutir i abançar, senó stamos siempre a ampeçar i nun salimos de la superficialidade. Puode ser un fin de semana ou un sábado. Que haba quien ourganize i que las pessonas aparéçan.

Sabes bien Cecílio que sou ua de las pessonas que siempre te anima a screbir, inda que la tue scrita nun seia purfeita. Mas cuido que ye amportante dar erros i scebir sin miedo de dar erros. Naide ten l dreito de apuntar ls erros als outros a nun ser que estes pídan ajuda nesses sentido. La léngua ye un strumiento de quemunicaçon i esso ye l eissencial i por ende se debe de ampeçar.

Cunta cumigo, zde hoije i siempre para te ajudar a poner l Photoblog todo an mirandés. Será un gusto para mi. Bonda que me mandes ls testo para amadeujf@gmail.com ou cumo achares melhor.

Un abraço,
Amadeu

Nin sei por adonde anpeçar a respunder.
Peç que agora you sou l mal de la fita :-(.
Se arreparar you dixe que si senhor, que le dou balor a la cumbençon i la respeito.

Esso de ls eisemplos de las palabras que me parecien stranhas cumo dixe l mais cierto era por ser la mie eignorancia.
Nin debie falar nesses eisemplos mas yá que falei:
Nun me lembra de oubir "Nubre" mas si "Nube"."Nubrado" yá ye muito familiar! "ruodra" tamien nun me sona bien. Peç-me que siempre oubi solo "rouda" i "rodado"(anton nun anpeça tamien por "rou"?"roudado"?).

Subre la palabra FIGO / FIHO solo passei ls uolhos por la cumbençon i li que l "G" debie que quedar porque se salisse se puodi cunfundir "trigo" con "trio".
Mas se an beç de "g" se stubisse "h" assi yá nun habie cunfuson. Esto até pensei que solo fuosse eideia mie(mas solo cumo un legeiro reparo, quedaba melhor acho you)!

Anton l que falei para atrás nun ten nada a ber cun l purblema de l Sendinés.
A mie yá me parecie que nó(i you dixe-lo)!

Agora sobre l Sendinés Sendinés mesmo solo deixei l reparo de l "UO/U". La sue resposta diç que si se puode çtinguir. Mas an la fala de l Sendinés nun hai çtinçon, ó si?(you pregunto sin mal[era buono ser possible puner uns caramonos para fazer antender cun que ton se dizen las cousas]).

Subre apuntar ls erros als outros you tamien acho mal i yá acho que quedou claro nua resposta algures pul Blog. You solo dixe aquel erro al prosor por buona buntade.

Buono, ou seia, you cuncordo con todo l que l senhor dixe! :-)
You bou a screbir siempre que puoda an Mirandés nin que deia erros. Algun siempre scapa :-), mas cumo inda nun tube ua aula i eiqui se scribe a currer acho que nun stá mui mal.

Para acabar subre un curso de Mirandés ne l Berano you acho mui bien. Ua eideia era fazer un "Crash course", un curso de Mirandés an que se ansenhasse l básico de l Mirandés an un ó dous dies, nun sfergante (tamien nunca oubi esta palabra, solo la aprendi ne l Blog Cumo quien bai de Camino, Oubrigado :-) );tamien pa ls Mirandeses mas mais para outras pessonas que ganhassen gusto. Era ber cumo se puode fazer(mas debie ser ua cousa grande i yá stá mui acerca de l berano).

Apuis yá le mando un mail. Yá me tenie lembrado de l senhor para fazer ua rebison. Mas acho que ye muita cousa, bien mais de duzentas frases/palabras.
Cecílio

Buonas.
Stou mui cuntento.

Yá stá çponible l Mirandés ne l Photoblog. Alhi al lado de l Pertués, Anglés, de eigual para eigual.
Tamien eiqui tengo que dezir oubrigado als admenistradores de l Photoblog, specialmiente mikezupan que cuncordou cun l que you lhe pedi i metiu alhá la lhéngua para se traduzir.

Oubrigado tamien al gran home(tamien de l Mirandés), a Amadeu Ferreira pula sue gran upa que dou. You anseri tos las palabricas mas cuido que el correjiu quaçque todo, que you inda dou (muito) erros :-).

Puis pronto muita pessona pul mundo agora sabe i bai saber inda mais que l Mirandés eisiste. I puode usar-lo.

Bamos a pegar agora al Google? :-)

Haaa eiqui puodeis ber : http://www.photoblog.com/Sendim/2008/07/22/mirands-pa-l-mundo.html

Cecílio.

Buonas nuites,

You tamien stou mui cuntento Cecílio. Ls parabienes son todos para ti, que tubiste l'eideia i faziste l trabalho mais amportante. You solo corregi. Buono, mas esso nun amporta, l amportante ye que stá feito, stá bien feito, i esso ye ua áfrica mui grande pa l mirandés. Quiero dezir-te que te acumpanho por outros sítios por adonde quergas i puodas ir.
Bamos anton al Google? Quedo a spera. Bá ambora :-)
Amadeu

Bengo eiqui hoije, por bias del HOIJE de onte.

Bi alhá scrito "Ria de las Fountes".

Buno conheço esse rieiro cuma la palma de la mi mano, i la sue maiori yá le palmelhei quier a salada quier a saltar pardones quir a ir a regar, qier a segui-lo en atalhos cientos de bezes, nun debe haber leira a la borda del rieiro que you nun saba quien ye l dounho, hoije la sue maiori cheno de silbas.
Ye un rieiro curto nace na capielha i bota l´auga pala ribeira de las lagas por baixo del molino del padre Alfredo.

Mas na lígua materna siempre diche esse nome muitas bezes.

I eiqui fica l desafio pal porsor Amadeu e pal porsor Almendra.

En portués nun tengo dubedas ye "Ribeiro das Fontes".

En mirandés i tols pali tenen hoije, i pudi falar a quien oubi que nun bale la pela eiqui agora dizen:

Rielas Fountes,

Nunca oubi Rieiro de las Fountes, i muito menos Ribeira(até porque ye un riero-cousa mais pequeinha) de las Fountes, nien Ria como l porso Almendra screbiu.
Agora como muito se descute poude haber un nome uniforme de screbir, i en nome de la ounidade.

Mas par mi será siempre Rielas Fountes.

Agora la palbra "Rielas" nun sei como bino parqui a parar, para mi fui para sunir cun fountes, mas esso deixo pals antendidos.

Un abraço.

José Carção Angélico

Nota-se quando un sítio mos suda por baixo la piel. Ye l caso de Rieilasfuontes para Zé. Ende bai l que you screbi na mie tese subre esse sítio

RIEIRO/RIEI: Rieiro de l Alxofre, Rieiro de l’Abelheira, Rieiro de la Fragosa, Rieiro de Recobeilho, Rieiro de Nuossa Senhora, Riei las Fuontes, Rieixalina,

L sendinés rieiro ye l mirandés rigueiro cun caída de l ‘g’ que se sigue al ‘i’, cumo siempre acuntece an sendinés. La palabra rieiro reduç-se muita beç a riei, caindo la sílaba final átona –ro, nes casos an que tamien cai la perposiçon de: Riei las Fuontes, que muita beç sona Rilasfuontes (Rieiro de las Fuontes); Rieixalina, que muita beç sona Reixalina ou Rixalina (Rieiro de la Xalina). Ye un caso que inda nun bimos an outros lhados. Estes seran, possiblemente, chamadeiros mui antigos.
Corominas/Pascual cunsídran que l castelhano riego, ‘suco’, i sous deribados teneran ourige ne l pré-romano recu-, ‘pequeinho curso d’auga, talbeç anfluenciado pul céltico rica, ‘suco’, i pul lhatin rigare (DCECH, regar). Segundo Garcia Arias (ARIAS, X. L. G.(2000)150-151) cunsidra que riegu ‘suco’ i l asturiano riega aperséntan un ditongo que nun puode ser splicado por rica, mas solo por un étimo cun ‘e’ tónico brebe, talbeç recu i reca, mas cuida que seran talbeç partecípios fuortes de l lhatin rigare, cun ditongo antieitimológico que se acha ne l berbo regar. Mas ls porblemas albantados por Garcia Arias nun se pónen pa l mirandés adonde nun hai aqueilha ditungacion i, subretodo, porque la palabra ‘rego’ nun ye ousada an mirandés, mas solo ls cumpuostos, cumo rigueiro. L mesmo outor apersenta ls seguintes chamadeiros cumpuostos an Astúrias: La Reguera, A Regueira, Les Regueres, La Regueirina, El Regueiru, El Regueirón, La Reguerona, El Regueirín, El Regueiral.
Álvarez Maurín (ÁLVAREZ MAURÍN, M. P.(1994)207) apesenta cumo chamadeiros decumentados an decumientos mediabales lhioneses: recaria (1013) regera, reigera, rekera, reguera. Ber tamien Morala Rodriguez (RODRIGUEZ, J. R. M.(1989)195-6).
Nas matrizes de l seclo XIX aparece l chamadeiro Ribeiro do Arteiro, que hoije nun ye ousado.
Rieiro de la Fragosa (la)
Nace na Marrielha i bai a tener al riu na Fragosa.
Rieiro de Recobeilho (l)
Nace na parte nacieste de l Cabeço de la Marielha i bai a tener al ancho de Recobeilho.
Riei las Fuontes
L nome, segundo miu pai quier dezir: rigueiro que ben de las Fuontes. Todo esso porque alhi zbiórun l’auga de la ribeira de las Uolgas pa la ribeira de ls Molinos. Abrírun un buraco de meio metro nua peinha i zbiórun la ribeira que era para dar auga pa ls molinos. Essa peinha quedaba a la punta de baixo de l Bergel onde s’ancontra l camino que ben de l Cascalho i l camino que ben de l Bergel. Agora yá nun se bei nada desso.
Rieixalina
Queda antes de l Prado. Nace alhá un rigueiro que bai a tener a la Presa. La tierra por adonde passa l rigueiro nun se chama la xalina.

Un grande Abraço
Carlos Ferreira

Bengo tamin a dar ls parabienes a cecilio i a amadeu por mais un passo ne l mirandes. Se l photoblog ya se puode ber an mirandes, outros sitios se seguiran, un deles puode mui bien ser l SAL....

Un abraço a todos i parabienes

Buno, Carlos oubrigado pula tue splicacon sobre Riei las Fountes, que me parece cierta. Assi como como l nome del rieiro, tamien me parece cierto.
Se reparares bien inda hai marcas de l´auga ser zbiada, inda stá ou staba até nun hai muito tiempo la troça de l´aquedute no sítio que falas, l´agua ampoçaba por riba de la binha por la parte de baixo de le camino criaba-se alhi ua lagona, i alhá seguirie por la cortina que stá por baixo de la binha, que se repares hai ua spece de rieiro pol meio, por onde tenie que correr l´auga, que inda hoije apanha la maior parte de l´auga que ben de parte del camino del Cascalho.

Mas you l nome Riei de las Fountes ligaba-lo a outra cousa, l rieiro ten quedas que fazem poças(funticas) onde hai auga até alantre.
No nousso hai ua fuente nua penha que fara parende un cântaro d´auga, siempre que alhá chego mondola, apuis steia onde stubir só bebo l´auga deilha, hai poços i outras fountes en tierra, mas l´auga daqueilha peinha parece que me tira la fame, i ye frie como l gelo mas como you gusto d´auga frie no inbierno, todo queda bien.
You ligaba l nome a essas fonticas, i até la tue splicaion siempre pensei que era por esso que le chamabán l Rieiro de las Fountes.
Hai alha un poço no rieiro que bota para foura todo l´anho, agora que naide rega, mas quando se regaba, regaban dalhá ua fartura deilhes qautro ou cinco patacones cada un, i nun erán capaç de le acabar l´auga.
Mais me fazie lembrar que era por esso que se le chamaba el rieiro de las Fountes.

Sobre todas estas memórias mais habie que screbir nas stórias de la noussa tierra mas queda para quando houbir mais bagar.

Cumprimentos para tols sendineses.

Baliente Hoije que an riba de nos dezir l que se bai passando an Sendin tamien amostra cousas que merecen ser bistas.
Agora çculpai mas you nun sei onde ye. Onde queda? Quien ye l duonho de la sposiçon? Cheira-me que nun ye defícele adebinar mas puode saber-se (cunfirmar) quien ye l baliente duonho de to esso?

Yá agora aporbeito para preguntar eiqui ua cousa que puode parecer menudéncia MAS,
cumo se puode tener acesso al pabilhon çportibo de la scuola EB 2+3?
L pabilhon nun ye tamien para todo l mundo?

I you ua beç yá dixe que fazie falta un campo de ténis, pus bien yá l hai agora, MAS la riede nun stá alhá. Adonde se puode pedir la riede?

Pregunto eiqui que ye aposque l melhor lugar para preguntar (alguien puode respunder debrebe), yá que miu armano yá ua beç fui a la Junta i nun le soubíran respunder.

You cuido que ua cousa a fazer era poner çponible las chabes i la riede (nestes casos, que outras cousas haberá para outros Sendineses que percisan) i ua pessona puoda ir siempre a la Junta lebantar, deixando un decumento.

Puode parecer que solo sei pedir :-); mas quaijeque ye cierto que haia mais pessonas que les gustaba esto que you dixe.

Un abraço,
Cecílio

ps: Oubrigado porsor Almendra que you ampeçei a screbir por bias de l Hoije i sin querer quaijeque nun le dezie oubrigado (i tamien pul spólio que cuido que ten, ó se me anganhei pul spólio que amostrou).

Mais uma vez, se vai mostrando ao mundo que Sendim é grande. Quero deixar os meus parabéns a cooperativa por estes dois prémios. Tal como uma casa é com pequenas pedras que começamos a fazer os alicerces de uma “obras grande.
Um bem haja a todos

Parabienes a la Dega i a la direçon pul que ten feito.
You siempre achei que nun era solo fazer bino mas si tamien publicita-lo
i saber bende-lo.
Stá a la bista que se stá a seguir esse camino i tamien se oumenta la qualidade de las anfrastruturas de la Dega. You stube alhá à algus dies(a ber apuis se pongo retratos) i l persidente dixe-me ua buona berdade...nun se puode falar mal de la Dega se nun se conhecer.
Inda porriba ye ua cousa de todos.

Cumprimientos,
Cecílio

Ne l Tomba ladeiras de 2005 tirorun este retrato:

Tiu almendra, teneis q ir alha a ber q esta si me parece ua careta bien guapa...

Buonas tardes, Zé Chico,

A la falta de melhor sítio, eiqui queda un abraço de parabienes pulas medalhas de ls binos, parabienes para todo mundo que derige i trabalha na Copratiba.
You nun fiç nada para que essas medalhas fússen ganhas, mas inda bien que cada un trabalha ne l sou ramo i hai giente que merece l galardon por trabalhar cun culidade ne l que faç.
Mas se you nada fiç pulas medalhas até agora, puodo cuntinar a fazer l que tengo feito, i esso tamien ye mui amportante: ir cumprando uas caixas de ls binos premiados. I agora até bou a cumprar mais para ouferecer als mius amigos, pus eilhes tamien ténen dreito a cousas buonas.

Bá, un abraço i buona bendímia que ende ben, talbeç ampeço de outras medalhas para deiqui a uns anhos.
Amadeu Ferreira

Desde já os meus parabéns aos dirigentes e trabalhadores da cooperativa pela elaboração do vinho premiado.

A propósito de vinho da Cooperativa de Sendim, aqui há dias tive necessidade de jantar em Vila Nova de Gaia, num restaurante sito na Marginal do Rio Douro, do qual não sei precisar o nome, mas julgo chamar-se “IMAR”.

Para acompanhar a refeição pedi vinho da casa, quando para minha surpresa o vinho da casa ali servido era produzido em Sendim, e tinha o rótulo Mirandum.

Independentemente da qualidade do vinho, a satisfação por mim sentida, ao ver ali no mercado um produto da terra onde estão as minhas raízes, é enorme.
Assim, faço votos que se produza cada vez mais e melhor e que os produtos tenham boa aceitação no mercado.

A mi siempre me pareciu que la pinga tenie de ser bouna, porque la matéria-prima ye del melhor que hai. Las medalhas de reconhecimento agora probán.

Yá uns anhos que la cooperatiba bén a fazer melhores produtos, i assi stará na delantreira, porque l sector alterou-se mais nos últimos diz anhos qe nos anteriores cien, como quaijeque todo.
Oxalá que las cousas continuem a correr bien, para bien de la tierra de la region e de las pessonas que por alhá andan.

JMCA

Buonas nuites,

Todo l miu apoio a que la nuoba rue se chame Rue de ls Alhales, cumo Zé Chico diç ne l HOIJE de onte.
Subre esso deixo eiqui la seuinte nota:

Rue de ls Alhales
Ls Alhales [an pertués Alhais], son un chamadeiro de Sendin que queda mais ou menos delantre de las Eiras de Cemaque ou, dezido doutra maneira, a la mano dreita de Camino las Binhas, ne l sítio a seguir a la redadeira casa. L sentido de la palabra, parece-me simples: sítio adonde éran puostos muitos alhos, yá que l sufixo –al andica abundança [alho+al]. Tamien este chamadeiro starie ligado a la curtimienta de pieles, yá que ls alhos éran ousados pa le dar lustro a las pieles quando se çurrában. A ser assi, cuido que Ls Alhales, anquanto chamadeiro, ténen a ber cula stória de Sendin i ténen un claro sentido cultural, a la par de outros ligados a la mesma atebidade, cumo Eiras de l Cemaque, Pelames, Tenerie, Tafona i Forcaleiro. Será un chamadeiro que, possiblemente, yá benirá al menos de l seclo XV ou XVI yá que dessa altura será aqueilha atebidade.

Amadeu Ferreira

Buonas nuites outra beç,

Oubrigado pulas tues palabras Zé Chico. Mas l sou a sou duonho: l que screbi subre la rue de ls Alhales saquei-lo de la Tese de Mestrado de miu armano Carlos, que tamien yá uns tiempos me habie falado nesso de la rue de ls Alhales, quando stube ende nas férias i até falemos que miu pai ende amanhou muita beç ua tierra que deziemos que era de Nuosso Senhor. Portanto cumo ye eideia mie, tamien nun puodo aparecer cumo pai. Quando muito padrino, mas padrinos podemos ser todos.

Un abraço,
Amadeu

Buonas,
Yá que stamos numa de chamadeiros, a ber se me sabeis explicar donde ben l nome "cabecico de la puta"?
A ber l que diç la tese...
Abraço

Apesar de tener tentado ser mui isaustibo, ye possible que algun chamadeiro de Sendin falte na mie tese. Solo pido a Zé Chico i outros, que me los dígan, porque un studo nunca stá acabado. Quanto al Cabeço vs. Cabecico de la Puta, esse stá alhá i diç l seguinte:

PUTA: Cabecico de la Puta, Peinha de la Puta

L’ourige de ‘puta’ ye ancierta, mas Corominas-Pascual abança cul lhatin bulgar puttus, a, um, bariante de putus, ‘menino’, yá decumentado ne l seclo XIII. Mas diç que tamien ye aceitable putidus, ‘feio, hourrible’ (DCECH). An Sendin hai ua nomeada ‘putanheiro’. Tamien tenemos que cunsidrar l lhatin puteum, ‘poço’.
L Cabecico de la pu*a queda antre ls Atomiados i la Bóbeda. La referénça a la palabra ‘puta’ yá aparece noutro topónimo (vd. Peinha de la Puta). Tamien debe notar-se que ye un de ls poucos topónimos sendineses an que aparece l deminutibo “cabecico” que possiblemente nun tenerie possibelidade de dar ourige a un topónimo se nun fusse la palabra “puta”. Esta palabra parece ser, anton, l eilemiento mais amportante. Ye possible que l terreno fura dua mulhier habida cumo puta, ou que alhi fusse hábito achar algue mulhier que andasse de tierra an tierra, ber (GODINHO, P.(2001)55). Cumo alhi stá referenciado l poboado de Trambas Carreiras, tanto podemos cunsidrar que se tratarie dua mulhier mundana, cumo de puteum ‘poço’. Na berdade hai junto al Cabecico de la pu*a poços mui antigos que debien custituir l abastecimiento d’auga al lhugar de Trambas Carreiras i Atomiados.
La Peinha de la pu*a queda na Bodega (vd.). Talbeç ne l tiempo an que se comie l folar na Bodega debisse haber por essa peinha algues situaçones que lhebórun al nome. Nun sei porquei, mas acerca desse sítio inda hoije essas situaçones se manténen.
Nun ancuntremos outros chamadeiros cun esse nome.
Abraço
Carlos Ferreira

Biba Carlos Ferreira !

Todos ls mius parabienes pulas splicaçones que fui capaç de ir a saber i de poner por scrito a perpósito desse « Cabecico de la pu*a » . Quien se habie de lhembrar dessa eitimologie tan cumpleta i einesperada ?!

« Puttus, a, um” bariante de putus, ‘menino’!!! Mas tamien: “putidus” ‘feio, hourrible’ sien squecer la numeada “puntanheiro” que tamien eisiste por acaso an Sendim !! Sien squecer l lhatin puteum ‘poço’!!

Abençonado seia esse tiu Corominas-Pascual (ou esses dous tius ? Hei-de preguntar tamien a colegas mius porsores de spanhol) capaç/capazes de dar un strondo i de atirar para las urtigas ou un monton de stierco mal cheiroso mais dun precunceito… esses precunceitos que inda ándan por ende cheirando a mofo i a podridon ! Precunceitos doutros tiempos !
Inda hai-de benir l tiempo an que uns, i uas subretodo, han de reclamar que justiça seia feita.
Se hai i debe de cuntinar a eisistir an 2008 (zde l seclo XIII pul menos anton ! Resísten seclos ls precunceitos nesse país que ye Pertual !) nessa nuossa mui recomendable i mui einobadora bila de Sendin un « Cabecico de la pu*a », alhi para ls lhados de la Bóbeda, poderá i deberá tamien haber un die (Hai que cuntar cun esso, cula eiboluçon de las mentalidades que cunhecemos feliçmente ne ls dies de hoije !) quien eisija, i mais depriessa que parece, que seian dados, ne l mesmo registo i sien que haba discriminaçon algua, nuobos chamadeiros cumo este que me passou pula cabeça:
« Cabeço ou até Rue, praça ou mesmo Caleja, por eisemplo… de l HOME QUE TENIE UA CABECICA (ou outra cousa !!) TAN PEQUEINHA CUMO LA CABEÇA DUN ALHO… PODRE INDA PORRIBA! »
Basta solo un pouco de eimaginaçon … i inda podemos ir bien mais loinge, se podemos !
Mas serei, francamente, dua discriçon i dua correçon total! Tal i qual cumo mius pais que, diga-se de passaige, tamien ténen alhi para ls lhados de la Bóbeda ua binha até bien guapa, e que, tengo you la pruoba, son eilhes, mius pais, por acaso, dua correçon eisemplar yá que na mie frente ou na de la mie armana nunca ls oubimos prenunciar esse nome tan fidalgo i respeitoso de « Cabecico de la pu*a » !! A alguns pul cuntrairo i puls bistos, nun parece que esso le custe absolutamente nada cumo se fura ua cousa cumpletamente banal i subretodo normal ! Talbeç por, antre outras razones, neste site por eisemplo, stáren de tal maneira presentes i prontas siempre para se sprimíren para dáren tamien la oupenion deilhas muitas mulhieres, pul menos tan numerosas cumo ls homes que aqui se sprímen, seian eilhas sendinesas ou de outras tierras… La oupenion deilhas que ye, esso naide l puode negar normalmente hoije, mais que útele i andispensable nesta era que ye la nuossa mas que yá nun ye, a nun ser que inda nun mos téngamos apercebido desso, la de l seclo XIII !!!
Mas tornando als mius pais… Discriçon total i buona eiducaçon de la parte deilhes, sien dúbeda ningua ! Mas que naide s’anganhe ! Miu pai, por eisemplo, ye cunhecé-lo mui mal ou andar cheno de eilusones se pensarmos que nun ye capaç de respunder i de dar mais dun raspanete desses bien graúdos a mais dun, até al diabo se fur neçairo!, se por acaso se dir de cunta que un familiar sou (las filhas por eisemplo !) ou ua pessona amiga ye bítima de calúmnia, oufendida ou nun respeitada.
Digo todo esto porque nien siempre chego a la cuncluson quando bengo aqui a ler que todos cunhéçan bien a mius pais por eisemplo… I digo bien, por eisemplo !...cumo todo lhieba a crer que tampouco me cunhécen a mi !
Mas quedo-me aqui por hoije.

Çulpai-me, mas nun antendi nada de l ultimo comentairo...

A Pedro, nun bés que quier fiesta...
A ber se la metan de mardoma pa l'anho.
Yá cunseguiu ambinagrar mais un tema.
Pelos bistos yá fui a dar queixas a l "papá", a estes na scuola chamabam-se "queichinhas" ou "acusa cristos".

An relação al chamadeiro, dou gracias a Carlos pu las sues palabras, you sabie qu' el sabie...
Bamos a outro que tamin l cunheço bien, "la derraiada".
Abraço

Ah la Derreiada. Sítio pimpon i que a mi tamien me diç muito. Mie mai tenie alhá uas leiras que regabamos de la ribeira. Aporbeitabamos l zníble de la ribeira i guiabamos l'auga até las leiras. Era huorta de cedo. Apuis mais para tarde yá nun habie auga i bulbie-se todo an berdadeiro fuogo. Apuis mie mai fizo ua troca de las leiras cun miu tio Moreno i el quedou cun todas. Era sítio mui cansado i de muitos miedos.

DERREIADA: La Derreiada

De l lhatin radix, icis, raiç, d’adonde deribórun arraigar, botar raiç (ARIAS, X. L. G.(2000) 209), refire ‘la Reigada’, anraizada i derraigar, arrincar la raiç. Este último aparecerie yá na 1ª Cr. Gral., 185 a 49 (DCECH, raíz). Assi, l chamadeiro serie tierra derreiada (lhembra-se que nestes casos l ‘g’ cai ne l dialeto sendinés, rezon porque la palabra será derreigada), tierra adonde fui todo arrincado pula raiç. Poderá referir-se tanto a arbles cumo a custruçones. Anque esta última heipótese seia menos credible, eilha ye possible dado que an decomientos lhioneses se cuntraponien bienes mobles a bienes de raiç.
Segundo teçtemunhos ourales (Abílio Ferreira, 2000) este era l sítio de l termo adonde datrás habie mais cemaque, que fui puosto cumo ua berdadeira cultura pus las personas podában-lo para dar mais galhos i “ubas”. Assi essa tierra fui ‘derreiada’ para poner alhá cemaque possiblemente quando se zambolbiu la cultura de l cemaque pa la andústria de curtimienta de pieles. Las binhas que hai alhá agora solo tenerien sido puostas ne l percípio de l seclo XX. Esso puode lhebar a datar la ‘derreiada’ de l seclo XVI.
Dado que ls curtidores nun tenien, an general, tierra, tenerá sido ‘derreiada’ ua área de baldiu i que nessa altura serie adil cun mato andémico de scobas, xaras, nebros i carrasqueiras.
Que a ua área bastante lharga se tenga dado l nome de ‘Derreiada’ ye un andicador de las amportantes modeficaçones que trouxo l percípio de la curtimienta de pieles i tamien l’amportança que tenie, dado que l cemaque era cultibado por to l termo. Acabada la cultura de l cemaque ‘La Derreiada’ tornou a ser tierra d’adil i cun poucas binhas, bien defrente de sítios al redor (Mundin, Palanca, Redundal).
Álvarez Maurín (ÁLVAREZ MAURÍN, M. P.(1994)359) cita un decumiento lhionés de 946 adonde se diç ‘et deradicauimus inde petras fictas ex antiquitate de ipsos terminos’, fazendo l seguinte cumentairo: “Vocablo que pertenece ... al léxico de cuño medieval, formado por recomposición sobre un deverbal *radicare, o mejor, por analogia con el término de tradición clásica, eradicare ‘arrancar de raíz’, ‘destruir’. No aparece recogido en ningún diccionario de latín medieval y puede ser considerado el antecedente del antiguo derraigar.” La outora anclui l termo cumo referindo ‘lhemites’, l que nun parece ser l nuosso caso, anque la área de l nuosso chamadeiro steia ne l lhemite de l termo de Sendin cun Ruolos.
Ancuntremos ls chamadeiros: Derreigadas (Peredo-Macedo), Derreigada (Vinhais), Derregada (Vinhais), Lombeiro da Derreigada (Montesinho-Bergáncia), rua da Derreigada (na cidade de Bergáncia, ne l Bairro de las Touças, sendo l nome solo aprobado an 2000), Derruídas (Picuote), Derruidas (Matela), Casal Derrubado (Cércio).

Abraço
Carlos Ferreira

À Carlos, porque nun mos dás muitas mais splicaçones destas pa poner i anriquecer l turismo. Stou a falar de la rubrica de l turismo. You dezie que se poderie tirar dous ou tres retratos de ls chamadeiros i apuis bien decumentado poner l que ya studeste subre l sitio.

Deixo aqui la mie oupinion. Quando quejires abançar, diç. you ya sei que puodo cuntar ;)

Pedro

Biba!

Bálen ouro, cumo siempre, las splicaçones que Carlos ye capaç de ir a saber. Solo falta la traduçon, se nun m’anganho, de la frase lhatina que ele transcrebiu:
“et deradicauimus inde petras fictas ex antiquitate de ipsos terminos”.

Mas nun precisamos de ir a saber mui loinge. Pula cierta que mos-la bai a dar essa traduçon essa pessona que diç “que tamin l cunheço bien, "la derraiada"”… esse tal “Queixicas” que me cunhece tan mal!

Que saiba tamien, yá que inda nun l sabie, que you nun preciso que naide me meta de mardoma nien l’anho que ben ou outro qualquiera. Por ua rezon: nun sou adepta hai yá muitos anhos agora de ningua relegion cumo tampouco de ningua seita - i esso mesmo que you tenga aceitado un die de me casar pula eigreija, essa tal que hai an Sendin.
Nun ye l caso del? Acho bien, cada un ye lhibre!
Mas you, sou “Queixicas”, sou funcionaira dun Estado laico. Sabe l que esso quier dezir?
Por esso, solo cúnten cumigo para ir até las raízes de las cousas i regá-las bien regadas para que déian frutos i froles bien cheirosas capazes de matar la fame a mais dun.
Nun acha que ye l que hai mais neste mundo que uns cháman de Cristo: fame de todo ?… mas tamien ganáncia, hipocrisie, mentiras i calúnia de la parte de outros.
I depuis l que quier? Fiestas?
Spere bien por eilhas. Las mies preocupaçones son outras.

Mira mal falestes en Derreiada lougo se lembrou de la hourta de tiu Manuel Morreno de la Derreiada, lougo sacaba l freijones i alforraque i ls mimos de cedo, sien que you dalhá salirá mas oubi-lo falar um par de bezes neilha, medraban-le ls oulhos só de falar neilha.

Mas este studo de Carlos parece-me mi bouno. mas hai en Sendin por bezes sitíos en que nun área pequeinha para uns bezinos ye ua cousa para outros ye outra, i a mi siempre me fiç confuson, nesse studo ye stabelecido algue unidades de medida para ls chamadeiros?

Assi pergunto-le a Carlos se ten alhá l Spinal, i mira que l último que alha habi hoije dá maçanas i peras.
You no mesmo sítio poudo chamar a la pounta de riba Rosal i Spinal i Lagas, a la pounta de baixo Ouritas ou Carabilha a las bezes nien sei para onde bamos.

Beio tamien esta confuson de chamadeiros no Prado, uns chaman Touça outros Founte de las Pilas outros até Eiras, i indo a mais antigo hai oubi Chamar Piçaricas.

Pol contrário hai aréas mais grandes como Mundin i la Marilha i l Rincadeiro que me parecén ser ls chamadeiros cun mais área que me parecén ser unanimes para muita giente.

Bouna noite.

JMCA

Falando ainda da “Derraiada”:
Amadeu escreve “Derraiada” (tal como eu).
Carlos escreve Derreiada (e partindo daqui faz a sua investigação aprofundada no latim, etc e vai de encontro à tal Derreigada, caindo o “g” e por aí fora.
Ora não será mais fácil na palavra Derreiada fazer cair o “i” (até porque o sítio é acidentado e propício a quedas), e ficaria Derreada do Lat. disrenare, arrancar os rins - v. tr., fazer curvar as costas com peso, com pancada ou com dores; fazer descair os quadris; alquebrar; curvar por efeito da velhice; e estaria tudo dito, pois quem conhece o local, independente de terem plantado cemaque ou não, de terem arrancado tudo até à raiz, desde sempre que quem o subiu, fosse com azeitonas, com batatas ou com tumilhos às costas, chegaria la em cima ao “picão de l’águila” (junto à corriça de Chico) mais que derreado.
Abraço

Caríssimo Fracisco Mielito, tamien a la tue alcunha, tal cumo a la Derreiada, le caíu l 'g' (Miguelito), por esso inda sódes algo parientes.
Todos ls chamadeiros de que falas, stan tratados na mie tese. Ye berdade quanto a la queston de la bariaçon de l nome que se dá a un sítio i que baria de pessona para pessona. Muita gente até diç: nós a este sítio chamamos-le assi, mas nas finanças stá assado! Essa queston tratei-la subre l tema "Frunteira de l Chamadeiro". Ye quaise ampossible riscar ua frunteira eisata para cada chamadeiro. Quando falamos de la frunteira de cada chamadeiro somos tamien lebados a falar ne l centro. Será que eisiste siempre un centro? Hai casos an que esse centro stá bien defenhido (La Cruç de las Binhas) i noutros casos nó (La Carboneira). Por eisemplo l chamadeiro La Linha, ó La Strada, ten un centro móble, podemos chamar-le un chamadeiro filiforme...
Se un die quejires anteressar-te por essas cousas nun falta que leres.
Abraço
Carlos Ferreira

èi tu ALMENDRA DIUS bus pague i que bus deia muita salude i muita coraje para mus dar mais nuticias de sendin
un que bai a ber todus los dies
paixareiro un abraço bin arroxado

Prezado Sr. Almendra.
Não sei escrever em Mirandês, mas reconhecimento por um belo trabalho de dedicação e amor a terra aonde nascemos pode ser em qualquer língua. Novamente parabens por esse belo trabalho de informar as coisas importantes e o dia dia de um canto pequenino de Portugal mas importante para todos nós. PARABÉNS........................................... ENS

No dia 17 de Setembro de 1787 era assinada a Constituição dos Estados Unidos da América, passados 220 anos arrancava L Hoije na página de Sendim, nada acontece por acaso.

17 de Setembro - Dia da Compreensão Mundial - todos deveremos saber compreender e respeitar o próximo, mesmo que esse próximo esteja na França, Austrália, Canadá ou Estados Unidos.

17 de Setembro – Dia Nacional do Cego - e porque não há maior cego que aquele que não quer mesmo ver, seria bom que ao olharmos a primeira foto que o Professor Almendra colocou ontem, com vista aérea sobre a GRANDE Sendim, vêm edifícios que foram construídos e desenvolvidos com a ajuda, contribuição e empenho de um Sendinês de gema, que não deixa nada do que faz por mãos alheias, passo a citar:

- A nossa Antiga Casa do Povo

- A nossa Escola Primária

- O nosso Ciclo Preparatório

- A nossa Adega Cooperativa

- Os nossos Bombeiros Voluntários

- O nosso Grupo Desportivo de Sendim

- O nosso Lagar do Azeite

- O nosso Centro Cultural

Muito haveria a dizer do nosso Professor Almendra, que toda a gente sabe que aquilo que fez, faz e fará, será sempre por Sendim e pelos Sendineses.

Deverá ser visto pelos jovens Sendineses como um exemplo a seguir, pois com homens destes nunca ficaremos envergonhados em parte alguma do mundo.

Para terminar queria deixar aqui o meus mais sinceros PARABENS pelos 366 Houjes que nos trouxe e um grande bem-haja pela força, coragem e persistência que tem dia após dia.

Um dia Sendim há-de agradecer todo este trabalho.

Abraço

Falta inda assinalar este die comemoratibo cumo:
« L DIE DE L TRASPORTADOR RODOBIÁRIO DE CARGA ».

Anton habiemos tamien de squecer esta comemoraçon ?

Biba !

Fago mis tamien las palabras de Telmo,baliente rapaç Sendinês:)

Parabiens HOIJE i que muitos mais béngan, fuorça palantre!

Bien haija Porsor Almendra!

Já há algum tempo que não escrevo no Blog, apesar de deitar o olho quase todos os dias.

Parabens ao Hoije, não por ser filho do autor, mas sim porque os que estão fora vamos tomando consciência que Sendim não é só vindimas, azeite e arribas.

Um Parabéns que se se extende ao SAL, porque consegue unir à volta de "alguns" bytes de informação a comunidade Sendinesa.

O Hoije, La Jinela, o Blog, as Crónicas de Amadeu... Tudo serve para mostrar vitalidade... mas é pena que alguma desta vitalidade se fique pelo site www.sendim.net, e se perca entre tricas inúteis. E como diz Telmo, não inocentemente - e infelizmente correcto - hoje é o Dia Nacional do Cego, mas pior que o cego que não vê, é o cego que não quer ver, e o dia de hoje não é destes.

Um abraço, e até daqui a 365 dias!

Parabienes al porsor Almendra mais ua beç por to ls dies mos dar las nuobas de Sendin. Un grande abraço

Pedro

Tamien quiero deixar ls mius parabienes al Hoije.
L Hoije ye sin dúbeda un marco na stória de Sendin. Yá naide se mangina sin dar un passeio por Sendin i saber las amboras mesmo stando bien loinje de la tierra amada.
You siempre que telifono pa Sendin pregunto: "Anton nobidades?". La respuosta era "Solo ne l Cuntinente!". Mas agora yá tamien ye ne l Hoije i assi acumpanho l que se passa.

Por trás desso i muito mais trabalho i obra feita stá claro ua pessona.
A las bezes oubo creticar por esto ó aqueilho. Até an la antrega de la fiesta se
oubiu: "hai pessonas que nun gustan del!". Aich...
Mas solo se sabe creticar quien faç algo? Quien se mexe? Ye perciso fechar-se nun cabanhal calhado pa que nun se diga mal desto ó daqueilho?
Claro esso passa i la obra queda...i la rialidade ende stá pa quien la quejir ber.

Un abraço arrochado tamien pa to l mundo que faç de l SAL un lugar aculhedor(an special Jinela i Crónicas de Amadeu[i tamien lhengua.blogspot.com]) i que cuntine por muitos mais anhos,
Cecílio

Haa un abraço tamien de l mesmo tamanho pa l almanecha que pon todo esto a funceminar. Si aquel que se biste de mulhier bielha de preto. :-)

Ye ancansáble. Andou a demudar cumo aparece l Hoije mas yá tube que me oubir dezir-le que l Hoije aparece mei zinclinado ne l Firefox!
A ber se la passa anton.

Cecílio

Parabienes al Hoije, un anho yá ye algua cousa.
Carlos Ferreira

You nun sou sendinesa, mas yá stube an Sendin i aprendi a screbir ne l SAL. Leio l HOIJE i conheci o porsor ne l Antercéltico. Un abraço para ele i para Sendin.

Buonas nuites a todo mundo,

Yá ye quaije meia nuite, mas inda bengo a tiempo. Pa l HOIJE i quien l faç, Zé Chico, l que nós ls sendineses dezimos quando alguien faç anhos: d'HOIJE nun anho! Que acá stéiamos cun salude i la mesma gana por Sendin i pula nuossa lhéngua.

Un abraço,
Amadeu

Stube a ber l Hoije cumo yá faç parte de la routina.
Sendin ye antão capital de las Arribas? I ls turistas ten que se ir a a Picuote
pa ber l riu.

Acho que la urgénça de fazer ua strada para alhá(i pa ls Santos tamien) stá a la bista.

Cecílio

Desde pequeno que conheço o Picão dos arteiros e o Picão do Risco e as vistas que ele tem para nós dar.
Também sei que as condições de segurança não são as ideais, mas também afirmo com certeza do que digo que o meu carro (não é jipe) é um carro perfeitamente normal fica a 200 metros do picão dos arteiros, e que desde onde fica o carro até ao picão há um carreirão bom para qualquer pessoa ir.
As vias de comunicação estão abertas, falta é fazer um miradouro com condições de segurança e fazer a sinalética.
Logo, neste caso pouco falta fazer para termos um miradouro para as arribas sendinesas, faia amarilha e ancho do risco sem grande investimento.

(You nun stou cuntra l porgrama de l Porsor Almendra. Que bien el fizo de ancaminar turistas. you stou a falar nun cuntesto giral)

Cousa ançcutíble: Muitas son las pessonas que bénen a Sendin i nun ban al riu por bias de nun haber bun camino até al riu.

You quando digo que ye percisa ua strada ye porque nun son todas las pessonas que se méten por sulabancos i remissacos.

You para mi l camino stá buono, you bien bou até alhá mas cun carro mais bielho ó assi(leia-se Fundador :-) ). Mas ls turismos bénen a passiar, bénen cun un altemoble de passeio ó mesmo outucarro que nun ban nada bien a muito lugar.

L pursidente de la República bino até acá i dixo pa NUN se respeitar SOLO la bida de animales selbaiges cumo tamien la RAÇA Houmana.

Ten que haber un eiquelíbrio antre todo...i esso ye possible cun ua strada(nun ye perciso ua outoroute...mas algo que nun assuste a las pessonas).

Cecílio

Quanto a la traduçon de ls Lusíadas que fala l Hoije, nunca naibe soube de nada i acradito berdadeiramente na fuorça de l Hoije, que yá ben de l tiempo de Adan i Eba, ou até dantes... porque antes de l Hoije nun habie nada, era l berdadeiro buraco negro! Quanto al centro de salude de Sendin, you querie dar al Hoije anformaçones que el nun procura, nien quier procurar: fui you i l Partido Socialista, i you an particular anquanto Persidente de la Comisson Política que pediu, eisegiu i fizo andar las cousas. Baste perguntar a la Dra. Berta, que ten stado an Sendin a comer bitela a cumbite de Junta, a quien you puse la spada al coraçon: se hai denheiro pa la salúde, Sendin ten que star an purmeiro(anforma-te Almendra)! Agora l Hoije, para fazer política a la sue maneira i notícias de berdade, ten que anterrogar las pessonas: la diretora de l centro de salude, la Dra. Berginia, la respunsable de la salúde de l Çtrito, la Dra. Berta i outros, nun basta falar de cor. Ye tiempo de fazer jornalismo a sério, nun basta mandar palpites i fazer retratos i puxar la brasa a la sue sardina! Quando se quier andar a fazer política hai que dezir-lo. Çculpa Zé Chico, mas tal cumo tu, you sou fruntal: you nun sou candidato a nada, tu dizes que quieres ser candidato a Persidente de la Junta de Sendin. Tenes que dezir-lo publicamente. Sé hounesto i cencero. Ye l menos que te eisijo. Abraço
Sien rancor, mas atento.

Antressante esta cumbersa !
Nó porque stou a pensar an ser un die, you tamien, candidata a Presidente de la Junta de Sendin mas porque quando calha ir, you tamien, a Sendin ou que me antresso (talbeç todos ls dies…) por aqueilho que se passa ende, quiero tamien saber adonde ye que pongo ls pies i esso de maneira mui drástica se fur neçairo i sien ningun romantismo, tendo an cunta que ye tamien l futuro cuncreto de las mies crianças que me stá neste momento a preocupar cada beç mais…
L que quiero you dezir cun esto ?
Tengo la absoluta certeza que Sendin precisa de mudanças. Mas que naide s’anganhe ! Mudanças que permíten a un bien mais grande número de Sendineses (steian eilhes a residir ende ou fuora) de tener ganas i tamien la possibilidade cuncreta de se anstalar i/ou de cuntinar a bibir ende dignamente i positibamente. Tanto para ls adultos, idosos ou mais nuobos, cumo para ls mais pequeinhos.
« Tricas inúteis » (sic !) todo esto ?
Solo la necessidade para ls cidadanos modernos que somos “hoije” de star corretamente i objetibamente anformados neste mundo plural que ye l nuosso pula cierta an plena mutaçon i mais lhargo que un pensa muitas bezes. Hoije mas tamien manhana !

Não vejo razões para não apoiar estas iniciativas, nunca esquecendo que houve gente que criou este site, chamado sempre como site de Sendim, e que outros e muito bem o continuaram e hoje o sustentam, este é o sítio que deve ser o orgulho de todos os Sendineses.

As razões das críticas que eu posso apontar serão somente do foro pessoal, e vindas de gente que nada faz por Sendim, sem primeiro pensar neles próprios.

Não podemos nunca esquecer que este site deu sempre a oportunidade a quem a quis agarrar, de se mostrar perante o mundo, apresentando o seu trabalho, fosse ele em texto, vídeo ou fotografia, acredito que se não fosse este site alguns e algumas dessas pessoas passariam despercebidos.

Ainda assim há gente que confunde pessoas com o partido, clube ou religião a que poderão estar ou não associadas, esquecendo o essencial da questão que é Sendim, a nossa terra.
Por isso Prof. Almendra continue que o que faz está bem feito.

Um abraço
Telmo

I l que quier dezir essa frase tan antressante:
“... há gente que confunde pessoas com o partido, clube ou religião que poderá estar ou não associado...” ?
Nada porque stá gramaticalmente ancorreta.

I an Sendin hai mesmo ua pessona chamada “Almedra”? Ah, mas anton quien ye ?

Abençonados seian “ls partidos, clubes i relegiones” que sáben l que scríben i que pénsan bien todo l que scríben, dues bezes an beç dua!
Puis ye!

“quando muitas Copratibas stan a fechar por que stan na falencia ou naide l liba ubas, la nuossa cuntina de BUONA SALUDE.”, diç Almendra (i nó Almedra!).
Sendo esse digno stablecimiento ua “Copratiba” precisamente, ye mui, mas mesmo mui defícele, Sr Presidente!, antender esso quando hai tanta giente que chega al punto de solo querer cousa: arrancar las binhas i nada mais !
I you solo me pregunto: nun será tamien por, antre outras cousas, stáren las pessonas tamien fartas de cumbersas i de situaçones chenas de ancoeréncias i de cuntradiçones?
Mas quien ye que cuntina mesmo de BUONA SALUDE? Solo la Copratiba ? Ou pessonas yá cun 70 anhos cumo mius pais que inda este anho fazírun la biage de perpósito de França até Pertual i nunca deixórun assi i todo de mantener i cunserbar las binhas que tamien le custou a plantar i you na barriga de mie mai na altura que até chegou a fazer l camino a pie mesmo grábida de Sendin até l Boubielho que yá queda nas arribas para quien nun l saba? Mas la decison deilhes, cumo yá debe de saber, yá stá mais ou menos tomada!
Piedo çculpa, Sr Presidente, mas nun antendo bien esse grande antusiasmo que ye "hoije" l sou. Haberá mesmo razones para esso, inda porriba an tiempos de crise que bamos atrabessando todos ls que somos cada beç mais agora ? Acha mesmo que sou alarmista ?

De la mie parte muito oubrigado. Bine haias a todos quantos colaboran cul SAL. You bien querie purparar ua nuoba berson pa 2009, bamos a ber se hai tiempo. Abraços a todos.

BA CARLOS BOTA MAIS, ASTANHO NUN BOBESTE LS RETRATOS DEL MOSTO A CORRER O NUN FAZISTE BINO?
AGORA PARA PEDRO
PEDRO PARA 2009 TENEMOS QUE PASSAR DE FOTOGRAFIAS A NOTICIAS FILMADAS BA PENSA NESSO
CUMPRIMENTOS A TODOS
PAXAREIRO

BOTESTE

Un abraço para Carlos i que d´hoije nun anho.
Solo me queixo dua cousa: de ls dies an que nun abres la Jinela.
Bá, salude i bota-le siempre.
Trés anhos ye obra i esses númaros que le botas que até cústan a ler...

Un abraço,
Amadeu

Ls mius parabienes tamien pa la Jinela, pa la Jinela Global i an particular pa Carlos Ferreira.

Aqueilhes númaros se fussen contos, aix. Ls númaros amostran bien l retratista que Carlos Ferreira ye i tamien amostran bien l quanto las pessonas gustan de Sendin.

Mesmo de loinge la Jinela ye ua maneira de se assomar a la tierra, i pulas bejitas todo mundo gusta daqueilha tierra.

Yá arreparasteis que nun hai pai pa Sendin i pa ls Sendineses? Solo pula anterneta ls eisemplos que hai; l SAL an si, l Hoije, la Jinela i blogues(stou-me a lembrar de "Cumo quien bai de Camino").

Mais ua beç parabienes a Carlos Ferreira i a todos ls outros oubreiros,
Cristóvão Pires

Parabienes tamien a Carlos de la mie parte i buona cuntinaçon.
Para mais 3 anhos..... ou até 30 ou mais !
Siempre cun salude !

Parabienes a la Jinela, trés anhos yá são algua cousa.

Yá stá çponible l hi5 an Mirandés.
Este lhugar ten mais de 50 melhones de outelizadores i aspero que achegue ls mais nuobos a esta léngua guapa i que bai agarrando la modernidade.
L lhugar ye http://www.hi5.com i apuis ye solo scuolher la lhéngua alhi ne l mundo ne l canto dreito, ó ir lougo pula purmeira beç pula caleija

www.hi5.com/friend/changeLang.do?lang=mw_PT

Se quejirdes saber la malta baliente que tornou esto possible ye solo ir a http://www.hi5.com/friend/group/3575718--hi5%2Blanguage%2Bforum%2B-%2BMirand%25C3%25A9s--front-html.

De la mie parte un oubrigado a esta cambada, al hi5 i an special a la rapasa Siko Bouterse pul acumpanhamento.

Mais anformaçones cun eimaiges an http://www.photoblog.com/sendim :-)
Cecílio

Ye seguramente hounesta la cunfisson de Zé Chico, mas de tal maneira simplória, que me pareciu amportante fazer la correçon, bisto que stamos an correçones: (aquercento que, para nun ser suspeito, pongo l trabalho de Zé Chico subre la dibulgaçon de l mirandés ne ls píncaros) quando diç "Diç-se de la mesma maneira, mas scribe-se de maneira çfrente" - Ora la berdade ye que nien se scribe de la mesma maneira, nien se pernúncia de la mesma maneira, todo ye çferente. Para quien gusta de realçar las diferéncias antre l sendinés i l mirandés esto ye eilementar. Mas bon, por bezes screbimos las cousas i nien mos damos cuonta, fui seguramiente l caso de Almendra. Esto fui solo pa l spicaçar. Abraço.

Buonos dies,
acho este redadeiro comentairo ne l blogue un cachico zadequado.
Uas de las mies porsoras purferidas era la porsora de Matemática,
Lúcia de Bemposta,
para alhá de l querer i gustar ansinar tenie houmildade.
Lembro-me de eilha dezir ua cousa de un outor coincido,
que nun ye bien l Sócrates Pertués:
"Eu só sei que nada sei".

Acho que un cachico de houmildade nun queda mal a naide.
Basta ler quatro linhas de quaije qualquier pessona pa ber que dá erros. Nun hai ua pessona que nun deia erros an Pertués, quanto mais an Mirandés. Nun ye por esso que se debe creticar. You dixe l erro al porsor Almendra mas cula melhor antenção.

Subre la cousa de l Mirandés "versus" Sendinés, ousando la spressão que Amadeu Ferreira outeliza mas subre l ansino de l Mirandés: "Subre esso inda mal ampeçamos", até la spressão mais cierta será "Subre esso ye que inda nin ampeçamos mesmo". Ua çcução séria subre esso há-de un die ampeçar.

Quien me splica, cumo sendo la léngua Mirandesa ua léngua de tradição oural, i la scrita l sou speilho se admita, cumo ye claro cumo la auga, que haiba la defrencia antre l Sendinés i l Mirandés an la fala, i an la scrita se queira nun dar l braço a trocer.
Se ye pula ounião i ouniformização de la scrita pa que esta tenga mais fuorça, tamien haberá pessonas cun menos animo pa screbir porque nun se rebei an la scrita. Subre haber ua scrita pa cada eigreija i cada tierra ye recoincido que hai trés bariaçones de l Mirandés, por esso nun ye ua regla pa cada pessona.
Para alhá desto hai l risco de l Sendinés se perder, até porque yá oubi Sendineses a ler l "on" nó cumo "ão" mas cumo "on".
La scrita passar a purmetir l "ão", nun quererie dezir que nun haiba de la miesma maneira l Mirandés "normal" ousado cumo refrénça, causo ls outores assi quejíssen.

Se l Mirandés antes era bisto cumo l Pertués mal falado, hoije passa-se l miesmo cul Sendinés, an que agora ye bisto cumo l Mirandés mal falado.

Cuntine porsor Almendra que pa lantre ye l camino, i you gusto muito de saber l que se passa pula nuossa Tierra i por arrastro gusto de ler l Hoije.

Cristóvão Pires

Çcuciu-se-me l comentairo antes de acabar todo.

Staba a falar de l "on" de l Mirandés porque ye l mais polémico i l mais fulcral causo de la defréncia.

Tamien querie dezir que ls mais nuobos ténen bien drento deilhes l Mirandés/Sendinés solo inda nun se afazírun a la scrita.

Todo mundo antende mais ó menos bien l que acá stá screbido i ye fácele arreparar que a las bezes miesmo ls que nun se amportan muito cula léngua la outelizan sin arreparar.
Ua beç ne l café un rapaç de Sendin pa ua rapaza de la cidade que debie star a bejitar Sendin:"não me dás um cachico do chupa-chupa?". La rapaza lougo dixo "o que é um 'cachico'?". Fui ua rizada pa quien oubiu ne l café. Sin tener cuncéncia las palabras stan alhá ne ls mais nuobos ó an ls mais bielhos. Solo hai que ancentibar la sue outelização.

Cristóvão Pires

Subre "Quanto a dezir que nun se lei de la mesma maneira ye de quien daprendiu a falar de grande." cuido que stá a dezir ler l "on" mesmo cumo "on" i nó cumo "ão".
Pus quien houbi a ler assi ten la mi eidade, 24 anhos, i ye Sendinés cumo you.

Por la léngua nun star bien aliceçada i nun ser outelizada ne l die a die puode i bai acuntecendo. Para alhá de que nun queda registrado an la scrita que l "on" se lei "ão" an Sendinés. I cumo se sabe la scrita ye l eilemento mais duradouro que puode haber de ua léngua.

Abraço,
Cristóvão Pires

L'antençon de l miu quementário era solo, mas solo, para rir. Nien sequiera era corregir a naide, nien poner-me an bicos de pies, nien ten nada a ber cun houmildade, nien outras cousas assi. Bi que nun cunsegui fazer rir, i, apuis claro, l binagre arramou-se. Parece que por estas bandas, l binagre stá drento de frascos que ténen l bidro fui fino. Pido mil çculpas.
Quanto a la senténcia de Almendra dezir que you solo daprendi l mirandés/sendinés solo de grande, el ye que sabe, el ye que stá outerizado a dar senténcias. Se calha todos ls mius bezinos de rue la Frauga i mie mai i miu pai, solo ampeçórun a falar mirandés comigo i antre eilhes, quando you yá era grande, antes nada. Seia cumo sei, tamien nun sei qual ye la çfréncia. Ou tornamos a la bielha i anadótica queston: "l mirandés ou se mamou ou anton yá nun se daprende"!? Sien rancor. Un grande abraço.

Éra solo para dezir a tiu ALMENDRA que la marmelada ye buna, mas que mus guarde ua pouca, ls garotos e las garotas que nun cóman todo.

Ainda gostava de saber onde foram desenterrar a palavra “GRAZES”, pois é uma autêntica aberração.

A história diz que existiam os Gorazes de Mogadouro, certo? Que ninguém sabe dizer porque se chamam Gorazes (o que é certo é que existe um peixe Goraz, mas não devia ser por aí), mas pronto, o que é certo é que desde há muitos anos foi chamada a Feira dos Gorazes de Mogadouro.

Em Sendim, talvez pela proximidade geográfica e de datas, também passou a ser Feira dos Gorazes, certo? Antes seria sempre a Feira de Ano ou Feira dos Burros.

Então como aqui se fala também o Mirandês, passou de Feira dos Gorazes a Feira dos Grades e não Grazes como agora os estudiosos de meia peseta vieram inventar.

Perguntem às pessoas mais idosas de Sendim e de várias aldeias do concelho e vão ver.

Todas dizem:

- Feira d’ Anho an Sendin

- Feira de ls Burros an Sendin

- Feira de l die 30 an Sendin

Ou como toda a gente diz, e eu sempre ouvi dizer, e todos nós Sendineses dizemos com naturalidade:

- Feira dos Grades.

Eu sei o porquê de “inventarem” os Grazes, foi uma foram de misturar os Gorazes e os Grades, ficando assim mais fashion, agora uma coisa é certa que ninguém diz Grazes, isso tenho eu a certeza.

Por fim quero deixar os meus parabéns a esta Junta de Freguesia pelo facto de terem alterado a data para fim de semana, foi sem sombra de dúvida uma grande Feira dos Grades.

1 agraço

Atenção, Amigo !

Essa ideia segundo a qual o nome dessa feira seria « Grazes» e não « Grades » pode não ser tão estúpida como pode querer deixar a entender…
E já agora, vou eu também deixar aqui algumas pistas de reflexão. Nem sei se já houve alguém que já tivesse evocado a seguinte possibilidade sobre a origem do nome dessa feira:
E se pura e simplesmente a palavra viesse do verbo latino « gracillare » (em português : palrar, cacarejar como fazem as galinhas e outros galináceos) sabendo que o mesmo deu « grasseyer » em francês mas também « grazelai » an dialecto borgonhês (língua tradicionalmente falada na Borgonha) e cuja definição em francês é : « crier comme fait la volaille » e neste caso « volaille » inclui de facto todo o tipo de galináceos.
Acontece, Amigo, que as primeiras feiras francas aí em Miranda datam do século XIII, por conseguinte do tempo de D. Dinis, rei como sabe, da dinastia de Borgonha e por conseguinte descendente de D. Afonso Henriques, filho de Henrique de Borgonha, cavaleiro « francês » que vinha precisamente da Borgonha para ajudar o rei de Castela e de Leão a combater os Mouros…

« Gracillare »…« GRAZElai »…« grazes »… ??!!

Como se a palavra «grazes » fosse por exemplo como un sinónimo da palavra « pregões », com ou sem conotação ?, isso é que eu não sei !

A feira « dos grazes »… ?! Uma feira talvez como qualquer outra afinal em que os feirantes apregoam para chamar os fregueses e os fregueses também se põem a falar e por vezes todos ao mesmo tempo e de maneira tão forte e tão alta, quem sabe ?, ao ponto de lembrar un autêntico poleiro de galinhas… ??!! O que pode querer dizer também que é uma feira importante em que aparece muita gente, e quem sabe até? como já era o caso na Idade Média... ?

Só isto por enquanto, Amigo. Mas fique descansado, não é hoje que lhe vou pedir nem um tostão, nem algumas pesetas por estas modestas explicações. Pesetas, nem pense !, já pertence ao passado essa moeda doutros tempos.

Mas talvez euros, agora. Pois é: euros !

LA FEIRA DE LS GRAZES

La feira de ls Grazes, ó feira de ls Burros, ye la feira d’anho de Sendin, que to ls 30 d’Outubre se faç i se respeita cumo se fura un die nomeado.
Las feiras ne l nuosso cunceilho yá bénen de mui loinge pus yá l rei D. Diniç criou la feira de Miranda ne l seclo XIII. Las feiras de ls Grazes de Sendin i Mogadouro, inda que nun haba muita certeza, segundo alguns outores tamien ténen ouriges mediabales.
Anton l nome desta feira d’adonde ben? Hai quien diga Grazes, Grades, Gorazes I, an Sendin, hai muita giente, subretodo ls mais antigos, que dízen la Feira de ls Burros ou la feira d’anho. Grades oube-se mui pouco, Gorazes solo se diç quando se fala an grabe i feira d’anho ye mui simples d’antender porque le cháman assi. Ls nomes mais oubidos son Grazes i Feira de ls Burros.
Se Feira de ls Burros ten que ber cul comércio destes animales, Grazes i Gorazes parece que nun ten nada que ber cul peixe de l mesmo nome. A la ua, nun parece mui rialista admitir que ls almocrebes de l’Eidade Média traíssen de l mar até aqui (300 Kms i muitos dies de biaige) un peixe que custa muito a guardar fresco i que nunca se soubo que se secasse ou salgasse pa l cunserbar, cumo ye l caso de l bacalhau, de l polbo ó de las sardinas. A la outra, nas tiendas-tabernas de ls Grazes nunca houbo la questume de comer este peixe. Cumo an to las feiras de ganado, l percipal manjar que inda hoije aparece nestas tiendas-tabernas ye la puosta. La puosta, porque l quemido era puosto an riba de l pan pa l comer cula nabalhica. Mas esta puosta nun era solo de chicha de bitela, cumo hoije muita giente cuida! Esta puosta tanto podie ser de bitela, cumo de cordeiro, de cabrito, de polbo ó bacalhau. Inda hoije la giente diç: bou-me a comer ua puosta de bacalhau, bou-me a comer ua puosta de bitela, bou-me a comer ua puosta de polbo, etc.
Outra cousa que nesta feira se comie ó que se mercaba para comer, mas que yá nun era questume comer i cumprar nas outras feiras, era la marrana. Na feira de ls Grazes de Sendin i de Mogadouro era la purmeira beç zde l Eimbirno de l’anho atrás que habie chicha fresca de cochino a bender, la marrana. Assi alguns outores i antre eilhes l Dr. António Rodrigues Mourinho, seguindo l “Elucidário de Palavras e Termos Antigos” de Frei Joaquim de Santa Rita Viterbo, diç que las palabras “Goarazel i Goraz”(serie l nome dado al ampuosto que pagában ls açougueiros ne l século XV por bendéren chicha de chochino), “Corazil” i “Gorazil” ténen la sue raiç na palabra griega KOIPÁS (que se lei GOIRÁS ó KOIRÁS) i que quier dezir chicha de cochino.
L nome de Feira de ls Burros nunca fui mui studado, mas cuido que tamien debe de ser mui antigo, porque l comércio deste ganado ne l praino mirandés tenie ua amportáncia mui grande. Estes animales eisísten nesta region zde siempre, bisto ancuntrarmos microtoponimos, chamadeiros de sítios de l termo de la tierra de Miranda, cul nome de «Zebra» que serie un sítio adonde habie muitos Zebros que éran burros salbaijes, que inda eisistien na Eidade Média i que apuis zaparecírun destas tierras.
Esta feira d‘anho fui siempre ua feira mais de ganado, burros, mulas, cabalhos i bacas (l toural fui proibido ne ls anhos 40/50 porque habie muitas luitas de touros a porbocar zacates), mas tamien era la feira de la fin de las colheitas adonde las pessonas podien bender ls perdutos que colhien i que nun íban a ser percisos pa las necidades de la casa, dende l dito dezideiro sendinés: “antre ls grazes i ls santos píngan ls trampos” (to las colheitas, tirando las azeitunas, tenien que ser arregressadas para casa até essa data porque apuis las giladas acabában cun todo i ampeçaba l Eimbierno).
Muita cousa mais se podie cuntar subre las ouriges i tradiçones de ls Grazes, mas quiero acabar dezindo qu’esta feira, mesmo sendo tan antiga, cuntina cada beç mais biba, atual i moderna. An beç de burros i outro ganado, ancontramos hoije máquinas modernas de to l tipo i feitiu, marcas i culidades. Cada beç hai mais giente a bejitar la nuossa feira i agora yá nun bénen solo de l nuosso praino mas tamien de l praino de nuestros armanos an carreiras chenicas.
L anho passado apurei bien l miu oubido i por to la feira inda s’oubie bien falar mirandés, pena ye que fússen solo ls más bielhos.

CARLOS FERREIRA

Publicado an 2001 nun Jornal i tamien na rúbrica "Stória" de l Sendim.net

N.B. Muito stimamos a Telmo, por nun ser un ambestigador de meia peseta.
Grande Abraço

La teorie subre l nome de la feira de Mogadouro ye capaç de ser la miesma que pa la nuossa feira(ó al robés, l nome deilhes bieno de nós :-) ).
You nun puode ir a la feira este anho mas quedan ls mius parabienes pa la Junta por demudar la data.

Anton queda eiqui la teorie, peç-me mais rialista que la que deixórun antes de mi, retirada de http://concelhos.dodouro.com/jornal/mogadouro.asp:

"Com a melhoria do nível de vida, as pessoas começaram a consumir carne de vitela, hábito que conduziu ao aparecimento da «posta» que veio, de certa forma, destronar a marrã. O Dr. António Rodrigues Mourinho (Júnior), na sua citada obra, refere o que Frei de Santa Rosa de Viterbo escreveu no seu Elucidário sobre o tema «Goraz». Viterbo comenta o termo «goraz» e esclarece nos que Gorazil, Corazil e Goarazel têm a sua raíz na palavra grega Koipás (que se lê Goiráz ou Koirás), a qual significa precisamente carne de porco. (Viterbo, na citada obra escreveu: "Em muitos prazos, se acha o foro de marrã", aliás aparece nos em vários documentos, Salzedas, Sabugosa, o pagamento de um imposto de carne de porco). Continua ainda o Dr. Mourinho: "Ainda no concelho de Bragança, se chama couracha ou coiracha à «barbada» do porco e chamamos coiro à pele sedosa daquele animal. Atendendo ao termo « Goarazel» e «Goraz» não será difícil fazer a análise de evolução semântica entre as duas palavras. Se atendermos ao termo grego Koirás, mais fácil e evidente se nos mostra a evolução entre este termo e « Goráz» ". Mais à frente, escreve ainda o Dr. António Rodrigues Mourinho: "Se vamos aos factos concretos teremos de constatar, sem erro algum, que a alimentação típica da nossa gente na feira dos «Gorazes» era e é feita à base de carne e carne de porco: Era a marrã que se comprava nos < Gorazes» e se levava como um «mimo» a que podíamos chamar a primícia da carne de porco nesta região. 0 « Goarazel» ou «Goraz» seria um imposto (prazo ou pensão) que pagariam os moradores ou açougueiros de Mogadouro talvez já desde a Idade Média. Não será arriscado dizer que esta feira vem da Idade Média ou pelo menos do século XV ou XVI. Enquanto não tivermos documentos que nos afirmem outra coisa, vamos manter esta posição. Por outro lado, sabemos que era nas feiras que se pagavam os impostos, os foros e rendas. Em Mogadouro aproveitou se com certeza a feira de 15 e 16 de Outubro para esse fim, pelo menos quanto ao imposto do «Goarazel» ou «Goraz» imposto de carne de porco".("' Creio que ficou definitivamente esclarecida a origem e o significado do termo «Goraz»."

Haa i you peç-me que me lembra siempre de dezir Grazes(mas you sou nuobo), mas tamien me lembra de pensar que era ua palabra mui stranha i lembra-me de me preguntar a mi própio se la staba a dezir bien.

Un abraço,
Cecílio

Adonde diç "peç-me mais rialista que la que deixórun antes de mi" era subre la teorie de la outelizadora Ana Maria F.

Carlos Ferreira ye mais rápido que la luç.
Abraço,
Cecílio

Àh Cecílio, yá biste que antre ma mie mensaige i la tue, solo hai ua çfréncia de 18 segundos. You anfilei-la a las 17:39:12 i tu a las 17:39:30. Quando carreguei ne l boton "comentar" la mensaige que me apareciu fui la tue, por esso you lougo reparei que te referies a Ana.

Beio que nada te scapa i esso parce-me anterressante: sós un trabalhador.
Grande Abraço

Deixai-me dar eiqui tamien la mi openion. You nunca oubi dezir Grazes, mas si Grades, nun poudo ir até muito alhá, i lembrar-me como dezien ls mais antigos porque mius abós dezien siempre no die 30, nun dezie muito Grades.
La palabra sei que bino de Gorazes que se referie a chicha de cochino maranã, sei-lo zde la quarta classe, porque l miu porsor de la quarta dixomos porquei. El miu porsor fui José Ramos Campos, i l cula eidade que you tenerie quando andaba na quarta classe scuitou-lo en Mogadouro a la pourta de ua framácia nua cunbersa antre un doutor i l que bendie ls remédios, l andou a scoula en Mogadouro, sou pai staba pali de guarda.
I nun sei como dirien muitos antigos, ye ua questão de perguntar a ua dúzia deilhes como dirien en Bouno Sendinés se Grades se Grazes?
Se anpatarém e fazer un anquerito on-laine e depois debie ser assi que quedaba.
Quanto a la mi counta persor Almendra nun la debides tener tirado, debides la tener arremanssado para outro lado, mas sobre esso yá falemos, era mui prática.

JMCA

cecilio, Amigo « outelizador » !

Que las cousas nun quéden cunfusas sien necidade. You nunca pus de lhado ou an causa la pertinéncia de todo l que Carlos chegou a splicar i a poner por scrito yá faç agora dous anhos aqui mesmo neste site.
Mas l que ye que mos ampide de cuntinar a procurar nós tamien i talbeç inda mais ou será que debemos de cunsidrar que esse eiclesiástico, i studioso tamien puls bistos, de nome Frei Joaquim de Santa Rita Viterbo fui capaç de dezir todo l que habie a dezir i que nun hai mais nada que se puoda inda dezir ? La speriéncia amostra-mos tantas bezes que la stória ye bien mais cumplexa inda que l que uns chegórun a pensar ou eimaginar !
You nun lhiebo nada a mal que tenga relembrado la teorie desse eiclesiástico mas nun me parece, Amigo, que tenga trazido tamien, sua Eiceléncia, probas que l que cheguei you tamien a eimaginar por eisemplo debe de ser puosto definitivamente de lhado…

Amigo outelizador, talbeç seia capaç desso, sue Eiceléncia! Ye altura, porque nó?, de matar mais inda la cabeça. A nun ser que nun querga… Para essas cousas tamien ye preciso querer i tamien poder.

Buona cuntinaçon anton.

N.B. L miu nome ye Ana Maria Fernandes. Acha neçairo que seiamos todos siempre oubrigados a repetir cunstantemente l nuosso nome cumpleto? You nó, subretodo que, cumo sabe, l miu nun deixa de aparecer screbido por cumpleto neste site. Yá nun ye mistério para naide ou inda era para si ? Bonda star mais atento !

ALT (arreganha la tacha, pa quien stubir squecido).

You tratei-la por outelizador Ana Maria F, a la ua por ser l que staba mais a la mano.
Apuis nun la conheço (nun me tocou l Ouromilhones, mas you yá oubi dezir que sou un rapaç de suorte).
Outra cousa que talbeç tenga anfluenciado nomear-la assi fui nun cuncordar cula maiorie de las sues anterbençones, por eisemplo yá chamou de burro pessonas solo por outelizáren "v" quando dixe que an mirandés solo hai "b"'s. Inda ten que splicar cumo ye esso de la palabra que usa: "definitivamente".

Çculpe alhá la mie ancorreçon, mas yá que me chamou Eiceléncia bou parafrasear un rei: Porque ye que nun se calha...(pul menos cun anterbençones priquitetas).

Nun le dou mais cuorda
[esta anterbençon Pedro bien puode botar-la pa la rue que ye bien zcabida, mas cuido que ye la purmeira i la última].
Passe bien,
Cristóvão Pires (Cecílio)

Pós sois un home cheno de sourte en siempre oubirdes dezir grazes, ye porque hai muito tiempo que falais sendinés/mirandés.

JMCA

A tie Ana Marie, solo l tengo a dezir mais ua beç que deixe de ser la boç de l buonho… i a mie nun me trate por amigo, porque yá deu para perceber que de amigos tenemos pouco, corta…

A tiu Carlos, bou-te a responder sin rancor. Nun sou ambestigador mas tengo oubidos, nun sou letrista mas sou abrangente, nun sou linguista mas sou amparcial, mas la tue ambestigação sobre la feira de ls grades puode-se meter nun lado de l alforja, que d’ acuntra peso queda la mie teima, inda onte a la tardica stube cun 5 tius, mais bielhos que nós ls dous, i todos eram de acordo que siempre oubiram dezir Grades i nó Grazes.

I nestas cousas tenemos de dar oubidos al pobo an beç de mos fecharmos an copas. Até porque l que percebi de l texto que apresenteste la teorie de ls Grazes ye la que menos peso ten, ou nó?

Ua cousa ye ambestigar donde ben l nome de las cousas, outra cousa ye oubir las personas a dezir-las, e outra cousa ainda ye aumentar, nisso sin hái craques de meia peseta. (logicamente para quien l serbir la carapuça).

1 abraço

Solo querie dezir que al testo que screbi i publiquei subre "Ls Grazes" nun se le puode bien chamar ambestigaçon, esso serie outra cousa. Podemos dezir que tentei ajuntar ls eilemientos todos que puode i que yá stában publicados subre la queston, ourdenei-los i apuis dei-le ua forma para dibulgar. Asseguro-te Telmo, que subre la queston de l nome, na altura, oubi mais de 50 pessonas i mira que nun le perguntei d'atacada qual era l nome, deixei la cousa benir normalmente na cumbersa, para nun afluenciar. Muitos registros stan grabados, i la cuncluson a que cheguei fui la que pus ne l testo que torno a citar: "Hai quien diga Grazes, Grades, Gorazes i, an Sendin, hai muita giente, subretodo ls mais antigos, que dízen la Feira de ls Burros ou la feira d’anho. Grades oube-se mui pouco, Gorazes solo se diç quando se fala an grabe i feira d’anho ye mui simples d’antender porque le cháman assi. Ls nomes mais oubidos son Grazes i Feira de ls Burros".
Cumo bés Telmo, fui amparcial i abrangente i stou perfeitamente d'acordo cuntigo: nada ye definitibo.
Se calha inda te lembras de l cartaç que fazimos ls dous pa "Ls Grazes", yá nun sei an que anho fui... ye ua ougarielha que pintou miu armano Manel, onde stá un tiu anriba la burra... pimpon esse cartaç. Ponimos de títalo, "Feiras de ls Grazes / Feira de ls Burros".
De restro, quando las pessonas se anteréssan por cousas cumo estas, Nomes, Chamadeiros, que nada bálen, ye siempre buono, mui buono, i falar faç bien i faç gaçpiar l blog.
Grande Agraço

Gustei,

Carlos sabe que you sei qu'el que sabe, mas a las bezes çtraba-se...

Mas l nome que mais se anquadraba era Feira de las Tanazes.

Acaba an Azes (ls sendineses são uns azes) i ye esta la época de l anho que se boltan a puner an uso.

1 abraço

buonas tardes, hoije ye die 30, i you cheguei para ir a la feira, agora bós decidibos que you quiro ir a feirar i nun sei a q feira bá, se als grazes se als grades... lol

You a mi tanto se me dá, zde que haba denheiro i cousas para cumprar, mas querie ir i assie nun sei a qual hei-de ir.

Abraços, Ah i feirai muito. Hoije ye die 30, die de feira :) lol, a ber se ancontro jolda...

Pedro

Mirai inda nun se acabou esta çcuson, mas pensando bien l nome que habie de quedar era "Grads". Apuis ls cartazes de les anhos que benen siempre quedabán mais baratos pous poupabe-se en tinta de las letras, i cumo stamos en crise ye ua cousa de ber. Apuis que mais fai modou-se l die, quedou bien, sprumenta-se a mudar l nome poude ser que caía bien.

JMCA

Parabens a Sendim e região por essa unidade de Hemodiálise. Sou administrador hospitalar a 30 anos e sei a importancia de se ter esse tipo de serviço a comunidade. Prolonga-se a vida e da-se um expectativa de vida aos doentes renais crônicos. Novamente PARABENS. Fernando Branco

You yá tenie lido la passaige subre Sendin screbida por Saramago.
Deixo-la eiqui pa quien nun la tenga inda lido(cuido que l home nun se anrabiará):
"Em Sendim, são horas de almoço. Que será, onde será. Alguém diz ao viajante: “Siga por essa rua fora. Aí adiante há um largo, e no largo é o Restaurante Gabriela. Pergunte pela senhora Alice.” O viajante gosta dessa familiaridade. A mocinha das mesas diz que a senhora Alice está na cozinha. O viajante espreita à porta, há grandes odores de comida no ar que se respira, um caldeirão de verduras ferve a um lado, e , da outra banda da grande mesa do meio, a senhora Alice pergunta ao viajante que quer ele comer. O viajante está habituado a que lhe levem a ementa, habituado a escolher com desconfiança, e agora tem de perguntar, e então a senhora Alice propõe a Posta de Vitela à Mirandesa. Diz o viajante que sim, vai sentar-se à sua mesa, e para fazer boca trazem-lhe uma suculenta sopa de legumes, o vinho e o pão, que será a posta de vitela? Porquê posta? Então, posta não foi sempre de peixe? Em que país estou, pergunta o viajante ao copo do vinho, que não responde e, benévolo, se deixa beber. Não há muito tempo para perguntas. A posta de vitela, gigantesca, vem numa travessa, nadando em molho de vinagre, e para caber no prato tem de ser cortada, ou ficaria a pingar para a toalha. O viajante julga estar sonhando. Carne branda, que a faca corta sem esforço, tratada no exacto ponto, e este molho de vinagre que faz transpirar as maçãs do rosto e é cabal demonstração de que há uma felicidade do corpo."

De Viagem a Portugal – José Saramago

Falai-me de giente, de Charamagos stá la tierra farta...

Lobo Antunes anda 500 anhos delantre dessa ierba daninha que fugiu para Lanzarote e rima cun garrote (stá a chigar l tiempo).

1 abraço

Acho que se puode dezir (cun grande eironie) que ls dous scriben bien Pertués.
Mas nun tengo dúbedas que ls dous ténen arte ne l que scriben.

Inda assi yá li dous libros de Saramago, mas de Lobo Antunes ancalhei ne l mei dun(stá an la mesinha de cabeceira) i nun hai modo de l acabar. Hai ua buona palabra pa çcrebir a Lobo Antunes, trauliteiro, siempre a saltar dun lado pa l outro.

Ne l miu punto de bista, mesmo que nun cuncorde culas sues eideias políticas, l tiempo a Saramago ten-le dado algua rezon.

L sou libro mais creticado, Eibangeilho Segundo Jasus Cristo(que you gustaba de ler), que fizo cun que el scapasse pa Spanha, inda debe tener alhá mais berdades que l romance de ficçon mais bendido ne l mundo.

“ierba daninha” ls “charamagos” ??!!
Pénsan de maneira bien defrente ls Amaricanos, Angleses, Japoneses, Polacos, Russos, Húngaros, Franceses, Spanholes tamien talbeç… para citar solo eilhes !
Ye cumo dezir que ls nabos tamien son “ierba daninha” !!!!

Até fizo la riqueza essa planta (tanto las fuolhas cumo la raiç son comestibles!) de Collinsville, ne l Illinois, l stado que tenie até inda poucos dies cumo senador un tal Barack Obama… Produto de luxo i até de sportaçon !

Yá sabiemos que an Sendin hai quien tenga miedo que até se pela de comer colhones de cochino brabo i agora… xaramagos!

Cumo tamien ls hai que ténen miedo ou nun quieren comer coneilho, coxas de rana, caracoles ou até chicha de cochino… garrotes por eisemplo!!!!

Miu pai, ua beç an Sendin, cun outros, chegou a comer chicha de raposa. Naide se morriu! I you ua beç tamien cun outras pessonas comimos rabo de crocodilo. Bien que sabie ! I antre las pessonas que léen este site, talbeç até haba uns ou uas que yá téngan comido sartigalhos ou cunhéçan receitas para ls purparar !

Miedo ? Qual miedo, qual carapuça !

Stá bisto, se quejirdes quedar assí, ye comer rabo de crocodilho...

Mais

You há dies sin bi ne ls grades a benderan camisolas Lacoste cul bicho sien rabo, mira quien fui que l rubiu!!!!

Miedo ? Qual miedo, qual carapuça!

Quien ten miedo caga an casa...

Un abraço eiqui de l jobe

Agora mais a sério:

Parabéns ao Prof. Almendra pelo Hoije, pelo ontem e já agora pelo amanhã. Bem-haja e que Deus lhe dê saúde para muitas outras notícias diárias.

Nós cá estaremos para as ver, ler e difundir…

E já agora também parabéns ao “besitante” 100 mil.

1 abraço de Telmo

Jobe !
Subretodo, nunca deixe de screbir cumo scribe… Un solo Prémio Nóbel de Lhiteratura an Pertual : l que ye esso ?! Ten que haber un tamien para mos falar de marcas de camisetas (Que cousa tan antressante !) i de crocodilos sien rabo na feira de ls Grazes an Sendin !
Bá, nun tenga miedo... inda porriba cun grabata (Lacoste ?) i todo !

Sobre l´ancotro delas semientes tengo pena nun star persente, parece-me que fui ua cousa buna pol que diç l porsor Almendra. Ye ua cousa que me anteressaba mas starei para outra beç. Nun sei se se falarie del que you penso, mas de qualquira maneira siempre darie para aprender algo.

JMCA

Antes de salir de casa i mui debrebe...
Pa dar graxa tamien anton als "duonhos" de l Mirandés...

Yá hai blogueiros an http://mwl.wordpress.com/.
Pa quien inda nun sabe, que inda nun dei la ambora porqui, ye un nuobo spácio. Este spácio ye pa to ls blogueiros screbíren i claro, ye de grácia.
La bantaige subre ls outros blogues ye que aparece ourganizado por lénguas, assi lougo dei cun nuobas pessonas a screbir(inda solo stan a ampeçar). Ten que se scolher la léngua an que se stá a screbir; que ye apartada de la que ye amostrada ne l testo de las ligaçones i botones. Todo l testo stá a ser traduzido por todo mundo i bai sendo atualizada i çponeblizadas bárias bezes puls de l WordPress.

Botai alhá; pula bida...

Cun eimaiges i ua splicaçon algo mais cumpleta: http://www.photoblog.com/sendim/2008/11/20/
Cristóvão (Cecílio)

Ya fui a ber. sta ua buona eideia
inda hades fazer cun que ls angleses quergan daprender mirandes.

I eilhes nin sonhan q muitas palabras deilhes benan de l mirandes... lol

Abraço

Gustaba solo de saber onde queda essa penha que parece ua cabeça... nunca la tenie bisto!

Bounos dies,

Essa penha fui fondo del cartaz del primerio interceltico, penha bigorna. vista del outro lado

Biba,
aprobeito l balanço de l hoije pa dibulgar la Uiquipédia(nun sei quien la criou, mas ende stá; yá quantá bá).
La Uiquipédia ye un spácio cumo la Wipipédia Pertuesa, ó Anglesa.
La eideia ye que por todos, cada pessona se custrua ua Anciclopédia an linha.

Assi sendo cada un puode/debe poner cousas nuobas...
L sítio ye: http://incubator.wikimedia.org/wiki/Wp/mwl

Nun ye perciso saber porgramar, solo ua reglas que stan eiqui: http://incubator.wikimedia.org/wiki/Wp/mwl/Uiquip%C3%A9dia:Cumo_puodo_dar_ua_upa

Qualquier dúbeda cuido que se puode perguntar por eiqui.

Yá agora, hai que respeitar ls dreitos de outor, assi solo debe ser traduzido testo libre(por eisemplo de la wikipédia Pertuesa) ó testos própios.

Un eisemplo de un artigo puodie ser ls quatro eilemientos de Almendra;
Anton era ir http://incubator.wikimedia.org/wiki/Wp/mwl/quatro_eilemientos i cria-la cun esse testo...

Por eisemplo ua páigina yá criada i que percisa traduçon ye http://incubator.wikimedia.org/wiki/Wp/mwl/Dreitos_Houmanos, ye solo ir alhá i eiditar...

Mas qualquier assunto puode/debe serbir pa criar ua páigina;
Cumo se faç auga-ardiente; la bendima, la puosta...ls assuntos que mangineis. Tenemos tanta cousa(cultura) hai que la amostrar.

Dai-le cun fuorça; i se stubirdes registrados queda registrado quien eiditou las páiginas...

Cecílio

ps: porsor Almendra, gustei de ler l Hoije hoije(feç-me lembrar porque nun fui a apanhar azeituna :-) ), mas debie dezir d'adonde salírun ls retratos por causa de ls dreitos de outor. Un abraço

Porquei representaçones de ls quatro eilementos solo cun mulhieres ?

Até las palabras que outelizamos nas nuossas lhénguas neo-lhatinas para ls designar zde hai seclos (L Aire, LA Tierra, L’Auga, L Fuogo...), cumo se fusse ua cousa natural , respeitan la mixidade: “cinquenta-cinquenta “!

I se nun fusse la mixidade…

Á home, ye que nien homes nien mulhieres haberie para falar desses quatro eilementos !

Nun se anrábie porsor Almendra cul que you dixe subre ls dreitos de outor;
las assinaturas solo quieren dezir que las eimaiges tenen duonho i dreitos, inda que miesmo sin assinatura tamien tengan, solo se fur miesmo dezido que ye libre ye que se puode outelizar. Mas nun hai que ser sismático tamien, que todo mundo yá "roubou" eimaiges de la Anternete(you tamien :-( )...mas nun custa demudar i fazer l sfuorço, pedir ó al menos dezir esto bino deilhi...

Antretanto yá criei ls Quatro Eilemientos (beia porsor Almendra se nun se amporta) "http://incubator.wikimedia.org/wiki/Wp/mwl/Quatro_eilemientos" cun base an la ambora de l Hoije...

Hai yá 66 páiginas(http://incubator.wikimedia.org/wiki/Category:Wp/mwl), uas mais cumpletas i melhores que outras; mas nun custa nada fazer crecer l "nino".

Abraço,
Cecílio

I agora eimaginemos (Bonda tener un cachico de eimaginaçon !) cumo serie la Eimaculada Cunceiçon trasformada nun de ls quatro eilemientos … “para fazer l bien, para ber l bien, para sembrar la paç…” !!!!!

8 de dezembre de 1854...

(An Pertués): “Em honra da santa e indivisa Trindade... pronunciamos e definimos a doutrina que sustenta que a beatíssima Virgem Maria, no primeiro instante de sua conceição, por singular graça e privilégio de Deus omnipotente... foi preservada imune de toda mancha de pecado original...”

I depuis desto « paç » ??!!

Acá para mi, Pio IX debie de haber pensado dues bezes an beç dua.

i culs outros tamien .

So para botar mais un pouco de auga na ferbura.
Mas quien no mundo ten mais obras d´arte que l´eigrieja católica? Bonda solo ir a la capielha Sistina i ber ls frescos de Michelangelo.
La capielha de Senhor de Boa Morte ye Setecentista, lougo sufriu anfluência del barroco, se nun stou anganhado, por esso inda le tocou algo para nós. Nun sei se saberá quien pintou la tela, teneis conhecimento de quien foi?
Se fosse la talha de l´altar you inda me botaba adbinar, que inda conhecie parqui quien andou por Sendin a restaurar uns altares.
Tamien sculhistes ua sagrada Família bien guapa. I Maria andou d´azdi antes de tener l nino!
Balga me dius i nosso senhor me perdone se achar por onde de you dezir estas cousas, que you inda sou un católico assi assi.

Abraços

JMCA

Solo falarei de l quadro de l Greco…
Ye la Birge (Ua mulhier…) que oucupa la posiçon dominante neste quadro… I l home que stá atrás deilha porque ye que l pintor l retratou quaije mei scundido i de qualquiera forma ne l segundo plano ?
Puodo you ser de tendéncia feminista, l quadro nun me cumbence !
Inda bien que, hai sessenta anhos, houbo pessonas lhibres i corajosas que fúrun capazes de redigir La Declaraçon Ounibersal de ls Dreitos Houmanos i de la dar a cunhecer al Mundo anteiro.
Para que, para ua família ser berdadeiramiente sagrada, nun haba un ou ua atrás de outro mas si un ou ua al lhado de todos ls outros.
I naide stá aqui para deitar piedras a naide mas si para debater eideias mesmo que custe.

Dius bos deia bounas noites Ana Maria! Bós nunca oubistes que atras d´un grande homa hai ua grande mulher.
Mas na sagrada família hai un grande home atrás de ua grande mulher que ye Jesé, pus que quereis pusu-se delantre.
El alantre por trás al lado, que mais dá, el que anteressa ye ser feliç.
An bouna hora bino la Declaraçon Ounibersal delas Dereitos Houmanos, pena que inda nun tenga chegado a todas las squinnas, pos yá bai bielha.

Abraços

JMCA

Solo agora bi la ambora de la scuola ne l Hoije. Inda bai habendo garotos an Sendin, mas siempre se scuita que yá hai poucos.

Çcobri ua reportaige que eiqui bien acerca de Sendin, nun se queixan:

http://www.youtube.com/watch?v=9V3raAOw2F0.

Abraço,
Cecílio

quando èra garoto tamin las fiz e chamabale boladeiras
nun sei olhai a ber
paxareiro

Hai un retrato que Zé Chico puso ne l HOIJE, de Juan Toca la Gaita, natural de Atanor, i que bibie puls pobos a pedir smola, i que nós ls garotos le deziemos, «á Juan, tocas la Gaita? i el respundie, pode ser, pode ser».
Tamien you an tiempos publiquei un testico subre esse home que bibie nua caberna acerca de Atanor, que nunca casa tubo.
L miu testo fala dua beç que l bi, ne l camino de Atanor, inda nun habie strada, por alturas de las Ourrietas, stiraçado a la borda de l camino, yá mais bielho do que l amostra l retrato de Zé Chico.
Deixo eiqui esse testo que screbi ne l miu blogue, an htt://lhengua.blogspot.com i que mui poucos l teneran antendido cumo a respeito de Juan Toca la Gaita i al mundo que el repersenta. Çculpai-me por acupar tanto campo.
Ye este l testo:

«Stiaba a la selombra de l camino, stendido cumo retrato a negro i branco. Al lhado, l fol de la gaita salie cumo penheira de l munton, mas sonaba a milagre, l ronca siempre a el preso cumo braço. Ls pelos de la barba éran ralos cumo ls pinhos adonde l cabeço botaba sue crencha, i ls uolhos dues ourrietas cul sol a pique i un relhumbrar triste. De ls dientes solo un quedara, negro pedamiego a aguantar l cielo de la boca, que até ls mais dóndios regoixos caçuában del. Ls rieiros de la cara éran mais que an lhadeira spechucada por truniada apuis de sementeira, nun fura la melma que se s'acamara i le ponie la teç a relhuzir cumo un bienabienturado an sou altar. L bezerro de ls çapatos retrocie-se an scultura delorida a deixar l dedo grande assomá-se pa la tierra que nada querie cun aquel Juan i menos culas modas de sue gaita.
La prainada stendie-se cumo cielo nubrado a alhargar l sboleixar de ls farrapos adonde l aire le custaba a acertar ne ls buracos, tan fuorte era sou tembraduro a la bista daquel mundo fuora de l mundo. Habie de chegar a la aldé, mas solo quando yá nun aguantasse l rugir de l stómado, que era siempre cedo pa las subelas de caçuada, era siempre cedo para ancarar cun un mundo tan boubo que até a el l agarraba por boubo.
Un airico albanta un puolo burmeilho ne l camino, lhebe cumo ua renda, a apagar las pisagadas de l tiempo antigo, que yá nien el mesmo sabie quien era. Siempre soubo que nun habie outro remédio senó cuntinar al palantre, pula sola puorta de l tiempo siempre abierta. Boubo el... i dába-le aqueilha risica que siempre le fazie cuçquinhas ne l diente que quedara.»

Amadeu Ferreira

Solo para lembrar mais algues fuontes de áuga que hai an Sendim (debe de haber poucas tierras cun tanta bica - cda rue ten no mínimo ua):
- La bica de l Matadouro (por sinal la melhor an graduação)
- La bica de la Fuonte Nuoba
- La bica de ls Barriales
- La fuonte de la rana, quando chobe mana...

1 abraço e Buonas Fiestas

L persor Almendra ten falado muito en yerba no campo de la bola i ten la sue rezon.
Mas falou hoije nua cousa queme deixou la pulga atrás de l´oubido no que se pagou polas tierras del fresno en Miranda? You nun sei quanto foi?
Mas esso ye el que dá albantar la libre quando eilha stá dormir, i apuis ye que se atira para la matar.
L mesmo se passa en Sendin cul camino del Pilo, apesar de la Zona andustrial tener, ou nó sucesso.
Anton agorra faze-se el camino ye apuis quanto se bai a pagar polas tierras? Será que quien ten las tierras, pide la mesma cousa agora que pedie antes de fazer l camino? Ye en miu antender comecar la casa pol telhado.
Quanto a lá bola, you nun sou sócio mas ls báldiários son la cousa mais prioritários i stan assi yá quaije 30 anhos. Se la camara nun paga i la junta tamien nó, pedi a ls sócios i a ls que nun son sócio i haver se junta algun que seia para esso, you acá stou para ajudar nel que puoda.

Abraços

JMCA

Alguns númaros de las freguesies(censos 2001, bisto na Wikipédia):
Sendin -> 1 432 habitantes;
Miranda de l Douro ->2 127 habitantes;
Mogadouro -> 3 638 habitantes.

Ora caralho, inda que séiamos menos stamos siempre dieç bezes mais squecidos.
Eilhes ténen pecinas calientes, campos cun relba i todo l mais. Nun ye ser contra ls outros, mas hai que defender Sendin(ó melhor ber un cachico de justícia).

I hai que ber que Sendin ten cousas solo pula bundade de ls Sendineses(zde campo Balentin Guerra, Bumbeiros fúrun ampeçados por 4 pessonas nun barraco, até l SAL ye apoiado cun (cuido que inda ye) 0€ anquanto Miranda ten guapos sítios anstitucionales a las moscas);

Solo beio ua cousa que Sendin ten i poucos mais, Anternete(a) Wireless pula Junta.

Agora l campo bai ser relbado pul pobo? Se ten que ser ten que ser...bá.
Ai Jasus.

Cecílio

Ua curjidade subre l bulho, que me lembrou por causa de la crónica de Amadeu Ferreira.
Ua beç furun a almuorçar a mi casa; antre eilhes un rapaç que ye eimigrante an Fráncia mas ye de Bila de l Conde.
L almuorço era bulho. A la fin mi mai (la cozineira) pregunta-le al rapaç se staba buono.
-A si ye mui buono; mas l chouriço ten alguns uossos.
Abraço,
Cecílio

Mi buono l cunjunto de retratos de peinhas i faias puosto por Carlos Ferreira hoije.
A mi las que mais me guostan yá dá muito ye l Picon del Diabo que parece un cenário del Senhor de ls Anilhos, dá grima, i la faia Amarilha.
Mas só alguns reparos la Fuente del Pingo queda un pouco mais abaixo dessa faia del retrato no mui longe, mas para abaixar ua pata ten de andar mais baixa que outra.
La fia que le chama Carlos la del Cuorno quando bou Faias Malas siempre penso en la ber caer pal riu, a mi siempre se me dou para mal.
La que l diç que ye un picon na Fragosa que se bei del riu podes chamar faia de Adamastor, pos Admastor stá a la puanta de riba i penso que se ancontra al rebolber del riu an faias Malas, parecida cul cabo de las tormintas.
Obrigsdo pol retratos

zé mialito

Agora ne l Twitter. Era solo pa dezir q apartir de hoije todas las amboras de l hoije, cumentairos de l forun de l blog i todo l q se scribir ne l SAL bai a star tamin outmaticamiente ne l twitter de Sendin an http://twitter.com/sendim

Ten se passado algues cousas hai un tiempo para cá, bounas i menos bounas por Sendin.

Las bounas i l carreiron del Riu, para mi del melhor que se fizo en Sendin nos últimos tiempos, pena que nun se faga nas arribas anteiras, mas cul tiempo quin l sabe, i apuis bengan ls turístas.

Outra cousa bouna ye ls pontos del IC5 que yá bai dando para ber por onde bai a passar, i yá se bei mexer, yá saliu del papel.

La menos bouna yé l´arranque de las binhas, seia pola politíca de la tierra queimada, seia por recebir mais uns ouros ua cousa ye cierta l Paiç stá de hadil i l soulo de Sendin yá dou mais ubas. I assi you steia anganhado mas l fougo inda bai ser maior.
La cousa bai quedando al modo daqueilhes que quiren l region para descanço para ua coutada de turístas. Que deia solo para uns poucos, i apuis he-mos de passar l tiempo a anbestigar las countas dels noussos que yá se fouran.
Naide ye culpado de nada, mas siempre haberá uns cun mais culpa do que outros i ls mais culpados saben bien que si.
Falaba mais un pouquito mas queda para outro die.

Abraços

JMCA

Stube a ber eiqui mais anformaçon subre la coperaçon essa: JN cooperação fronteiriça

Mui bien; ende ben denheiro("já assegurados 48 milhões de euros de Bruxelas"; you cun ouros inda nun tengo eideia de la dimenson; an contos (se nun m'anganhei) son 9 milhones i 600 mil contos...inda assi nun sei se dará pa ua chicla). Pul meio de las linhas peç que li "nun l chupas"; nien l bais a ber. You muito sinceramente inda nun antendi l que ban a fazer cul denheiro. Ah secalhar nun stá ne l artigo. Ah secalhar inda nun sáben l que ban a fazer. Nun ha de faltar adonde l gastar (mal). Ban a gastar-lo an "redundas"? Nien esso.

Cecílio

Gostei de ber ls retratos de la Scuolica.

Yá sali de la scuola ende por 20 anhos, tanto you cumo flipe que eramos colegas de carteira i apósto que sta todo eigual, specialmente las retretes.

Cousa que cuido que se deberie demudar. Dezei-me se stou anganhado, porque se nun stubir, ye mismo ua bergonha (yá era de l miu tiempo) staren las cousas nessas cundiçones.

Poner uas casas de banho an cundiçones nun custa nada i ye buono para la salude.

Aspero mismo que you steia a dezir babuseiras i aqueilho ya steia mismo demudado....

Abraços

Ben eiqui porque bou bendo, i neste caso ye subre la dega, ou melhor Cooperativa Agrícola Ribadouro penso que inda seia esse el nome.
Como de facto hai muita cousa que me passa al lado mesmo stando por Sendin, i como nun sou sócio mas penso que tenga algun direito a dezir algo sobre eilha.
Mas hai ua cousa que me deixa algo assi a pensar porque será que la maiorie de las pessonas de les corpos sociales(deilha) ou sues famílias son ls que mais arrincan las binhas. Liba a fazer que pensar.
Penso que nun seia porque son mais letrados, que seien porsores i doutores, liba-los mais debre a saber de algo que ls outros nun saben, ou a dubidar de algo!

abraços

zé mialito

Biba Zé.
Bou you tamien a botar la mie faladura que esto stá mui sossegado.

Ampeço por dezir que desto de l arrincar de las binhas sei pouco i "you" nun las arrinquei. Solo sei que dan denheiro pa las arrincar, mas cula eideia de renobar las binhas. Claro que hai mais pessonas que stan a arrinca-las i apuis nun pónen outras cepas (sei de casos que si las ponírun mas será la eicepçon).
Stás a puxar ls uolhos pa ls uorganos de la dega i las sues famílias, mas cuido que nun hai que ser tan cuncreto. Tu própio yá me deziste la respuosta: "Trabalha burrico que has(-)de chegar a rico". Yá biste alguien chegar a rico a trabalhar(an special cul sacho)?

Mas la "nuossa" cultura ye que ye essa, la binha peç que nun stá a render; a dar denheiro; tengo que cumprar un trator nuobo. Bendo bien esso ten bantaiges (poucas i culas quales las pessonas se angánhan a eilhas própias: "you sei l que stou a comer") mas la eiquenomie familiar [tamien] ten zbantaiges. Yá cunteste l denheiro que gasteste an tratores, adubos, jeiras ... (sálen baratas nun sálen? trabalhar pa calecer). Basta ber que quaije hai mais tratores que binhas.

L que ten mantenido las tierras ye l amor a la camisola, agora yá todo mundo quier buonas jiquetas i até calças de marca(de las Pesadas yá nun sírben).

Abraço
Cecílio

Faleste mui bien, i todo mui cierto you quije chegar a outro lado, i por esso fui mui concreto. El Porblema ye fondo i muita giente quier ye zbiar-se del.
Todos saben quel torron nunca batiu tanto no fondo como agora, mas no meio de todo inda hai quien chegue a rico i nun passe por borrico, sei a lhá tenen mais astúcia.

Abraços

zé mialito

Buono hai pessonas que tenen que ser sujeitas a ua reciclage al miolho cunfunden todo quando ye para riba dizen que ye para baixo, el que debe ser para baixo dizen que ye para riba. I adepuis nun le chega tentan meter miedo cunfudindo todos i haber se naide ls anquemoda.
L mundo ye de giente libre i que diç l pensa i no de quien atira arena pals uolhos.

abraços

zé mialito

Arre que tiu abilio recoseco ya pon binhas cun laser....

Será q l bino ya bai a salir na computadora?

Abraço

Desta beç Tiu Almendra passou todos ls limites... Retratos de 2011...

2011-10-31.. Calha por alturas de la feira de ls grases..

A esto chama-se prebisones de feturo....

BER L HOIJE NE L DIE 2 de JUN.

Abraços. Pedro

Manhana bai a ser assi? Quei? L campo de la bola de Sendin bai ser assi? Relbado?
Estes políticos...l pobo nun ls sabe scolher!

Bá, pul menos Pertual ganhou...

Gabam-sedeseraprimeira
banda rock
agrícola e são caso
único a cantaremmirandês
subsídios agrícolas e tractores,
com acordes do mais
puro rock da pesada.
“Surrealistas”é dos epítetos
com que já foram
brindados o que mais agrada
aos Pica Tumilho, cinco
jovens mirandeses que há
12 anos criaram uma banda
em homenagem à agricultura.
Numa altura emque “a
lavoura estás de rastos” e
“os fundos da CEE foram
bem (mal) gastos”, dois engenheiros,
umenfermeiro,
um estudante e um professor
queremmostrar que os
rurais têm futuro e dar
uma“alma nova à abandonada
agricultura”.
Dos cinco, apenas um
permanece na terra, Sendim,
no concelho de Miranda
do Douro, mas garantem
que, ao contrário de
outros que saíram da região
para trabalhar e estudar,
“não somos daqueles
que abandonam a agricultura”.
Em pouco mais de uma
década, já granjearam um
clube de fãs –“Os Picanços”–,
embora ainda algo
reduzido ao Nordeste Rural,
e conseguiramtranspor
as fronteiras da região com
concertos naMealhada ,Viseu,
Leiria, Braga, Lamego
e por aí fora.
Têmembandas comoos
AC/DC as referências sonoras
e nas samarras, bonés,
jaquetas espalhadouras,
motores de rega e outros
instrumentos agrícolas a indumentária,
uma mistura
exótica que é imagem de
marca do PicaTumilho
Emílio é o criativo da
banda que traduzemcómicas
letras “o quotidiano e a
essência do povo”exaltados
na guitarra dePedro,nas teclas
de Bruno,na bateria de
César e no baixo de Nicolau,
com, ainda, a melodia
da tradicional
gaita de foles.
Pica Tumilho é um grupo formado por cinco jovens que,
há 12 anos, decidiram homenagear a agricultura
■■■ História começou com um desafio lançado pela tia de um dos elementos
bouna èsta

bouno anho i bounas fistas para tie ALMENDRA
las anboras d hoje sao bin guapas aprecanse a quin mous gobernan mas l culpa ye nussa se la junta nun poude ten un trator cun tanque a tras quel inxa i nel die de la fogueira an miranda que l regue bas a ber se nun faz nada o seno quando benir un menistro ou un grande del goberno mesmo l bispo regai las rues an bes de l dar flores i bounas pustas d bitela
ba quedo pour quie pal anho que ben sera na mesma
ba tiu ALMENDRA CONTINUAI i la fogueira ya se prepara
ya merqueste l prenda dl nieto comprame ua a mie
BOUNO NATAL A TODOS I QUE L FOGUEIRA CALHEçA TODOS LS CORACONES
PAXAREIRO

Comentários Imprimir Regional

Miranda do Douro: Balcão dos CTT de Sendim pode passar para a Junta de Freguesia

O presidente da Junta de Freguesia de Sendim, Miranda do Douro, anunciou que a direcção dos CTT lhe propôs “recentemente” a transferência do serviço de atendimento dos Correios para a tutela daquela autarquia.

Aquilino Ginjo, eleito nas listas do PS, adiantou que a proposta “ainda não foi aceite” havendo em cima da mesa contra-propostas que “passam pelo pagamento da renda do espaço onde se encontram instalados os CTT” ou pela “cedência de um imóvel a titulo gratuito para aí instalar o posto de Correios”.
“A direcção dos CTT informou-nos de que já está a entregar postos de Correio às juntas de freguesia, “ acrescentou o autarca.
A Assembleia e Junta de Freguesia de Sendim estão agora a analisar a proposta no sentido de manter em funcionamento o atendimento ao público, para que não se perca mais um serviço na vila trasmontana.
Segundo Aquilino Gingo, os serviços dos CTT na vila de Sendim têm demonstrado “qualidade e eficiência ” e, na opinião do responsável, deveriam “manter-se em funcionamento como até aqui”.
Os CTT “nunca falaram em fechar o serviço de atendimento, mas sim em chegar a acordo com entidades ou empresas locais que assegurem o serviço,” adiantou Aquilino Ginjo.
O presidente da Junta de Sendim diz que foi igualmente informado de “que a distribuição postal vai manter-se, apenas haverá uma reestruturação do serviço”.