PARQUE NATURAL DO DOURO INTERNACIONAL

Tamien you li las notícias salidas ne l Público, hoije i die 13 de Abril, subre l corte de ls nebros an Cércio i an Freixenosa. I acho amportante que se çcútan essas cousas i tamien l PNDI [Parque Nacional de l Douro Anternacional] que, cuido you, ye ua cousa buona. Deixo l Parque para apuis i falarei agora de nebros, inda que falar dessa arble tamien tenga a ber cul PNDI. You sou un cachico suspeito a falar de nebros / niebros [diç-se de las dues maneiras], pus cumo muita giente sabe agarrei essa palabra para un outro nome miu i essa ye ua de las cousas que me sal de l’alma.
Antes de mais quiero dezir que, an giral, nada tengo contra l corte de nebros, yá que las arbles ténen de tener un uso. Só que esse corte tem de ser feito cun cuntrole i nun puode ser de qualqueira maneira. Mas tengo de recoincer que tamien you nun sabie que essa era ua arble protegida. Cuido que hai que fazer algues preguntas: porque nun ye protegido l nebro? Que ye que, até agora, fizo l PNDI para balorizar i para classeficar essa arble? Essa balorizaçon serie ua porteçon nun solo pa las arbles cumo serie ua balorizaçon pa ls sou duonhos.
Que you saba, l nebro ye ua arble andémica de las Arribas de l Douro, sítio adonde las cousas médran debagar: todos sabemos que un nebro lieba muitos anhos a formar-se, por esso ye un palo mui rézio. Eilhes ende stan porque las pessonas los protegírun, mesmo antes de haber PNDI.
Ye ua madeira special capaç de aguantar ls temporales, nun hai caruncho que entre cun el, nunca apodrece: canhiças i puortas a la cara de l’auga, cantiados, speques, stacas para ciguonhas… siempre fúrun algues de ls mais normales usos de l nebro. Mas habie outros: hai uns anhos bi ua biga dun lagar de ubas, an Freixenosa, que era un nebro cun mais dua dúzia de metros, ua cousa strourdinária i que habie de haber tardado cientos de anhos a crecer.
Para alhá de todo esso daba para fazer l azeite de nebro, un ólio que tem muita malzina i tamien sirbe para cosmética, mas nun sei se ye l mesmo. Jesé Mialito yá ua beç dixo cumo se fazie l azeite de nebro i you cumbido-lo a repetir eiqui esse saber.
Datrás, diç-me miu pai, la rama de l nebro, berde i todo, era mui ousada ne ls lagares de azeite para calcer la fornalha i assi ajudar a apartar l azeite de l alperchin. Mas para casa ye fraca leinha que las brasas lougo se apágan i nun dan para assar chicha i la rama bota muito castelhano.
Á Pedro, nun haberie maneira de ajuntar eiqui ne l SAL un cunjunto de retratos de nebros, bien deilhes, solicos ou an floresta, para que todos ls puodan ber?

You siempre tengo defendido que ls partidos quando solo miran para l sou umbelhigo atrapálhan mais que fázen.
Sendin deixou-se anredar por uns "merdas que quieren ser gente" i que stán por todos ls partidos.
Quedai sabendo que ls partidos fazíran un acordo para l diretor de l parque ser uas bezes de un i outras de outro.
Mas por trás scríben cartas i fázen todo para nun deixar trabalhar l que stá.
Fui i ye assi.
Cunhas tamien nun faltan.
Politica cun regras ciertas nun hai para l parque.
Ls que fálan de mais amolan-se, cumo puode andar esto bien?
Mesmo neste blog hai graxistas.
Bamos a ser homes ou mulhieres i poner l antresse de la nuossa region na delantreira.

Ribeira de Forcaleiro

Pormenor de um Nebro

O que eu tenho a dizer acerca deste tema, ao ser uma espécie endémica, logo é única e como tal necessita de ser protegida. Desde cedo me apercebi da qualidade da madeira do nebro. Pois sempre o meu pai (carpinteiro desde cedo) a utilizou para as mais diversas utilizações… cegonhas, espeques de oliveiras, canteados, vigas… postes.. etc.
Há uns anos atrás, fui desgalhar uma terra de nebros que tenho no ancho do risco.. (qualquer dia tenho de ir ver como estão). Na altura falou-se em abrir um caminho para lá.. mas o parque (PNDI) não deixou porque iria alterar o ecosistema.. OK está certo, mas o que o parque está a fazer em relação ao corte que está a ser efectuado pelos espanhóis?? Deixo uma foto (na secção de Fotos) do pormenor de um Nebro e uma vista de sobre os nebros que estão na ribeira de Forcaleiro.

Não será importante também evocar, particularmente no âmbito dum Parque Natural, o problema que constitui, sem dúvida, a utilização de pesticidas e herbicidas?
Falei, há dias, com apicultores, em Sendim, e comprei-lhes mel, mel das hortas e mel das arribas.
Estão preocupados como nunca estiveram até agora e estariam certamente mais revoltados ainda se a apicultura fosse o único meio de subsistência deles... As abelhas morrem e os enxames estão cada vez mais ameaçados de extinsão. Noutras zonas, como em Espanha, segundo me explicaram, a situação é pior ainda.
Já não sei onde foi que li ou ouvi um dia que a morte das abelhas podia ser premonitória de uma catástrofe que possivelmente pode rapidamente ter incidências também sobre os seres humanos…
Mas uma coisa é certa: os apicultores de Sendim, como em qualquer outra parte, apontam todos como causa directa da mortalidade acelerada das abelhas à qual assistimos hoje em dia, os pesticidas e herbicidas que se utilizam principalmente na agricultura de maneira perigosamente intensiva, exagerada e irreflectida. Até nas ruas, em Sendim, já vi pessoas deitar “remédio” com pulverizadores para tentar destruir e matar alguns punhados de ervas que cresciam (ou tentavam crescer...) entre os paralepípedos ou numa pequena esquina, entre duas paredes... !
Não podem deixar de assustar cada um de nós - sobretudo que ainda há pessoas que não sabem ou (mais grave ainda!) que não procuram estar correctamente informadas pensando ingenuamente que esses produtos são totalmente inofensivos para o homem, as plantas e os animais - os argumentos falsos de total biodegradabilidade que avançam aqueles que fabricam como aqueles que vendem e comercializam esses produtos que não são outra coisa senão veneno.
Mas também as há felizmente que procuram informar-se devidamente e decidem reagir: entre Dezembro e o mês de Janeiro passado, a firma americana Monsanto que produz e comercializa plantas geneticamente modificadas assim como a marca de herbicidas Roundup (a mais vendida no mundo; no entanto considerada como a mais nociva pelos apicultores de Sendim por exemplo com quem falei) foi processada em França, na cidade de Lyon, por associações que consideravam que toda a propaganda publicitária sobre a qual se baseia essa firma era (e continua a ser em muitos países como por exemplo também Portugal) abusiva com recurso a argumentos falaciosos. Não é verdade, por exemplo, contrariamente àquilo que pretende essa firma usando isso também evidentemente como argumento de venda, que os resíduos deixados pela utilização de herbicidas nos solos deixam, como por milagre, de ter incidências e daí também consequências sobre os organismos, todos os organismos, sejam eles quais forem, entre os quais o homem...
Ganharam as associações! A firma foi incriminada e intimada a pagar multas de 15 000 euros a várias entre elas, todas em luta pela defesa e preservação da Natureza e respeito pela saúde pública e diversidade da fauna e da flora.
É o início duma tomada de consciência?
É de esperar que sim mas as iniciativas são certamente ainda muito insuficientes.
A prova: as abelhas que nunca morreram tanto como agora...
É de todas estas questões que um Parque digno deste nome, o Parque Natural do Douro Internacional por exemplo também, se deve preocupar com o objectivo sem dúvida nenhuma de reagir também duma maneira ou doutra sem nunca baixar os braços .
O que queremos: a vida ou a morte?

Há vários sites em francês que dão informações sobre aquilo a que se deu ultimamente o nome de “ Procès Monsanto”;
por exemplo este, sabendo que há mais:
http://www.passerelleco.info/breve.php3?id_breve=153

paralelepípedos!

Oubrigado al Tiu de la Marra i a Carlos puls retratos de nebros, todos mui piompones.
Quanto al PNDI cuido que el faç falta i fui ua cousa buona la sue criaçon. Mas l baláncio que del fago até agora ye mui negatibo, subretodo pul que nun se fizo, anque saba que muitos resultados solo se béien a lhargo prázio. Hai cousas que solo l tiempo ajuda, mas hai outras que ténen que abançar agora i nun beio geitos.
Nun conheço la pessona que stá a la frente de l Parque i nien esso para mi ye l mais amportante, anque seia amportante: que ténen ls gobernos (todos!) feito pul PNDI? I será que este ten sequiera denheiro para mandar canatar un ciego? Nun sei, porque nun stou anformado i talbeç fusse de ampeçar pula anformaçon.

Nas "Arribas en flor" esteve a fina flor da política.
Como de costume não faltaram os discursos e os elogios pessoais sempre aos mesmos, para os mesmos e pelos mesmos.
O director do parque estava presente.
O Amadeu Ferreira também.
E eu também, mas a procurar informações para o interesse de Sendim.

Era só.

Álmendra

Ei Zé Chico,

Mira nun sabie que l tiu esse de l PNDI staba alhá. Oubrigado pula anformaçon.
I para que nun haba dúbedas: you nun stube alhá por Sendin, stube alhá por Maria Fernanda i solo por eilha. Ls mius agabones fúrun para eilha i para mais naide i era esso mesmo que querie fazer i que fiç. Cada cousa an sou sítuio i a sou tiempo.

Amadeu

Entendi.
Solo nun sei que fui alhá a fazer un tal Calado que de calado nada tenie e que nada mais fizo que agabar-te.
Tu nun tenes culpa. Eilhes alhá sábem.

Zé Chico

Mira, Zé Chico,

You nien sabie que iba a star alhá aqueilha giente toda, até porque cheguei a Sendin ende ua meia hora antes de la sesson. Solo apuis ye que antendi que habie eilhi bárias cousas al mesmo tiempo. I cada un cumbidou quien quijo i you fui cumbidado por Maria Fernanda i nun cumbidei a naide.
Quanto al dr. Fernando Calado, ye simples: ye miu amigo, hai muitos anhos, porque studemos juntos ne l Seminário, éramos de l mesmo anho, de la mesma turma i dambos a dous teniemos la manha de ls teatros i de la scrita, boubices an que you siempre andube metido. Nun beio outra splicaçon i esta ye ua buona splicaçon. Claro que uns agabones, inda que séian de l nuossos amigos i inda porriba se nun stan ne l porgrama, sáben siempre bien. Cumo bés, ye todo mui simples i nun ye l que puode parecer.

Abraço,
Amadeu

La splicaçon ye mais que buona. Mas you quando beio muito político quedo algo scunfiado i cumo you muitos mais. Fui buono you dezir l que pensaba. Assi yá stá todo sclarecido. You sei que esso nun serie muito amportante para ti mas cuido que baliu la pena you ser assi.
Por mi sculpa.

Un abraço

Zé Chico

Mira Amadeu, fui pena you nun saber que l Dr Calado era tau amigo, carai fui miu prossor ne l curso i assie simpre poderie arranjar anfluencias LOL... (agora que sta na moda falar neilhas),

Mas el ye un bun home, tube muito prazer an conhecer-lo. Ua beç fizo ua sesson de Heipnotismo na classe i fui ua sprencia mui buona i anteressante.

An relaçon al tema, cuido que l que l parque anda a fazer i l que ya se fazie antes de haber parque era l mismo. Preserbar sta na cuncencia de cada un. Se un se lembrar de pegar fuogo a ua ladeira, que faz l parque para eibitar l que ardiu?

Cuido que an Sendin la maiorie de las pessonas ya ten cuncencia de l que hai q fazer i durante anhos las cousas nun demudorun muito por esso digo esto. Agora esto de l parque sirbe de tacho para muitos, ye mais un gabinete cuido you. Se ua persona quejir fazer ua casa nun terreno que quede ne l parque inda que seia junto de l termo nun puode, mirai que l parque ampeça an pie de la casa de Anselmo Felguerias... Son cousas eirriales. Algo sie mas tamin nin tanto. Peç que a todo l custo quiran fazer regras i leis onde nun las puode haber.

Paque? Hai uns que l chaman zonas berdes. Aqui hai uns anhos, nun l passaban la licencia para fazer ua casa, ne l meio de l termo de Sendin, a miu pai, dezindo que era zona berde. Hai boubos para todo, até me dá la risa. Apuis achais que este munda anda bien?...

Pus ye pena Pedro, estas cousas ua pessona sabe-las siempre apuis de tiempo. I inda bien, que tu sós un rapaç que nun precisas dessas cousas, que tu subirtes porriba de toda.
Agoar l Parque, ye mui simples:
- para cumplicar, nó;
- para resolber i ajudar, si;
Até agora acho que ten cumplicado mais que ten ajudado.
Mas cuido que faç falta. Ten ye que trabalhar i bien, a fabor de las pessonas.
Nun bonda tener cuncéncia eicológica. Hai que ir mais loinge, hai que fazer cousas que ua pessona eilha sola nun puode fazer. Agora se ye solo para tachos, esso nó.

Hoije hoube ua reunion de l Parque Natural Do Douro Internacional ne l auditório de la Camara de Miranda de l Douro, para todos ls que quejissen ir, para falar, cumo nós eiqui, subre l Parque.
Se fusse ua pantomina qualquiera ls antendidos stában alhá.
Assi stába l diretor i mais dous.
Quin se amportou?
Solo seis i un era de la Cooperatiba. Azar.
Nun ye azar ye boicote.
Nun se deixa fazer para beníren mais tarde cumo salbadores i antendidos.
Mas cuidan que ls outros son burros?
Diretor, mantente firme i diç a esses cobardolas que scríben a las scundidas que apareçan.

Zé Chico

I se essa porparaçon de que nos rebeleste l segredo, Zé, fusse nada mais nada menos que la célebre poçon mágica tan procurada?! Nun ye bizgo afinal l’angrediente principal mas azeite de niebro... A mi tamien me parecie!
I pulos bistos, l respeitable druida de l’aldé: bais a ser tu. La tue sabedorie ye mui grande! Inda debes de tener mais outras receitas an reserba !
Mas quien caiu ne l caldeiron quando inda era pequeinho i yá nun precisa de la beber la poçon mágica? Quien?

Goatei de ler l que screbiu Zé subre l azeite de nebro.
Mie mai sabie todas las rezas, chás, xaropes, pomadas i mil i un remédio i you quedei cun muita de la sue sabedorie.
L azeite de nebro era ua de las sues receitas i you cheguei a faze-lo.
Todo l que deziste stá cierto, solo acrescento que l nebro ten que apanhar sol todo l die.
Para aparar l azeite usaba en beç de ua banheira de zinco un barrenhon de barro.
Inda me bou a animar a fazer un pouco.

Almendra

éi ZE as chicharas é bonito e cantao bem mas éu prefiro as formigas mas em sendim ate apareçe que à poucas e a respeito dos nevros se dessem laranjas de sertesa que as arribas nao estabao assim
espero que me comprendas e deves conheçer a cançao da chichara e a formiga
Antonho Peichareiro

Las receitas qualquiera die yá ampeço.
Mas L Parque yá fizo ua cousa buona que fui un libro cun todas las plantas "aromáticas e medicinais" de l parque.
Del nebro diz que sirbe para muita malzina.
La essência de nebro en alcol sirbe para sfregar ls zinolhos i ls pies puis faz bien al rematismo.
Mas un die tenemos que screbir todo, puis al libro fálta-le muita cousa.
Las pomadas tamien ye amportante.

Un abraço

Zé Chico

Ye de l ICN (Instituto de Conservação da Natureza), la eidiçon.
L Parque Natural de l Douro Internecional en Mogadouro debe tener.
You tengo un que te ampresto.
Quando benires a Sendin ye solo dezir.
De l finolho diç que ye ( carmativo, digestivo, expectorante, galactagogo e vulnerário). Esto parece-me algo cumplicado.
Mas usan-se las semientes la raiç i las fuolhas.
Sírbe para ls antestinos, l stómado, l figado.
L libro fui feito por antendidos en palabras caras.
You quaisque sei todas las malzinas yá te splico melhor, se quejires.

Yá mais de 15 dies que todas as manhanas l miu desaiuno ye chá de finolho.
Ls chás son buonos i las malzinas tamien i anté las rezas. Mas ten que se saber bien l que se debe fazer.
Hai doutores que fázen muita falta, mas tamien ls antendidos en malzinas puoden fazer muito por la salude de las pessonas.
You puodo falar por que sei.

Un abraço

Zé Chico

De l frezno diz que sirbe para "reumatismo, tensão arterial, dor de cabeça, diabetes, má disposição e rins". You l que sei por la pratica ye que ye buono para la tensão i para la delor de cabeç se for de tener la tensão alta. Faç bien al rematismo, mas ten que se saber fazer l chá i l unguento para sfregar. L chá faç mui bien als renhones, bebe-se três bezes al die i debe-se beber muita auga.
De l carbalho nun diç nada, mas ye ua planta que pouco sirbe para las malzinas porque hai outras melhores.
La yerba de San Reberto ye mui buona para eibitar las tromboses. Un copo desse chá todos ls dies faç mui bien.
Cada un debe saber las sues malinas, nun bamos a tomar de todo.