ONDE YE?
Onte mostrei três lhugares i las respuostas nun fúrun muitas, mas inda hoube ls que acertórun.
1 – L retrato fui tirado de la rue de las Faceiras cerca de la casa de Jesé Ferra.
2 – La rue ye la rue de las Faceiras que ampeça na rue de San Sebastian cerca de la casa del MIDNES. Cumo muita giente nun sabe onde ampeçan i acában las rues, tirei l segundo retrato.
3 – Esta tamien ye la rue de las Faceiras, mas a birar para l canzielho. La rue cuntinua cerca de la casa de Alfredo Catorze na direçon de l canzielho, onde mora la mai de “Chico Russo”. Fui al birar que tirei l retrato.
Hoije mostro-bos la rue nuoba onde mora Carlos Barranco.
La rue nuoba
I la trabessa dels Gatos que ye la primeira del lhado squierdo de quien bai na rue nuoba, del canzielho para la praça.
La trabessa dels Gatos
Parece que estas cousas nun amportan, mas coincer bien Sendin i sentir-lo ye mais amportante que parece.
Para acabar por hoije ua quadra de un sendinés:
Tenemos caras queimadas?
Ye sinal de giente rude,…
Rudeza nun mos deshonra,
Deshonra ye nun tener birtude.
