Ls Demingos de Outonho, quando l die stá buono, son buonos de passar.
Por la manhana, uns ban a la missa, outros a la caça i outros a fazer alguns trabalhos que nun puoden fazer noutros dies.
Por la tarde uns quedan ne l Sagrado a dar quatro lérias i outros ban a ber la bola.
You fui por la manhana a la caça, mas nun cacei nada. Mas fizo-me bien andar.
Quando benie parei nas eiras del Smaque i tirei estes trés retratos, mirai bien, que bale la pena ber Sendin dalhi.
Mirando para l lhagar de azeite
Mirando para l café de la fuonte nuoba
Mirando para ls barriales
Almorcei i fui a ber la bola. Nun calhou nada bien porque Sendin perdiu.
SENDIN 1
VINHAIS 3
L jogo parcie eiquelibrado
Ls rapazes son nuobos i inda por riba, a la ultima de la hora, dous dels melhores nun podírun jogar. Mas ban a melhorar.
Sendin inda atacou, mas de nada baliu
Mas passou-se ua tarde agradáble.
