Ye bien berdade que l nuobo ten l sou balor, quier por la einuobaçon, quier por l que trai de buono para la giente.
Mas a las bezes trai zgrácias i misérias, nó solo an sentido matrial, mas mais an sentido sentimental i spiritual.
Quando bemos Sendin cumo hoije ye quedamos cuntentos, mas yá pensestes ne ls que inda se lhembran de cumo era dantes?
I ls que por todo l mundo andan hai mais de 50 anhos i que nunca buolbírun?
Pus hoije, piedo als filhos de todos quantos, hai mais de 50 anhos nun beian Sendin i als que acá stan i que tenen pais ou abós que se lhembran, para l mostrar ls retratos d’hoije.
La precisson a chegar a la eigreija, de la rue de la Frauga
Mirai bien para las casas i para la giente. Nun bos dá grima als mais bielhos. Inda coinceis a muitos de ls que alhá ban? Zé Gil, Aníbal Branco… Ls outros scubri bós.
Mirai la rue hoije, ye l mesmo sitio
I la precisson de las eiras? Francisco Geraldes, l porsor Zé Preto cun la filha Bergininha… I ls outros?
La precisson de las eiras
I hoije cumo ye la rue del Semitério? Até l Semitério ye maior i yá tenen que l'alargar outra beç.
La rue de l’ Armita
