Hoije, a las trés de la tarde, hoube ua reunion de sclarecimento subre ls nuobos subsídios para la agricultura.
Anquanto nun se ajuntaba la giente, staba a mirar para la scuola bielha i a lhembrar-me de cumo era l recreio quando dei alhá scuola.
Hoije ye un jardin mui lindo i tem tês quadros de azuleijos que fizo l nuosso arquiteto Jesé Nobre.
Stá ua cousa amportante i cumo cuido que muitos de ls que stan ne l strangeiro, nunca ls bírun, ende bos ls mostro.
La tie a filar, l pastor, l’águila…
Ua carga de ubas, la ciguonha, las bacas…
Ls garotos ne l recreio
Ls azuleijos de la staçon éran lindos, mas estes tamien son.
Mas cumo se fui ajuntando giente fui-me a la reunion i ajuntou-se bien giente, pena fui que ls nuobas nun fússen mui buonas.
La giente que alhá staba
I ls que benírun a anformar
Las cousas nun ban a star mui bien, mas ciertas medidas, para que la bida seia mais saludable, parecírun-me buonas. Mas you nun bou a scutir esso, eiqui ye para anformar i nada mais.
Tratou-se de l PRODER ( Programa de Desenvolvimento Rural) i de l ITI (Intervenção Territorial Integrada).
