Hoije fui a ber se habie castanhas para l die 30, que ye l die dels Grazes i cumo sabeis bai a haber ua proba de bino na Dega.
I quedei cheno de friu. Yá parece Ambierno. Chegou l friu.
Nin me lhembrei de que tenie que fazer la nuoba d’hoije.
Quando cheguei a casa staba a pensar que nin sequiera tenie tirado un retrato, cul friu.
Mas tengo siempre muito que mostrar. Sendin ye un poço sin fondo. Ye solo salir a la rue I tener eimaginaçon.
Solo bemos la eigreija de frente, mas de trás tamien ye linda
I esta casa ne l Baiunco!...
Nun son solo lindas las rues, mas las casas i ls monumentos ténen tamien la sue stória I l sou ancanto. Hoije bou a falar un pouco desso. La eigreija fui recostruida an 1958, la última beç, mas na cruç de la trazeira ten la data de 1775.
La casa del Baiunco ye bonita, mas las dues juntas inda quédan melhor.
Las dues casas!...
Inda bos lhembrais de quien morou alhá?.
Preguntai, se nó, sperai por manhana para saber…
