Ampeçou hoije la taça de la Associaçon de Futebol de Bragança. Sendin jogou cun l Clube Desportibo i Cultural de Carção. L jogo fui animado, ls jogos de taça son siempre çfrentes. Hai mais animaçon i anteresse.
Las eiquipas formadas antes del jogo ampeçar
L Carção a saludar l Sendin
Muita giente nun sabe i cuida que esto ye ua cousa sin anteresse, mas nun ye bien assi. Todo se passa cumo debe de ser i Sendin yá ten ourganizaçon.
Ls apanha bolas de un lhado
I ls apanha bolas de l’outro
L jogo curriu bien, cun algues antrequidencias, mas sin maldade. Las eiquipas éran mui eiguales yá que l Sendin ten ls dous melhores jogadores sin podéren jogar.
Al fin ganhou l que cunseguiu marcar un golo.
Un retrato del jogo
Sendin ganhou i ne l fin todo mundo quedou cuntento yá que este anho jogórun muitos jogadores de Sendin. Yá tenemos moços de la nuossa tierra i que muito animou a la giente.
Ye assi que tenemos que fazer, mostrar que nós somos capazes i que se quejirmos eiqui ancuntramos todo.
Ls que acá stamos nunca deixaremos Sendin morrir.
You sei que muitos dels que stan loinje, i quieren benir a colhir ls fruitos, fázen todo para dezir que nada se faç.
Mas ls feitos ye que cúntan.
SENDIN – 1
CARÇÃO - 0
