Hai quien diga que la Primabera ye la staçon mais quelorida i mais linda. You cuido que todas las staçones del anho ténen l sou ancanto.
Hoije fui pul termo, puis Sendin tamien ye l sou termo. I quantos dels que stan loinje nun se lhembran, muitas bezes, de ls dies an que íban pul termo?
Nun ye linda esta carbalheira chena de bolhacas?
I quando scuolhiemos ls bolhacos para jogar nel recreio de la scuola, ou quando ibamos cun las mulas, ou nels currales?
Inda sabeis medir a palmos e fazer las poçaquitas?
I quando ne l Outonho mirábades para las arboles i quedábades a mirar para las mil quelores de las fuolhas?
Nun ye linda esta arbole?
Quando benie pul camino inda bi muitas mais, mas nun puodo poner todo, mas solo bos mostro mais un retrato de l que iba bendo ne l camino, a la borda de las paredes i outra de la Trindade, alhá loinje, cumo que a dezir que tamien ye un cunjunto bien bonito de sobreiros, que dórun la corcha para ua fábrica que hoube an Sendin.
Nun bale la pena dar ua caminada pul campo?
La Trindade stá loinje, mas quien la biu nun la squece
