Passei pul campo de la bola porque ls moços me pedírun para fazer ua scuola de FUTSAL i fazer ua eiquipa cun eilhes.
Cumo you nun recuso nada para la nuossa rapaziada, alhá tenerei que fazer la eiquipa.
Un die destes yá bos bou a mostrar l campo nuobo de FUTSAL de l Sendin.
Mas por hoije bou-bos a mostrar cumo era i cumo ye la assistência als jogos. Sendin siempre stube cun l sou Grupo Desportibo.
Era assi, hai 25 anhos, la assintencia als jogos
L campo inda tenie uns palos a la roda del i todos s’ancostában als palos para ber melhor, hoije yá ten bancada i cubierta.
Hoije ye assi
Tamien por fuora solo habie caminos chenos de lama quando chobie i streiticos, mas hoije ten las rues que bos mostro.
La rue de l Poceirão
La rue que bai para l Semitério - Rue del Campo de la Bola
Ls retratos tirei-los de cerca de la puorta del campo de quien ben del Baiunco.
Todo muda, todo bai para lantre,
I se muito mais nun se faç…
Ye porque nun demuda l´ ambeija,
De ls que mos quieren ber atrás.
