Hoije ye un die special. Para muitos ls dies son todos eiguales, mas hai uns mais eiguales que outros. I an Sendin este ye un die çfrente.
Ye un die an que lhembramos todos ls nuossos familiares i amigos, i an giral todos ls sendineses que yá murrírun. Neste die, muitos que nun bénen durante l anho, áchan siempre un tempico para íren al semitério.
Por la manhana la giente benie de to ls lhados
Ye algo que queda bien i mos faç pensar i ser por alguas horas mais buonos. Nesse momento l mundo tamien ye melhor.
Ye agradable ber cumo stá lindo l semitério. You sou un pouco contra las baidades deste mundo, mas tengo muito respeito por quien trata tan bien l lhugar onde stan ls nuossos muortos.
Era assi la parte bielha
I la parte nuoba assi
Que Sendin se lhembre de ls sous i yá será siempre ua tierra amportante.
Hai ls que acredítan i ls que nó, mas todos tenemos que mos respeitar. I cumo se diç acá : cada un cun la sue i Dius cun la de todos.
La giente que fui a la missa ne l semitério
Quaisque todos yá fustes al rosairo de alguien que morriu. I yá oubistes la ouracion “triste dia” ye dessa ouracion que para hoije bos scribo ua quadra:
Das profundas sepulturas
Soará um eco fatal
Ao debino tribunal,
Chama Deus as criaturas!
