Hoije an Mogadouro, ne l notário fizo-se la scritura de la AZATS, que hai mais de un anho se speraba. La notária i l drº. Palhau tratórun de toda la papelada para que la scritura stubísse pronta i para que la cimeira de las percipales antidades tubisse bun resultado.
La notária i l drº. Palhau
Ls presentes na cimeira que cunseguiu que todo se fazisse cumo debie de ser fúrun:
António Carção bereador na Câmara de Miranda
L Presidente de la Junta de Freguesie Norberto Marcos
L Secretário de la Junta de Freguesie José Mendonça
L Presidente de la AZATS José Almendra
L Vice-Presidente de la AZATS Fernando Palhau
Ls bogales de la direçon de la AZATS José Mourinho i Hugo Picotez
L secretário de la Assamblé Giral de la AZATS Américo Ginjo
António André eimigrante an França
Filipe Almendra a bibir no Porto
Aníbal Moreno a bibir an Mogadouro
stubírun representantes de bários locales onde bíben sendineses i outros solo nun stubírun porque nun l fui possible, cumo l presidente de la Assemblé Giral, Amadeu Ferreira, mas que se mostrou solidário cun todo.
Ls representantes
Agora speramos que todo ampece a correr bien i que nada quede ne l papel.
L presidente a assinar la scritura
L presidente de la Junta
La scritura cumo habie sido dito na reunion de constituiçon fui paga pula Junta de Freguesie.
Por fin queda eiqui l nuosso agradecimento a la notária, Fátima Mendes, que todo fiç para que la scritura se fazisse nas dues lhénguas. Ne l fin yá quaisque falaba mirandês.
