Que cousa tan cumplicada será esta? Pus ye ua de las cousas mais amportantes de la bida i de l futuro de l nuosso cunceilho.
Naide se amporta ou quier saber desto i muitos nunca oubírun falar.
Mas ye eiqui que se joga l futuro i ls anteresses i las eileiçones. Muito de l que acuntece na politica de l cunceilho ten l Plano Diretor Municipal por detrás.
Bista de la ETAR
L plano bai a ser l decumento mais amportante para toda la bida de l cunceilho. Onde se puode costruir, onde debe haber agricultura, onde debe haber floresta, onde se han de fazer ETARS, las stradas, ls caminos, todo.
Mas quien se amporta?
Quien bos diç ou bos anforma?
Todos oubis dezir que alhi se puode costruir i acolhá nó. Mas quien decide esso?
Bamos a star atentos i preguntar als partidos l que pénsan.
La ourbanizaçon de las eiras
La ourbanizaçon de Gamboua
Las ourbanizaçones son buonas i las zonas de comércio i andustrias tamien, mas tenemos que saber cumo se fázen i quien ganha cun esso.
Para fazer estas ourbanizaçones ls duonhos tubírun muito trabalho, sin necidade, que agora ls outros tengan menos trabalho.
Stá na hora de fazer cun que todo se arranje sin percisar de tener que andar de puorta an puorta.
Nun puode ser un qualquiera a dezir que bai a resolber las cousas. Mas quien son esses que todo mándan i fázen?
