“Hoije, an Sendin” poderie ser un jornal an que to ls dies se punissen las nuobas cumpletas. Mas nin l SAL ten spácio, nin ls meios permíten poner todo l que se passa i quereriemos.
La feira
Por esso bengo outra beç a mostrar outro lhado de la feira de l die 30, porque sei que muitos de bós gustarien de tener stado acá i béren todo.
Ls remédios para todo
Na primeira beç fiç ua cumparaçon antre la feira dantes cun la feira de agora, faltótun ls carruoceles i l ceguinho a tocar i a cantar ua stória triste de algo que tubisse acuntecido.
Eiqui bos deixo ua quadra que l porsor de mirandês, drº. Emilio, screbiu ne l sou lhibro “ Memórias de pardo e linho”:
Entre Porrais e Lagoa
Mataram a Zé Tendeiro.
Deram-lhe um tiro na cabeça
E roubaram-lhe o dinheiro.
Ls porpagandistas
De la segunda beç mostrei la feira de ls burros i hoije mostro outras cousas que muitos íban a ber to ls anhos que acá benien.
Ls sapatos
Muitas mais cousas tenerie para poner, mas nun cabe todo. Se alguien quejir que you ls mostre, que diga, que you tengo ls retratos de quaisque todo e pongo-los ne l sitio de ls retratos de Sendin.
L ouribeiro
Ls plásticos
