Sábado ls pauliteiros de Sendin fúrun a Pontevedra (Espanha) a dançar. Demingo, yá chegórun passaba de las 15h. Cumo alguns de ls pauliteiros son jogadores de l G. D. de Sendin, solo fui salir de l’autocarro i ir para l campo, que Sendin jogaba cun Vimioso.
Ls pauliteiros a chegáren
Ls nuossos moços inda fázen algo por Sendim, nun ye por bias deilhes que las cousas nun se fázen.
Mas naide tem ua palabra de ancentibo para eilhes, mas para agabar a quien pouco faç nun falta.
Sendin bibe i cuntinuará a bibir anquanto la nuossa mocidade amar la sue tierra.
Na Dega hoube magusto onde nun faltórun las castanhas assadas i l bino.
Tamien hoube jogo de bola para l “campeonato distrital” i stube muita gente e hoube muita animaçon. L resultado nun fui l melhor, mas muito fázen ls nuossos rapazes. Ls sócios que fúrun a la bola bien ls apoiórun, gustei de ber la giente de Sendin ounida, mesmo perdendo l jogo. Ye por esso que tenemos todo.
La nuossa eiquipa
L resultado de l jogo fui:
Sendim – 0
Vimioso - 1
La eiquipa de Bomioso
Ye pena que la anternete nun chegue a todas las casas. Mas bamos a fazer todo para que cada beç mais giente la beia. Ye la lhiberdade que stá an jogo, mas inda hai quien tenga miedo que la giente leia l SAL i las nuobas de l Hoije .
