L’outro die mostrei-bos l ancuradouro junto al riu, mas nun bos podie mostrar todo. Por esso bengo hoije a mostrar-bos l resto.
Muita giente bai ne l Berano para l riu i bénen muitos de loinje a la pesca ou a passar un rato.
Muitos de bós solo oubis falar de ir para l riu a comer ua merenda i outros nin esso. Mas era buono que todos fússen a ber i a passar l die cerca de l riu. Faç bien i ye un sossego.
L café
Ye ua obra amportante que se fizo an Sendin. Alhi hai un café, un sitio para assar la chicha ou l peixe i muitos sentalhos a la selombra para passar ua tarde bien passada.
L sitio para assar las cousas
Bielhos i nuobos ban alhá.
Era buono que ls que ténen anternete mostrássen l que tenemos an Sendin.
I era anteressante que se fazísse mais porpaganda, para la giente de fuora benir mais a la nuossa tierra.
Ls sentalhos a la selombra
Mostrei-bos ls nebros i l ancho de Mundin, onde l riu parece parar.
Un scritor sendinés, que usa l nome de Francisco Nebro, ten ua poesie subre l riu e deilha tirei la parte que bos deixo para lerdes.
Cansaba-se a currer i dolie-le
tanto la cabeça de bater nas piedras que
paraba a çcansar
no ancho de Mundin
abraçando siempre las
dues arribas
que nunca deixórun de
ser ua sola
porque son de L Riu.
( Cebadeiros – de Francisco Nebro)
