Era you inda garoto quando ne ls barriales habie un Barreiro i muita giente iba alhá a buscar barro. Las paredes éran de piedra cun las juntas an barro i tamien se fazíen adobes que éran a modos que blocos, mas feitos de barro amassado cun palha. L stuque era feito de tiras de madeira i barro, las debisones éran de stuque.
Por esso ls barriales éran amportantes. L Barreiro era de l pobo.
Mas cun la chegada de las barraiges i de l cimento, ls barriales deixórun de tener anteresse i quedórun abandonados. Apuis bieno ua Junta que bendiu todo.
Hoije ye ua de las antradas mais amportantes de Sendin.
Onte mostrei-bos cumo ye la parte onde se sploraba l barro. Hoije mostro-bos la rue zde que ampeça na strada até a la cruç de la canhada.
Onde ampeça
Na canhada
Esta rue stá onde era l camino para la staçon, inda me lhembra de star an tierra i de ls carros se béren mal para chubir la cuosta, quando chubie por cousa de l barro. Fui por alhi que muita giente passou a apanhar la automotora na staçon.
Aende teneis l retrato de la automotora para ls nuobos sabéren cumo era i para ls mais bielhos se lhembráren.
La automotora
