Hoije fizo-se an Sendin ua montarie, nas arribas, cumo ben sendo questume todos ls anhos.
Benírun caçadores de muitos lhados i todo corriu bien.
La zona de las arribas ye buona para ls cochinos de l monte i mesmo para las corças. Hoije biu-se de todo. Mas solo se podíen matar cochinos brabos. You inda bi ua corça mui linda a correr por las binhas.
Un caçador na sue puorta
La montarie ten reglas para que naide se fira i ua ye, cada caçador tener l sou lhugar (la puorta). Ls perros i ls batedores ándan pul monte a spantar la caça i cada un ten que star ne l sou sitio, até ser dado l sinal de que yá acabou.
L purmeiro cochino que se matou
Ls cochinos salírun antre las ribeiras de l piçarrão i de l seixo i acabórun por se spalhar até mundin. La caçada fui buona i matórun-se 4 cochinos, un era un nabalheiro (cochino macho yá cun dientes bin aguçados i grandes).
L cochino nabalheiro i l que l acabou de matar
Las corsas tubírun mais suerte yá que nun se podíen matar i scapórun sin naide l fazer mal. Ua quedou-se mesmo parada no meio de ua binha, cumo que a fazer caçuada de ls perros i de ls caçadores.
Ls caçadores cun l cochino maior
Ne l fin, la matilha de perros alhá fui cun l sou duonho i ls caçadores fúrun para l salon, onde Eisidro serbiu la cena regada cun bun bino pauliteiros.
La matilha de perros
