Onte fui la montarie i hoije fui die de caça. Puode parcer que ls caçadores solo se ampórtan cun caçar seia l que fur, mas nun ye assi i inda onte se biu al ber las corças tan cerca i naide las matar.
La Associaçon de Caça ten no Barrocal un lhugar para la criaçon de conelhos i ua reserba para toda la caça.
L lhugar de ls conelhos
Las conelheiras
Tamien hai un sitio onde nun se puode caçar i onde se tréinan ls perros.
Durante l anho tamien se fázen repoboamentos de perdizes i conelhos ye por esso que ten esse lhugar para la reporduçon de la caça.
Esto fui feito a la custa de la caçadores
Puode dezir-se que nun fazírun mais que la sue oubrigaçon, mas hai muitos que caçan sin lei nin roque i nun s’ampórtan cun ls animales. La Associaçon ten serbido para la persebraçon de ls conelhos i perdizes que ban a alimentar tamien las águilas, ls falcones i outros animales que tantos gústan de ber nas arribas.
