Alguas mulhieres de Sendin ándan nun curso para “Reconhecimento, Validação e Certificação de Competências”.
Para quien tanto se preacupa cun las mulhieres i nada faç por eilhas, ye buono que saba que las sendinesas sáben bien l que quieren. Tanto ne l trabalho, cumo na formaçon i stan atentas i anteressadas i para mostrar que ye berdade, ende teneis l grupo que anda ne l curso.
A la dreita
Tube que tirar dous retratos para las apanhar a todas, porque la mie maquina ye fraca.
A la squierda
Falei un pouco cun eilhas i quedei a saber que nun ye solo l certeficado de eiquibalencia al 6º. ou al 9º. anho que les amporta, mas daprendéren nuobos coincimentos para stáren melhor porparadas.
La eigualdade ganha-se, cumo fázen estas sendinesas, que dan l eisemplo al porcuráren ser mais anstruidas i sabidas.
L porsor no meio i eilhas cuntentas daprender
Eilhas nun quieren que por séren mulhieres sabidas las eiguálen als homes, mas quieren oucupar l lhugar que por dreito i cumpetencia lhes caba.
Quando ampecei l “Hoije,an Sendin i arredores” fui para dar las buonas nuobas i fazer que l nuosso amor-própio sei fuorte.
Tenemos que ser nós a fazer grande la nuossa tierra.
Chenos de lhamúrias yá nós stamos i de quien solo bei l que stá mal inda mais.
