Yá bos falei de quien mandou amanhar la capielha de San Sebastian, mas esso nun ye l mais amportante, nin l retrato de la capielha.
L mais amportante ye saber cumo aparciu la capielha, de que tiempo serie i muitas outras anformaçones que solo ls studos mui cuidados poderán dar.
La capielha
Cumo quien mandou cumponer la capielh fúrun las dues armanas, Leopoldina i Maria Falcão i la familha ten cerrados na calçada, sabendo you que la capielha staba sbarrulhada quando la cumponírun i até dezien que yá tenie ne l meio de las piedras ua fieira, pensei que serie mui antiga i ls restos de las paredes starien nas paredes de ls cerrados.
Ua piedra de la antiga capielha ou eigreija
Las eigreijas romanicas, cumo la de Atanor i la de Santo Cristo, an Picuote, ténen ls beirales cun piedras a que cháman cachorros, cun bários feitius. Pus nas paredes de ls cerrados de la calçada, hai bárias piedras eiguales a las dessas eigreijas.
Outro cachorro
Todas estas cousas deberien ser studadas i ye pena que inda haba quien tenga rábia que you scriba esto i que bos l dé a coincer.
Mas muitas mais cousas screbirei.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
